*** مشكلة واجهتني بالتوانك الماء وش الحل .. ؟ ***

**عاشق المكاشيت** · 01/03/2005, 02:48 PM

السلام عليكم ورحمة الله وبركاته ..

سؤال وإستفسار بسيط لأهل الخبره .. !

ركبت تانكي بالسياره للماء والتانكي من حديد وليس أستن أستيل ..

وأخاف يصدي علي ، فكيف أحافظ عليه من الصدى .. ؟

هل من حل .. ؟

**الخبير** · 01/03/2005, 08:11 PM

السلام عليكم
يبي يصدي على طول
انصحك بالستيل
إذا كان للبنزين خذ حديد

**هاوي الشمال** · 01/03/2005, 08:43 PM

السلام عليكم
أنصحك تركب ستانلس ستيل 2،5ملى أو 3ملى فهو أمن على صحتك لأن الحديد ولذي يبدا لي ماله حل من مشكلت الصداء

الضبي طرده عليــك التعيب======= ولا كل من طرده جابه
والصيد ولعه ولابـــه عيــب ======= يـوم الردي ماتهقوابه
طاح العشاءوكثر الترحيب ====== ونفس لـزود طـــــــلابه

**الطعس الذهبي** · 01/03/2005, 10:48 PM

أنصحكب بالستيل

**أيمن** · 01/03/2005, 11:39 PM

مادام ركبت ..
فالحمد لله على كل حال ..
هناك عدة أمور لا بد مراعاتها للاستفادة من التوانك مدة أطول ..
احرص على عدم إفراغ التوانك حال عدم الاستفادة منها .. على أقل حال نصفها ..
لا تحرص على تعبئتها حتى حال استخدامها على المياه العذبة الحالية ليكن أقرب مالها موية هماج نوعًا ما "الشكوى على الله" ..
اعلم أن الصدا لن يكون إلا من الملاحم وتطاير الملاحم داخل التانكي ..
يعني لو كانت الملاحم نحاس فالأمر أفضل بكثير ..
وفقك الله ..

تحيتي

**وهبى** · 02/03/2005, 04:00 AM

يوجد ماده ((( قار )) لةنه اسود يستخدم للسيارات الى ترشها فى محطات الغسيل 000المهم يوجد علبع سبرى رش
ودائما تجدها عند اهل تفصيل التوانكى 000فلا اعلم يمكن تجدها عندكم فى السعوديه
وهذه ماده تمنع الصدأ

**قصرصالح البديوي** · 02/03/2005, 10:14 AM

السلام عليكم

يا جماعة الربع... الصدأ يبدأ من مخايط اللحام أي اذا امرك الله وفصلت تانكي حديد على طول إعمل له إختبار على النحو التالي :
- البداية لابد من تنظيف التانكي من الداخل (قطع لحام . بودره )
- عبئ التانكي بالماء ضع فيري مخلوط بقليل من الماء على جميع مقاطع اللحام سوف تلاحظ إنه مافية تهريب ماء ( لكن خل واحد من ربعك ينفخ التانكي بالفم أو بأي طريقه) سوف تلاحط فيه تهريب من كذا مكان ماعليك إلا إنك تحدد الأماكن بسائل ابيض (اللكويد . مزيل الكتاتبه) تجده عند المكتبات . وارجع لم اللحام وقله وش اللحام وخله يلحم مضبوط وكرر العملية مره أخرى حتى تتأكد أنه مافيه تهريب ماء .

- الصدأ يبدأ من التهريب اللي ما يطلع ولا يشاف ... صدقوني ... المجد عضو ومتابع من قديم لهذا المنتدى السنافي( المكشات)

**محب الشمال** · 02/03/2005, 11:58 AM

ليش يا مشرفنا الخبير يكون تانكي البنزين حديد وتانكي الماء ستيل طبعاً الستيل معروف بس ليش البنزين ما اسويه ستيل

**vxr-99** · 05/03/2005, 09:54 AM

- الصدأ يبدأ من التهريب اللي ما يطلع ولا يشاف معاك حق ياالمجد ,,, ممكن

**عاشق المكاشيت** · 20/03/2005, 08:52 PM

السلام عليكم ورحمة الله وبركاته ..

مشكورين ياإخوان على الإقتراحات وأعذروني على تأخر الرد ..

الحمدالله على كل حال أنا ركبت وأنتهيت لكن شكلي وبعد المشاوره أبحط قار داخل التانكي عشان ما يصدي ..

**أيمن** · 20/03/2005, 09:57 PM

أخوي العزيز ..

عزله بالقار سيمنع الصدا بالفعل ..
لكن سيضرك صحيا وخصوصا أيام الصيف والحرارة الزائدة تخرج مواد سامة إن زادت قد تستطعمها في التانكي ..

انتبه بارك الله فيك ..

تحيتي

**saag** · 21/03/2005, 02:08 PM

الله يعينك
الله لا يعوقك بشر
فاكهن يعني فاكهن
خذ راي مجرب
فكهن و حط بدالهن تانكي ( ستاينلس ستيل ) اريح لك من وجع الراس وزود الخساير ( القار ) وبعدين القار وانت ابخص ما يمكن يغطي كل اماكن اللحام الموجود داخل التانكي وستبقى المشكلة ، لكن خذ رايي وتوكل على الله وغيرهن
ولاحظ ان فيه نوعين من الاستاينلس ستيل ( نوع صافي ) ونوع مخلوط بحديد ويصدي فانتبه لهذا بارك الله فيك
تحياتي لكم جميعا

**داب الرمث** · 18/05/2005, 03:10 AM

اقول تصدق به وفصل ستل ستيل.........................................

**محب الشمال** · 21/05/2005, 11:12 AM

اقول من راي الشباب غيره وفصل ستيل او المنيوم لان هذي مويه فلازم تشرب مويه نظيفه عشان اذا صارت فيه صدا رايح تغثك ويمكن تتعبك وبعدين مما لا شك فيه ان المويه مهمة جدا جدا جدا في البر فلا بد من تغيير التانكي لو حاجه غير المويه كان قلنا لك لا تغير ومشي حالك اما الماء الوضع مختلف
والله اعلم والله يحفظك ويرعاك

**ظلال الشمس** · 28/05/2005, 04:18 AM

اخوي عاشق المكاشيت تحية طيبة وبعد
بالنسبة للقار نبهوك الأخوان لضررة وما قصروا بالإضافة إلى انه مستحيل ترشة على كامل مسطح التانكي من جوى لصعوبته
وأيضا انه يتقشع بكل بساطة وانا مجربه في مكيف صحراوي
لكن هناك حل ومجرب جربته أنا وأثنين من الربع ونجح معنا
الأمر هو انك أول ما تركب التانكي لاتعبيه إلا من موية آبار لخلوها من مادة الكلور وكرر هالعملية من 5 إلى 10 مرات كلما فضى عبه موية آبار الله يعينك
بعدها عبه من اللي تبي
ويبي يمشي معك زي الحلاوة

على فكرة التانكي له عندي سنتين ما اشتكيت منه لا ولا أصلح الشاهي إلا منه

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: * مشكلة واجهتني بالتوانك الماء وش الحل .. ؟ *

أدوات الموضوع

عرض