يالله لك الحمد والشكر
مع اذان عشاء الجمعة 9 / 5 اقبلت سحابه برقها مايفصل ورعدها كذلك ..
رعدها كان متوسط القوه .. شوي واقبل علينا عج ماطوّل دقيقه ونص تقريباً ..
والصواعق على اشدها ماشاء الله تبارك الرحمن ..
شوي وجانا وبل معه شبوب لكن الوبل ماطوّل حول الـ 35 ثانيه لكنه قوي
وخف المطر وتحول لمتوسط تقريباً 10 دقايق .. مشت الشوارع على خفيف وتكونت النقع يالله لك الحمد والشكر ..
واستمرت البروق واضحه شرق وشمال شرق وجنوب شرق ..
والمطر ماهو بقوة البرق والرعد والله العالم انه امطر غرب عنا كثر ..
بعدها زانت البروق براس المزن شمال شرق .. لكن ماهي واضحه بالكاميرا للأسف ..
واصحى الجو .. كل هذا حدث مابين 7.30 الى 9 تقريباً .. ولله الحمد والمنه
من الساعه 10.40م الآن رش مابين الخفيف والمتوسط له تقريباً 20 دقيقه ولازال مستمر .. اللهم لك الحمد
اعذرون ع الاطاله .. لكن حرصي لوضعكم معي في قلب الحدث . والمعذره كذلك ع التأخير ..