مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الآذان الحزين بصوت عبدالمجيد السريحي
موقع تقويم أم القرى
رحمك الله يا والدي رحمة واسعة اللهم ابن له بيتا في الجنة واجمعنا به في ملتقى رحمتك وعظيم رضوانك
مشرفنا الغالي كأني لاحظت اليوم إن موية القربه هاذي نقصت شوي
وهناك إستفسار آخر هل ماء الأديتر هو اللي يمر على دفايه المكيف الحار
طيب أنا أستخدم موية تويوتا الحمراء هل بالضرورة يكون الماء
اللي تحت الفرشه إذا كانت المشكلة من دفاية الحار أحمر ...
أرجوا التكرم ولكم جزيل الشكر
هلا وغلا الله يكثر ألف خيرك يبوهادي
فهمت من كلامك إن الهوز التي تقصد مفقود أو غير موجود بالأصل...!!
وأستغربت من كلامك إنك مالاقيته عند محلات بيع قطع الغيار وهذا له تفسيرين:
1- إنه غير موجود بالأصل بجميع موديلات الفتك...!!؟
2- أو سقط ....!!
جزاك الله خير وإن أمكن ياليت تصوره ولاعليك أمر
وبكرى بإذن المولى أبسئل عنه وكالة نيسان وإذا مالقيته عندهم أبركب حق تويوتا شاص
مشكور يالنشمي
واجهتني نفس مشكلتك الأوله قبل سنه كان عندي نقص بموية الرديتر واكتشفت ان المويه تصب عند ارجل الراكب ^ ^ طبعا الغيت المكيف الحار نفس طريقتك وضبط
المشكله الثانيه : وقت الامطار تمتلي دعاسة الراكب مويه من وين مدري فكيت الفرشه الارضية ولقيت ربلتين وكلها ماسكه
انشاء الله نلاقي لها حل
هلا بك والله أخوي محمد النيساني والله يبشرك بالخير
وياليت أخوي
تذكر نوع السيارة والموديل لتعم الفائدة ...
وكم لك ملغي ليات الحار وهل لاحظت تغيير على المكينة والحرارة عقب الطريقة هاذي
.... ولك جزيل الشكر
-----------
هذا اللي صار معي أخوي محمد وقت المطر القوي اللي نزل على الرياض الأسبوع الفائت
وكنت مشغل المكيف طبعاً وملغي ليات الحار
يوم رجعت للبيت لقيت الدعاسه الأرضية مليانه مويه واللي زاد الأمر حيره
إني كنت مشغل المكيف لكن شكيت بالربلتين اللي تقول وأزيدك من الشعر بيت
فيه ثلاث ربلات شيك عليهن بعد تحصلهن تحت كرسي الراكب
جهة الباب حصلت وحه منهن بعد مهيب راكبه صح ....
شف الغراء(الباتكس الأبيض) من زود الحرص
مشكور وبيض الله وجهك
--------------
أخوي العزيز بوهادي سألت الحمراني عن الهوز اليوم وقالي غير متوفر بكل السعودية وشيك
الكمبيوتر على الموديلات القديمة 97م ولاحصله
المهم أسمه بكمبيوتر الحمراني
Hose-drain
92593-vb300
وبكرى إن شاء أبدور حق الشاص اللي قلت عليه...
شكري وتقديري جميعاً
هههههه
خلاص النصيفة انا وياك بالورشة
دام موجود صاجة فامورك تمام
و لو تدخل رابطة الباترول فهو افضل
تاخذ معلومة اكيدة منهم
اذا وقفت الموتر و ماع الثلج اللي على الثلاجه
و لا نزل ماء بالارض من عند التصريف
فاعرف ان لي التصريف ماركب على ثلاجه مضبوط
بدليل ان الماء اذا امتلاء بالثلاجه يصب على فراشة الراكب
لذلك من وجهة نظري تاكد من الثلاجه قبل كل شي
لاهنت
نعم صحيح
الماء يطلع من الاديتر و يمر على سلندر وراس المكينة على الدفاية
لي دخول للدفاية و لي خروج
اذا حصلت ماء تحت الفرشة
شم ريحته و طعمه
اذا ريحة ماء الاديتر فالثلاجه منكسرة او به شعر تهربة
و هذا اللي يخلي الاديتر ينقص
اذا ماء عادي فعندك مشكلة بتصريف الماء
حق المكيف بعد ما يموع الثلج
حياك الله وبياك
اخوي بالنسيه لنوعه وموديله سوير موديل 2000 نفس الصور الي عندك بالضيط
الغيت اليات قبل سنه ولايوجد اي مشاكل واجهتني ولله الحمدالله بس المكيف مافيه حار فقط
بالنسيه لمشكلتك مادامك فصلت ليات المكيف الحار خلاص المويه الي عند ارجل الراكب مالها دخل اتوقع من الربلات الي وضحتها انت فوق.
وأكتشفت انا قبل شويات ان عندي الربله الي تحت كرسي الراكب منحله حطيت عليها سليكون وطبقتها * * الله يجزاك خير ان توقعت بس ربلتين طلعت اربع
بالتوفيق
مشرفنا الغالي سوبر VTC
فعلاً تركت الفرشة الأرضية لين نشفت نهائياً وأمس طلعت مشوار وشغلت المكيف
رجعت للبيت وشيكت مالقيت شيئ يوم قمت الصباح للدوام حصلت مويه
تجي من نفس المكان الموضح بالصوره
المويه عادية 100 بالميه يعني مهيب من الأديتر
يعني كلامك أخوي بوهادي طلع صحيح
والحمد لله إني ما أستعجلت وشريت دفايه وتخسرت مثل الأعطال والمشاكل هاذي
تحتاج طولة بال وسعة صدر والحمد لله على كل حال
الصوره توضح المكان اللي يجي معه الماء للفرشة الأرضية
الحمد لله الدفايه طلعت سليمة والدليل المويه اللي حصلت اليوم عاديه
والحين بالضبط كملت 10 أيام من يوم فصلت ليات الحار ولا راح أرجعهن
إن شاء الله لين أصلح مشكلة التصريف حق الثلاجة
وعسى إن شاء الله أطيح بكهربائي وفني تكييف جيد
---------------------------
* أتوقع والعلم عند الله أساس المشكلة من المواصفات الموجودة بالباترول أصلاً
وهي عدم وجود فلتر يمنع وصول الأوساخ والأتربة لثلاجة المكيف
والله المستعان على وكيل نيسان ومواصفاته الناقصه والتى لاترقى لمصلحة وميزانية العملاء .....
---------------------
مرحبا مشرفنا سامحني على التاخير
هذي صور الهوز
لاحظ الهوز نازل لتحت
الهوز مو موجود عندك ولما تمشي بالسياره وانت مشغل المكيف يرجع الماي لداخل السياره من الهوا
لكن بعد ماتركب الهوز ان شاء الله ماعاد تشوف الماي
من سنتين تقريبا صار لي نفس ماصار معك وكرهت السياره والمشكله كنت مركب بلاستيك على الارضيه وكل يوم الاقي الارضيه ناقعه ماي
وكل مااروح لورشه يعطيني راي
احد يقول بدل الثلاجه واحد يقول الغي ليات الحار
لغيت ليات الحار وماتغير شي
مريت واحد وبالصدفه شاف الهوز مو موجود وقعد يضحك قالي روح اشتر وركبه بنفسك ومشكلتك محلوله
دور بقطع الغيار واستغربت انه مو موجود رحت اقرب تشاليح واخذته من شاص وركبته بنفسي والحمدلله من ذاك اليوم ماشفت الماي
سامحني اذا طولتها لكن حبيت اتاكد ان الفكره وصلت
جرب اللي قلت لك عليه كم يوم وعطنا خبر بس تاكد بالاول ان الفرشه ناشفه
مامن قصور وجعل من جابوك بالجنه يالأجودي
أنت اللي سامحني والله إني أشغلتك وأبلشتك معي أخوي بوهادي
وعدت صاحب الورشة يوم الأربعاء أودي له السيارة والحين الفرشة الأرضية نشفت تمام
بكرى إن شاء الله أروح أدور عليه وإن شاء الله تصير الأمور تمام
مشكور ماقصرت جعل عمرك طويل والله يوفق هالوجه والأخوان دنيا وآخره
أخوك: ابووليد
اخوي مثل ماقالك الاخ بوهادي وكلامه صحيح 100 في 100 وانا صادفتني المشكله بعد في نيسان 2002 بعد مافتحت ثلاجه المكيف وغسلتها ومن يوم مارجعتها وهي ترجع الماي للداخل والسبب هو انه في ربله حوالي بيب التصريف يوم تكون جديده تكون ضاغطه على البيب وبدي السياره الي حوالي البيب وتمنع رجوع الماي للداخل بس بعد ماتقدم الربله فيتقلص حجمها وماتمنع دخول الماي للداخل والظاهر الربله كانت لاصقه في البدي بحكم اني اول مره افك الثلاجه وكانت مانعه للدخول الماي بحكم الالتصاق لكن يوم رجعتها وركبت الثلاجه وعبينا المكيف غاز اكتشفنا انها تدخل ماي بحكم انها قديمه وتقلص حجمها والمشكله انه اذا بغيت تبدلها لازم تفك الثلاجه كامله يعني لازم تفرغ الغاز ثاني مره لانها راكبه من الداخل لكن انا جتني نفس فكره بوهادي وركبت لي للتصريف وموجه الى الاسفل وراحت المشكله عندي تماما وللعلم النيسان اصلا يطلع من الوكاله بدون لي للتصريف فقط البيب البلاستك لاني امتلك الان باترول 2009 وفاكه من الوكاله وهو بدون اللي بس مافي اي مشكله لانه الربله جديده والموتر قطري يعني مايفرق الخليجي عن السعودي ومثل ما انتوا شايفين في الصوره انه الربله الي حوالي بيب التصريف واضح انها قديمه ومتغير لونها بعد وتحصل فيها فراغ بسيط بين للبيب والربله يسمح برجوع الماي للداخل يعني انسب حل انك تركب لي لتصريف الماي وتفكه من اي موتر ولا تشتريه جديد بس يكون حق موتر ثاني بس يكون بنفس الحجم البيب
السلام عليكم ورحمة الله
حبيت أشكركم جميعاً
أبشركم لقيت الهوز بشق الأنفس من التشليح حق جيب ربع تويوتا الله يعوض راعيه ....
درت كل وكالات تويوتا بالرياض وماعرفوه ولا قدروا يطلعون رقمه
من الكمبويتر مع الأسف ... وآخرتها قلت مالي إلا الله ثم تشليح السيارات اللي بالحاير
ركبته اليوم وإن شاء الله الأمور تمام لحد الآن ..
الله يوفق هالوجيه الطيبه دنيا وآخره
وشرايكم أصلح مهندس
تحياتي لكم جميعاً كلن بإسمه
مامن قصور وجعل من جابوك بالجنه يالأجودي
أنت اللي سامحني والله إني أشغلتك وأبلشتك معي أخوي بوهادي
وعدت صاحب الورشة يوم الأربعاء أودي له السيارة والحين الفرشة الأرضية نشفت تمام
بكرى إن شاء الله أروح أدور عليه وإن شاء الله تصير الأمور تمام
مشكور ماقصرت جعل عمرك طويل والله يوفق هالوجه والأخوان دنيا وآخره
أخوك: ابووليد
جزاك الله خير على الدعوه وماسوينا شي والشباب كلهم ماقصرو وكلنا اخوان
الذين يشاهدون الموضوع الآن: 1 (0 من الأعضاء و 1 زائر)