..|كشتتنا مع الخواجات..طبخ الخواجات للقرص والشاهي|..

[تبريزة]

اسعد الله اوقاتكم بالخير والمسرات

في اجازة نهاية الاسبوع الماضي ذهبت انا ومجموعه من الزملاء السعوديين "(بما اننا خارج ارض الوطن) دعواتكم اخواني لنا بالتوفيق " الى مزرعه احد الاجانب في مدينتنا وكان هناك العديد من الاشياء الجديده على اللتي صادفتها وخصوصا ان المزرعه بعيده عن المدينه وهم عايشين في هذه المزرعه وبعضهم لم يزر المدينه في حياته ... بإختصار هم بدو هذه الدوله

عموما مالكم بالطويله ،، شدني عندهم الكثير لكن حبيت انقل حاجتين منها للاخوان الا وهي طريقة تصليح قرص الجمر ،، وطريقة تصليح الشاهي
يمكن تستغربون مثلي بعد ماشفت انهم يصلحون قرص جمر



عندما انتصفنا في المزرعه وجدت النار مشبوبه والشاهي حوله وقرص الجمر



اللي على اليمين تحت مغطى هو قرص الجمر ،، والعلب اللي فوق هي الشاهي



بعد ماقربت ورفعت الغطاء عن الماعون طلع لي هالشيء



شكله شهي بالحيل




حاولت اشيل الماعون وحصلته ثقيل بالحيل وبنفس الوقت حار ،، كنت ابشوف المعدن اللي مصلح منه الماعون هو قراشيع مثل قدور الضغط الصينيه اللي عندنا ولا مزبوط ، وطلع على كيف كيفك...
بعد مايخلص القرص يطلعونه من الماعون ويقطعونه ويحطون عليه عسل وياكلونه مثل ما اللي بالصورة



هذا معزبنا من دراهمنا طبعا مافيه شي ببلاش








وفيه عندهم طريقة ثانيه للقرص ،، انهم يبرمون العجينه على الصيخ ويشوونه شوي على النار مثل هالصورة





وهذا واحد من وغادينهم يشوي على النار









الحين نجي للشاهي ،، الشيء العجيب والغريب اللي جذبني للشاهي هو انهم يصلحونه بعلب ،، مثل علبة النيدو ،، بعد مايحطون الماء بوسط العلبه "طبعا بدون سكر" يحطونه على جمر ثاني غير اللي بالصورة الاولى وعندهم منفاخ ينفخون النار علشان يطبخ بسرعه مثل هالصورة



العجيب بالسالفه كلها ان هالولد من جينا وهو يراكض بالشموس ماشاء الله عليه ،، طقته الشمس لين قال بس ، وعيا يقلب لونه ماشاء الله
وحنا من يوم حنا صغيرين واهلنا يدهنوننا ويغبوننا عن الشمس واخرته الشطوب واصله العلابي



وهذا الماء على وشك انه يغلي






وبعد مايغلي يحطون فيه شاهي ويقربونه للنار مثل هالصورة









وهذا الشاهي بعد مايخدر




بصراحه من الذ الشواهي اللي شربتهن في حياتي




وفي الختام ،، كنت اتمنى اني رفعت الصور من سيرفر مكشات لكن للاسف ،، السيرفر محدود بـ 100 كيلو بايت للصورة


اتمنى ان ينال تقريري على اعجابكم ،، وبما اني تعبت على الموضوع واستهلك مني الوقت ،، اتمنى ان اجد ما ينسيني تعبي من ردودكم

دمتم بحفظ الله ورعايته

اخوكم تبريزة

[al-ganass]

والله حلوووه الطريقه
هههههه


يسلمووو خيووو

[طويق 2010]

شي غريب جداً شاهي مو معقول وبسطل صراحة غريب

جهد متعوب عليه وموفقين برحلتكم

[قلبي طيب]

يعطيك العافية



وياليت تزودنا بشغلهم في الشوي والمندي كان عندهم

[المزون الثقال]

آه ياسبدي
مشكور أخوي ... وتقبل مروري

[محب للمكشات]

مـــاشاء الله عليكم

والله يوفقكم ان شاء الله في دراستكم

......

والله ماعد هو بقرص قد هو كيك من كبرها


اول مره اشوف شاهي قالب لونه ... والله من كثر الصدى اللي شربتها

واركدوا شوي ياشباب اهلكم يبونكم .. موب كل ما طبخوه الاجانبه بلعتوه
................

اما قصة الورع فاشهد انك صادق ... كل يوم وحنا ندهن بالفازلين ولافيه فايده من سواد في سواد
ويشهد الله ان حنا متشوقين لباقي الصور ... تقدر تحطه في ردك التالي

[مدورالصمان]

حلووو ...........لكن هالشاهي شكله مليان شوائب وبلاويييييييييي

والعلب المصديه ما أثرت على المويه ؟؟

صراحة غريب وعجيب !!!!

[بندر10]

العجيب بالسالفه كلها ان هالولد من جينا وهو يراكض بالشموس ماشاء الله عليه ،، طقته الشمس لين قال بس ، وعيا يقلب لونه ماشاء الله
وحنا من يوم حنا صغيرين واهلنا يدهنوننا ويغبوننا عن الشمس واخرته الشطوب واصله العلابي

اخ تبريزة الله يقطع بليسك على هالسالفه .

تدري ليه ؟ حنا العظام اسود اخخخخخخخ

[ابو99]

يعطيك العا فيه بس الصطل مصدي والسيم مصدي والعجين طحين ابيض وما يلبس قفازات

[شعيب فياض]

الله يعطيك العافية فعلآ نحتاج تجارب الأخرين ولا نلزم بفعلها ماصلح نستفيد منه وغيره نتركه الله يردك لأهلك سالمآ غانمآ

[F34666]

هذا شاي او ماراديتر في علبة مصدية وقديمة انتبة لاتاخذ اي شي من الغرب خذ الزين وانااخوك والظاهر لو الي مسوي الشاهي مصري او هندي كان الراي مختلف

[عاشق السيل]

الله يخليكم لعين ترجيكم ويردكم لدياركم وأهلكم سالمين غانمين ويقر بكم عيون والديكم ،،

بيض الله وجهك على التقرير الرائع والصور الجميلة ،، وفعلا عندهم طبيعة ساحرة حتى شمسهم غير شمسنا على قولتك حنا شمسنا تاكلك حتى بعز الشتاء ههههههههه

الله لا يهينك نبي تقارير مثل هذا بس فيها طبخات الخواجات والأشياء الغريبة مثل سالفة الشاهي !!!

عافاك الله وتقبل مروري وتسجيل إعجابي يالغالي .....

[muhajer]

ماشاء الله
القدر هذا رهيب,,اسمه dutch oven ( الفرن الهولندي) له طريقة خاصة للطبخ,, يحطونه فوق الجمر , ويحطون فوقه (على الغطاء) جمر , لمده ساعة ونص تقريباً, على حسب الطبخة.

[ابورايف]

الله يعطيك العافيه

[ابوياسر2010]

الله يوفقك
تقرير حلو عن قرص الجمر الغربي