وين الخزان

[ابن بطوطه]

سؤال بسيط يا اخوان اتمنى اجد الاجابه الوافيه لديكم

عندي سيارة جيب لاندكروزرGXR
موديل2001
ودي اركب لها خزان ماء اسفل السياره
وسؤالي ماهو افضل انواع الخزانات
ومن اللي يركبه في مدينة الرياض مكانه ورقم تلفونه إذا امكن
ولكم جزيل شكري وتقديري .

[الطعس الذهبي]

الخزان الستيل لاتركب حديد يصدا وبالغرابي يركبون

[ابن بطوطه]

شكرا لك اخوي الطعس الذهبي
ولكن هل فيه محل معين تنصحني اروح له
جزاك الله الف خير

[ولد سليمان]

كان تبي نصيحتي لاتركب الا المنيوم لان وزنه خفيف مره
انا ركبت تانكي ستانلس ستيل وطلع وزن فوق 50 كيلو وهو فاضي
ولو كان المنيوم مااعتقد يتعدى ال15ك
شف على هذا الربطhttp://www.omdbbab.com/a3lan/yahya/yahya.htm
لو كنت انا ادري عن الورشه كان ماسويت الاستيل

[ابن بطوطه]

يا بو سليمان جعل ربي يعافيك
عز الله انك جبتها , أنا اسمع با اليحيى والكل يمدحه
لكن ما لقيت من يدلني عليه
مشكور وجعل عمرك طويل
تدري عاد انطل الستيل وركب المنيوم
على حساب أخوك ابن بطوطه
تراي اتكلم جد ومن قرأ هذه السطور يشهد علي .

[ولد سليمان]

تسلم يالغالي ابن بطوطه
بس ودي انك كل مافتحت البزبوز تبي توضا او تغسل انك تدعيلي

لاتنسى انك تعطينا ملاحظاتك على التانكي
وبعد شهر من الاستعمال يبيلك تشد على المسامير شداخير وهو فاضي لضمان الشد

وياجعله بالعافيه

[ابن بطوطه]

الله يجزاك خير يا بو سليمان انت وكل مسلم
وعسى الله يقبل ما دعيت لك
وفي اقرب زيارة للرياض ساتوجه مباشرة لليحيى
وان شاء الله توصيتك سآخذ بها
بارك الله فيك وفي اخوانا المكشاتيين جميعا .