مســــاكـــــــــم الله بالخير
اخواني ليه اكثر من25يوم وانا اموري مصرقعه والسبب البافندر
عندي طال اعماركم بافندر2003 وهذا حليله مااخليه يشتركي من شي ابدآ ليه اربع سنوات وهذا حليله محركات ومكينه ع كيفك
المهم ولا اطوول عليكم من25يوم لما اسافر توصل الحرارة نصف وبعض الاحيان H
امممممممممممم
رحلت لمركز الجفالي المتخصص بنسيان بجده وقدحت بيده400.شغل يده والقطع كالتالي
بلفين اصلي واحد270والثاني65
تماتيك حرارة اصلي460
صيخت الرديتر فقالوا مايصلح شريت رديتر اردني رصتين والموال نفس الموال
والنتيجة هي هي...ماتغير شي ..الله لايوريكم..
قلت هذولا ماعندهم سالفه ابد..رحت لاكثر من مركز وقالوا الرأس عطلان ومالك الا مكينه تشليح_(مايبون يتعبون يبون شي عالسريع فك تركيب)
قلت بيني وبين نفسي ياابو فيصل وقفه عن البيت لين الله ييسرها..لان عندي سياره ثانيه ارووح عليها الدوام..
جلست مايقارب4ايام واقف كلش حتى التشغيل ماشغلته..
وجاني ذاك اليوم الاسود اللي الله لايوريكم اياه انتم والمسلمين..
جاني احد زملائي فقال خلنا نمشي للبر وان شاء الله مو صاير شي...قلت اذا مشينا حدود200كليو والامور زينه توكلنا ع الله
مااامداني امشي20كيلو الا قال هذا مكاني ارتفعت الحرارة وبصراحة مشيت حوالي2كيلو وبعدها طفى المحرك من حاله..
وقفت ودقينا ع احد الأصدقاء وسحطه خرووج بدون عووده للرياض...
ع نيه اني برسله عن ابو ابراهيم صاحبنا ...
دقيت ع ابو ابراهيم وشرحت له السالفة من والى ..قال ارسله ومايكون خاطرك الا طيب..
ارسلته للرياض واول ماوصل الرياض قال واحد من عمومتي وهو احد اعضاء هذا المنتدى انو يوجد صاحبه ابو فهد سعودي اللي مركز ورشته بالشفاء قلت مدام السياره وصلت وده للمركز اللي انت توثق به زين...
الآن البافندر الله لايوريكم مكرووه فاكين مكينته وان اشاء الله الوعيده الاثنين القادم بتاريخ 26_6 يكون جاهز للمقناص....
ادعو ليه بالشفاء العاجل....
ولكن سؤالي ماسبب الحرارة المفاجأة علمآ بانني اعمل له فحص يوميآ قبل التشغيل واشوف المويا والزيت؟
باذن الله اذا سافرت للرياض عشان الموتر سوف تكون ليه رساله مصوره من ممشاي الى الرياض واشووف امور اخينا المهندس ابو فهد؟؟ودمتم
15 نوفمبر 2015 - 16:514 نوفمبر 2015 - 21:27
 |
رد مع اقتباس
