وش تحط في شنطة العزبه ( الشاهي والطبخ ) ؟؟

[!! ابوشداد !!]

السلام عليكم ورحمة الله وبركاته اعضاء مكشات
حبيت اقدم لكم هالموضوع المتواضع ويتكلم عن وش تحط في شنطة العزبه ؟
كثير من الناس يشتري الشنطة ولا يدري وش يحط فيها
او يحط فيها حاجات غير مهمه :dance:
فا ابي همتكم هينا وكل واحد يقول وش المفروض يحط فيها للفائده .
وشكراً على تواصلكم اخواني .

[الطعس الذهبي]

عدة الشاي والقهوة

[المطلق]

بسم الله الرحمن الرحيم

أخوي أبو شداد

خذ العلم مني وأنا أخوك

بسم الله

لازم يتوفر في العزبة ما يلي

1- اربع اباريق واحد لتفويح الماء والثاني للشاهي والثالث للحليب والرابع للقهوة

2- دلة

3- دافور

4- ذرا

5- كرتون شاهي

6- كيس سكر (1كيلو)

7- علبة قهوة

8- كرتونيين حليب (1لتر)

9- علبة الهيل و الزنجبيل و المسمار و النخوة و الدارسين و ...

10- علبة النعناع والحبق و الدوش (المجفف)

11- ملعقة صغيرة لتقدير المقادير

12- بيالات الشاهي

13- فناجيل القهوة

14- أكواب الحليب

15- المركاب

هذي العزبة الكاملة للشاهي والقهوة والحليب

أرجو أن تكون قد حازة على إعجابك

تحياتي

[اسيزو 4x4]

مشاء الله على اخونا الرياعي ماخلى لنا شي نقولة تراني أمزح :dance:

وشكرا على الموضوع المفيد أخوي !!أبو شداد!!

[توونا]

انا عندي عزبه منذ خمسه عشر عام للبر والسفر داخل وخارج بلادنا لاتفارقني ابد اين ماكنت ويوجد فيها الاتي
1-شنطه عزبه عاديه
2-شنطه صغيره للكاسات والفناجيل و6كاسات بادريق و6فناجيل ميلامين نوع فاخر افضل
3-كيس شاي ابوجبل وكيس سكر خشن الكيس سعه 2كيلو
4-نجر صغير وكيس قهوه وكيس صغير هيل وكيس صغير مسمار
5-ذرايه صغيره
6-مفواح قهوه مع دله يجب ان تكون ستيل كي لاتحتاج الى رب
7-ابريق شاي ابوتاج الاصلي مقاس 12واخرصغير مقاس 8 معدن مع بيزين مع اناء صغير لماء الكاسات يكون اكبر من حجم قاعده مفواح القهوه حتى تجعله بداخله ويوفر عليك مساحه
8-ملقاط صغير ومركابه صغير بحجم قاعده الابريق الاكبر
9-موقد صغير جدا الي له دبات بثلاث ريالات بس تركبها اذافض 10-كوب معدن صغير لشرب الماء 11- وهناك بشنطه العزبه سحاب امامي يستحب ان تضع فيه الاتي
1-مفك معلبات
2-سكين كبيره
3-سكين خضره
4-3ملاعق
5-مكسر ثلج
6-علبه زعفران صغيره
7-كشاف حجم صغير
8-كبريت اوولاعه
9-مبرد اصلي
10-مصفاه صغير جدا للقهوه
والافضل تضع في احد السحابات الجانبيه كاز مجمد وفي السحابات الاخرى صحون ورق مقاس متوسط واتمنى لكل احبابنا اوقات عامره بشكر الله وذكره ولكم فائق احترامي وتقديري

[sees]

باقي ليفة للقهوة و قطع فوط صغيرة جدا

[فارس ولدي]

الله يعافي من قام بأعداد هذا الجدول (( أعدها : أيمن – أبوحمد ))

انا مجرد ناقل

ان شاء الله يطلع الجدول واضح

[مكشاتي مدني]

انا بالنسبة لي احط
1- شنطة تنزانية
2- قدر كاتم 8 لتر او 10 لتر على حسب تيفال فرنسي
3- دافور ايطالي مقاس 7 رطل مع قاعدة حديد شربوش كبير
4- قداحة او ولاعة
5- ملعقة تقليب خشب او حديد
6- سكين وحدة للخضرة وثانية للحم نوعية جيدة مثل السيف ياباني
7_ العلبة الغاز اللي تولع الحطب اللي فيها فوهة وقداحة تيرا او اي نوع
8- ابريق شاهي ويفضل استيل كوري اصلي
9- دلة قهوة اي نوع ويفضل رسلان او بغدادي
10- ابريق تفويح القهوة
11- بيالات بادريق وفناجيل
12- صحن للارز
13- دافور صغير للشاي نوعية فوكر ايطالي او تيرا الكوري
14- قفازات للبر للوقاية من اشواك الشجر والاشياء الساخنة
15- ادوات نظافة سفرة اكل + صابون + اكياس نفايات + ليفة اسفنج مع سلك
16 - ملاس ومغراف طعام
17- مفك علب
18 نجر مع عصا لدق الهيل او القهوة
19 كيس ارز اي نوع حسب الرغبه
20 طماط وبصل
21- علبة بهارات
22- علبة ملح
23- علبة شاهي ابو جبل للتلقيمة او ربيع اكسبريس خيوط
24- علبة سكر
25- خضار
26- لحم او دجاج حسب الرغبة
27- علبة ماجي
28- علبة صلصة
29- ليمون اسود ودراسين
30- لوح بلاستيك لتقطيع البصل والخضار واللحم
31- ذراية
وسلامتكم واتمنى انها تكون تفي بالغرض وكشتة سعيدة

[همس الغدير]

ماشاء الله تبارك الله

تقرير رائع

[baracuda]

ماشاء الله تبارك الله
شكرا لكم على هذه المعلومات الرائعه
والجدول المفيد من اعداد الاخ ايمن ممتاز جدا الله يجزاه الف خير لى اعداده
تحياتي للجميع

[غالي1]

ماشاء الله تبارك الله


تقرير رائع