gxr الفرق بين السعودي والخليجي2005

[راعيها2]

السلام عليكم جميعا ــ

شباب نبي فزعتكم الله يحفظكم انا محتار بين جي اكس ار جميل والبريمي اللي منتشره في السوق عندنا في الرياض وبصراحه الكل له رأي بس السعودي مع الاسف معدل فيها كثيرولكن شكلها الاجمل والبريمي او الخليجي جميع قطعها ياباني من الى بس مشكلتها في الشطرطون والالوان ونا لي فتره والله محتاار وش رايكم شباب وهل السعودي على تغيراته عليها الكلام ولا لا لاني سألت البائع وعنده الاثنين بس زاد هو من حيرتي شوى لما قالي السعودي معدل فيه كثير واغلب القطع صيني بلييييييييييييييييييز شباب نوروني الله ينوركم
وهذا مبلغ مو هين لكن مشكلة ابو جميل لاعب في المواصفات لعب وسعره جزر مرره

[الطرشي]

راعيها

شوف اخوي مالي بالجيوب وباسعارها

لكن اللي ممكن اخدمه : واحد من الشباب معه جيب 2002 خليجي ( على حسب كلامه انه بريمي )

يقول انه شاريه من الامارات والسعر تقريبا متقارب لحد كبير ,, لكن الفرق هو فالاكسسوارات

يقول صاحبنا ان البريمي حصلت فيه اكسسوارات بقيمة (5.000) ريال لم أجدها في عبداللطيف جميل او بالاصح

(عبداللطيف نشال ) واغلب هالاكسسوارات هو فالمقصورة الداخلية للسيارة

اتمنى اكون افدتك

وبالتوفيق .

[الدبل الثقيل]

البريمي لاتعداه...

[ناصح]

البريمي لاتعداه...

الميزة الوحيدة في تايوتا عبداللطيف جميل الضمان
لكن المواصفات متدنية جدا ومغشوشة

[Mohammad]

يستحيل يكون فيه فرق اساسى...مجرد امور شكليه لترغيب المشترى لان عملائهم (دول الخليج الاخرى) قليل جدا جدا جدا مقارنه مع عملاء عبد اللطيف!
فى السعوديه الناس يبون سعر اقل ولو الف ريال. ولكن يجب علينا ان لا نتسرع ونحكم نتأكد 100 بالميه وبعدين نحكم!

[سعدسعود]

السلام عليكم
يا أخوي كانك شراي للجديد تكفى طع شوري ومجرب (ابعد عن السعودي) لا تصير عبرة لغيرك

[L I M I T E D]

غير الخليجي لا تاخذ

انا انصحك ماتقرب من عبداللطيف جميل لانه يلعب في المواتر لعب ومن ذلك
1/ انه يجيب المواتر بدون مراتب ويركب المراتب في جده (مراتب اي كلام)
2/انه يجيب المواتر بدون مسجل ويركب في جده مسجلات صيني
3/يجيب المواتر بدون دعامات اللي قدام ويجيبها ويركب صيني لذلك تشوف شكلها مختلف

ومن ذلك الكثير الكثير .....................................

فانا انصحك نصيه لوجه الله لا تقرب من عبدالللطيف جميل لاتقرب

وعلى فكره ترى الخليجي ازين في البيع

وشكرا

[راعيها2]

قلوها والله كثير .. بس بغض النظر عن الظمان اللي ما راح يمشي الظمان الا بطلعت الرووح
بس انا لي رأي وهذا اللي خلاني متردد اوقف عند اي معرض وقارن من حيث الشكل السعودي او الخليجي عن نفسي شفت السعودي عليه الكلام مع ان المواصفات قليله في شكل بس الخليجي
والله حترت ولكن اتمنى من يجي يرد على موضوعي من الاخوه اللي اشتري من الموديلات الاخيره وهل فعلا فيه مشاكل ظاهره في السعودي وتستحق ان الواحد يصرف النظر عن السعودي وهل 2005 مغير فيه صيني؟؟
يوميا يجماعه من معرض لمعرض ومن صاله لصاله هذا يمدح وهذا له رأي ونا كنت ما في بالي غير السعودي شكل وظمان ومواصفات وبعد مقارنه لما تكون السيارتين خليجي وسعودي راح تكون العين على السعودي ..... بس اللي سد نفسي عنها وخلاني محتاار عن ما سمعنا ان السعودي معدل كثير فيه لا وصيني ونتم عارفين يدفع الانسان مبالغ كبيره ويتفأجا انها مواصفات صيني
الله لايحرمكم الاجر,, تراي متردد وابي رائكم خصوصا اللي مجرب ومتاكد والموديلات الاخيره من 2000 الى 2005 ينورنا الله ينور عليه طريقه

[محب الشمال]

اخوي راعيها كل الردود ما قنعتك الله يجزاك خير
الشباب كلهم يقولون لك انحش عن الجيب السعودي لانه صيني وانت تقول الشكل ما يصير هذا الكلام

واضحة اشتر لك خليجي وريح نفسك والشكل الخارجي السعودي والخليجي نفس الشي في اعتقادي واذا قصدك الخطوط هذي امرها في اعتقادي هين ان شاء الله

وحتى لو شكل الجيب السعودي احلى صراحه المواصفات الاساسيه اهم من الشكل الخارجي وخصوصاً اذا كان صيني

والله يوفقك ويعافيك

[ماجد الشمري]

خذ لك خليجي ابرك ..
ترى السعودي ينقصة مواصفات اساسية مهمة وسعره نار والضمان ماتحتاجة لأن سيارات تويوتا معروفة بجودتها وقطعها بكل مكان ...
وترى القطري بعد زين مرة .. حتى اني اخبر واحد من الشباب معاه قطري ..كل القزاز اوتو ..بينما الفي اكس ار 99 يجي الامامي اوتو واللي ورا عادي ....



اخوكم ماجد الشمري

[شمس القوايل]

عليك ياعم بالخليجي

[KEA2003]

اسمع واناأخوك رح لقطر طقلك وحيد وترى زيادة المواصفات زينه مع العلم انه يبيطلع عليك مع الجمرك

بسعر سيارات المصري حقكم (جميل)

[لبرتي]

أخوي
زميل لي معه جي اكس أر فل كامل سعودي وأنا جربته شهر كامل
أول مشكلة فيه رجه في الكفرات الامامية ذبحتني ما راحت ولحد اللحين ما طاعت تروح الوكالة يقولون ترصيص وغيرهم يقول الاذرعة وأخر شي وأتوقع أنه صحيح أن الجنوط صينية
المشكلة الثانية والتي واجهتني وازعجتنا هي التنسيم المزعج مع القزاز وخاصة قزازة السواق يطلع منها صوت كني جالس عند هنود حمر ويدورون عندي مزعج جداً
المشكلة الثالثة المسجل كنوود الظاهر أنه صيني مو شد بلد

أنصحك أبعد عنه وخذ لك أماراتي أو قطري أو مر البازعي في النسيم وشف وش المواتر اللي عندهم والضمان ثلاث سنوات أو ستين ألف كم

تحياتي لكم

[الطعس الذهبي]

خظ خليجي من المعارض وعبد اللطيف قبيح يعطيك ضمان

[حرباش]

الخليجي مواصفات وفن الصراحه
السعودي للأسف مغشوش من ناحيه قطع وعليه اكسسوارات ترفع الضغط واقلها الجناح الخلفي ( مكسيما هذا مو جيب )
انصحك بأقتناء الخليجي ارز واحسن واعرف ان لديك مشكله واحده فقط مع الخليجي وهي الضمان