مقنـــاص أثيوبيا من سنـــام أرجو المتابعة الممتعة ((مسلسل ))

[سنـــــــــام]

ماشالله تبارك الرحمن عطنا الصيد يسنام ترانا عجلين عليه واخباره تقرير موفق وجميل

هلا وغلا أبومثيب منور ياغالي

وآآآآبشر بشحم والخير بأذن الله

والعجله من الشيطان لاتعجل على الرزق والخير << ياليل مطولك ياسنـــام ههههه

لاهنت على المتابعة .

[سنـــــــــام]

اخوي : سنـــــــــــام

تقرير مصور ولا احلى وموضوع شيــق صراحـة وشديتنا بهالحلقات نرقب جديدك بأحر من الجمر

ننتظرك يالغالي ...

دمت بوووود ....

هلا وغلا أخي عطيب الظرايب منور ياغالي

وآبشر بالخير إن شاء الله فيه صور تفتح النفس وتسعد الخاطر

خلك معنا وتحصل إلي يرضيك بأذن الله

سعيد بتواجدك .

[سنـــــــــام]

روووووعه الحمدلله على السلامه وننتضر صووور الصييد على أحر من الجمر

هلا وغلا سفاري فتك منور ياغالي

الله يسلمك من كل شر ياحلووو وآآآآبشر بالخير الصور جايه على خير

لاهنت على المرور الطيب .

[سنـــــــــام]

حياك الله اخوي سنام

وحقيقة اسعدني اخي ابو نايف - محمد الرشيدي حينما ابلغني بأنكم قد وفقتكم في رحلتكم و سرني ما وجدتموه هناك بالرغم من انني اعطيته بعض الارقام و بعض الامور التي تعينكم بعد الله على الامن وحفظ سلامتكم هناك و لكن المهم انكم وجدتم ما تبحثون عنه

سجلني احد المتابعين ،،، و اشكركم على الاهداء الاكثر من رائع

بوركتم

هلا وغلا أبوخالد حياااااك الله ومنور الموضوع بقوة يشهد الله (( ولامهونه للأخوان ))

وأبونايف يسلمك عليك كلمته أمس ويقول أنه مكلمك قبل ثلاث أيام والحمدالله على السلامة

وآبشرك الرحله جميلة وممتعة ولو أنه حصل أول يومين بعض التعقيدات وعداها الله على خير

ولاهنت مليوووووون على تواجدك بالموضوع ياغالي وسجل أعجابي بك .

[سنـــــــــام]

بسم الله الرحمن الرحيم

حيااااااكم الله مره ثانية وثالثة ورابعة ومليووون ياهلا والله أقلطووو

مساكم الله بالخير ياأعضاء زوار مكشــات الكرام
نكمل الرحلة على بركة الله

نبدأ الرحلة

بعد طووول أنتظار وعلى أعصابنا من شملز

وأبك أبك أبك توقع أنتبه شوي شوي كلمات عرفها وحفظها شملز ههههههههههه
وفهم أنا نقصد الأنتباه ولاتجازو ياغشم
كل مانوي يتجاوز سيارة أول مايطلع خشم موترنا من خلف السيارة إلي نبا نتجاوزها مسك فرامل
والله والله ماتصدقوون ماعاد إلا نذكيه على الزفلت هههههه

وهذا من جبال المناطق إلي مريناها وتمنينا نوصل لأحد الجبال
بس للأسف صعب لأبعد الحدووود

وهذا أحد أنواع الخطر المتحرك وياااااكثر الحوادث من السيارات الثقيلة صورة

على ماأعتقد مجموعة من الحوادث راح أدرجها من ضمن التقرير إن شاء الله

الغشامه الله يمنعنا منهــــــا << آآآآآآآآآآمين

وأحد الجبال أيضا سبحان الله ودي أجي قريب منه وأصور بس للأسف مافي اليد حيله

ناظرو المنظر هذا أرض بركانية وصعب مررره تجاوزها

الكنــــــايس كثيـــــرة مررره وهذي قبل المغيب ومنظر حلوووو

منظر من نهـــر كان على جانبي الطريق يمين ويسار الزفلت وسبحان الله
منظر رووووعه لو كان معنا وقت وقفنا نصور بس خوينا شملز ماهو ثقة
أن طلبته يوقف (( أكرمكم الله )) لقضاء الحاجه فشح علي الزفلت والحمدالله على سلامتنا

ومنظر رائع وقدرة الخالق سبحان الله

[سنـــــــــام]

وصلنا على خير للفندق المقصود أسمه ((جنات هوتيل))
وخوينا إلي وصانا عليه قال تجيبون صيدكم وتطبخون داخل الفندق
فوق السطح وأموركم طيبه مايردولكم طلب
قلنا هذا الزين نقنص ونرجع الفندق نطبخ كلام حلوو إلي الأن
جينا الفندق مديرة الفندق من الجنسية اليمنية جينا الفندق
سئلنا عنها قالم مافي أحد يمني
أول صدمة بعد شملز هههههههههههههه
قلنا طيب نبي غرف تشيل خمس أفراد تعجبت المديرة ؟؟؟؟
!!!!! كيف خمسه بغرفة
قلت طيب نبغا غرفتين مافيه مشكله
قالت لا ممنوع ماااااايصير لايمكن
الله يخزي بليسك ليه عسا ماشر
قالت مايصير مجموعة رجال بغرفة مايصير حراااام ؟؟؟ !!
ثاني صدمة ههههههههههه
قلنا ليه حرام قالت أنتم عرب مسلمين مايصير تنامون مع بعض هههههههههههههههه
بنت الحلال نظرتها دونية لنا ... قلت هذا أبوي كيف أبنام معه مقدر أخليه أخاف
أنواع العبط بدأ ههههههه ,, أستوعبت كلمتي يوم قلت أبوي
قالت أنا آسفه وكنت فاهمة غلط
قالت اليوم أعطيكم كل واحد غرفة وباكر أعطيكم غرفتين تشيلكم
قلنا توكلو على الله نزلنا قشنا ذابحنا الجووووع قلنا نبغا نصلح عشااا
نبغا حطب نبغا نطبخ هنا بسطح الفندق
قلت ممنوع وماعمر أحد طبخ فوق !!! ؟؟؟
ياليل مطولك يابنت الحلال حنا مضطرين نطبخ هنا
قالت مررررره للا أنسي الشي هذا !!
قلنا لاحول ولاقوة إلا بالله طيب طلعنا عزبتنا خلف الفندق
عند بيت شعبي صرنا بين البيت والفندق وصلحنا عشا
وأخلاقنا قااااااااااافله مررررره ونيتنا نطلع بكرا الصباح من الفندق
بس نمرح أليلا ونطلع أنتشر الخبر بالفندق
أنا نبغا نطلع وكنا متفقين معهم أسبوع أقامة
وجتنا مره ثانية وحنا نصلح عشانا وقالت خلاااص تصلحون عشاكم
داخل بالحوش فوق ممنوع قلنا تم
نبغا نخلص ههههههههههه ,, تعشينا وأمرحنا
وبدأ الصباح وفطور بنفس مطعم الفندق الله لايذكر فطورهم بالخير قولو آآمين
تسممت مدة يومين وأنا أتشقلب من العوار ومره أعرف خوياي ومره ماعرفهم
من شدة التسمم هههههههههه بجد الله لايذكره بالخير والمصيبه خوياي ماحصل
لهم شي ؟؟؟ !!!
يمين الصورة أبوفهد (رشدان الرشيدي) الوالد ابونايف (محمد الرشيدي) أبومبارك (فهد الرشيدي)

دقينا على خوينا ((عبدو علي)) << راعي السلاح
والأسلحة فقط رشاش أو فرد وأكثر الناس تحمل مسدسات ورشاشات ..
توجهنا مع شملز للمنطقة إلي فيها عبدو على
عشان ناخذه معنا ويدلنا على الصيد قبل هذا
قلنا شملز نبغا فرشات مر السوق نبغا فرشا
قال أوكي دشينا سوق شعبي إلا يوم جا شملز واحد وسلم عليه
وقعد يسولف معه وراحم جابو فرشتين وحطينا بسياره
وقعدم يسولفون وحنا ننتظر عبدو علي الصدمة الأخري ههههههه
والله مازل عليكم ساعه ونصف نحتري عبدو على وسط السوق الشعبي
وطلع شملز يسولف مع عبدو على وحنا جالسين نستنا !!!!!؟؟؟؟؟؟
قلت لخوياي أذا شملز رافع ضغطنا الله يستر من عبدو على أيضا هههههه
جالسين يسولفون وحنا نستنا وأخر شي ناديت شملز وسئلته وين عبدو على
وأشر على إلي يسولف معه قال هذا هو !!!! ؟؟؟؟
من القهر بغيت ألفعه على وجها ههههههههههههههههه
قلت أركب الله يخزي شيطانك أنت وياه
ركب وعطنا السلاح وينه قال أمش مع الطريق ناخذ سلاح من خوياه
طلعنا السوق وكانت المفاجأة

القمري على الأسلاك << وسنـــام متقطع قلبه على القمري << ياويلي ياشوزل ههههههههه

وأيضا الطيور هذي مدري وشهي تعبر الردميه والله مدري وشهي وأذا دشت الغابا
خلاص لاتتعب حالك

مرينا بجانب النهر وقطعنا أنهر
عشان الرشاش

وهذا ساحــر جانا وكلمنا وقام يقوول كلام مدري وشهوو
على طوول جانا شملز وقال أرفعوو قزازة السيارة
أول شي يسويه لمصلحتنا هههه
ومعلق على رقبتة عظم وأشياء كثيرة بحبل للأسف ماقدرت أصورها
والحمد الله فكنا الله منه

وجينا حول ديرة ماني ذاكر أسمها نسئل عن فلان وين أرضه << نحوم ندور سلاح

ويتبع بالحلقة القادمة إن شاء الله

[يدوي الشرق]

الله يعطيك العافيه

[سنـــــــــام]

الله يعطيك العافيه

هلا وغلا أخي يدوي الشرق ,, الله يعافيك ولاهنت على المرور والمتابعة .. أنتظرو باقي الأجزاء .

[جذآآآب]

يعطيك العااافيه على التقرير الرائع واظن انه اول تقرير صيد بالثيوبيا بالمنتدى

ونعم فيكم يا بني عبس

وانتظاااار جديدك يا عسسسل

[صديق المطر]

يعطيك الف عافية على التقرير

[كيود]

مسلسل تركي صاير ؟؟؟؟؟؟؟؟؟؟؟؟تقرير روعة بس التقطيع اعدمة؟؟؟

[بحيران]

تسلم على هلا الاخراج لكن ياسنام تقطعنا مير الحقنا بالصيد

وتقبل تحياتي وهيداني الجبيل

[صقر الحراملة]

الحمدلله على السلامة

موضوع جميل و صور رائعة عن أماكن لم يسبق لأغلب الأعضاء أن ذهبوا إليها

جزاك الله خير و في انتظار بقية الحلقات.

[farajly]

السلام عليكم و رحمة الله و بركاته
تقرير جميل و متابعين بشغف
بس ودي الاقلال من التقطيع في الاجزاء
و هناك بعض الكلمات المستخدمة و التي تكون بها بعض الصعوبه لفهمها بالنسبه لاهل المغرب العربي
و فقك الله و استمر يا اخي

[سنـــــــــام]

نكمل الأجزاء المتبقية من رحلة أثيوبيا (( ديار الحبش ))

ومن مفاجاة إلي مفاجأة ومن نكبه إلي نكبات هههههه << الله يعين

نكمل على بركة الله

بعد بحث وجهد ومن قبيلة لقبيلة نطلبهم سلاح ويالله عطانا واحد سلاحة
توكلنا على الله وقلنا السلاح وخلاصنا منه عبدووو
نبغا الصيد وبعد توصيف ومن منطقة لمنطقة جينا أرض أحرينا الصيد
على طووول وكلن قام يتلفت يمين يسار إلي الأرنب قحصت من تحت السدره
ونلحقها وحنا مسرعين مرررره شملز تغير علينا << أيه هين << ههههههه
ياشملز أمش ياشملز ألحق الأرنب ياشملز الله يرحم والديك
لارحنبوووووووك أمش ياولد ألحق << لاحياة لمن تنادي
والاأرنب راحت !! قلنا مايصير كذا وقعدنا نكلمة نقول ياشملز لازم نلحق الأرنب
ويقول مقدر كفرات السيارة خايف عليها !! ؟؟ قلنا مصيبا وطحنابها الله يصبرنا عليه
وبعد الأرنب قال مقدر أدخل أكثــر من كذا داخل الأرض
ليه ياشملز عسا ماشر ؟؟ !! قال مقدر مشكلة الكفرات ومقدر أدخل أكثر من كذا
قلنا والطريقة ياعبد على !! قال ننزل نمشي داخل الغابة نتصيد !!!!! ؟؟؟؟؟ أنت صادق
قال ماعليكم نرووح نمشي داخل !! شفنا الرجال صامل قلنا قدااام معك
أخذ السلاح أبونايف وطلعنا أنا وأبونايف وأبومبارك وأبوفهد
الوالد جلس عند السيارة هو وشملز ... وتوكلنا على الله << غلطة ماخذنا ماء معنا

ودخول الغابة وغلطة والحمدالله الله ستر علينا لو طالع أسد أو نمر أو أي مفترس
أفترس الواحد منا وحنا مادرينا عن بعض !!! وخاصتا" الوالد وشملز تركناهم من غير سلاح
وأنا وخوياي كلن يمشي لحاله وبعيدين عن بعض ؟؟ !!

وحنا وسط الشعبان والغابات يقووم من عندنا (( عنز سلمي ))
وأرنب ويطير قطا وكروان حنا مبتلشن برشاش ماتقدر ترمي إلا وأنت راكد

وبعد جهد وقطعت كبد << من القهر نشووف الصيد وما باليد حيله مررره
ومن بعيد العيال يأشرون لي عجل تعال بسرعة << التصوير الفديو معي
وجيتهم فازع وش السالفه يشباب ؟؟
هذا صيدنا الأول ,, بغينا الظليم الفحل كان راجن على البيض
وفكه الله بين الشجر والغابات ولا مبيت النيه فيه وسبحان إلي فكه ههههه

وهذي صورة البيض وفرحة الرجال شرواكم

أخذنا من البيض 8 وتركنا حول 11 وشلنا البيض أنا وأبوفهد
ورحنا للسيارة وبعد بحث منين جينا وين رحنا ؟؟ << يالله وصلنا السيارة للوالد وشملز
ولفت أنتباهي أنهم مغير مكانا سئلت الوالد أنتم جيتم جاااي شوي
قال أيه يالله خليته يقدم عشااانكم وميلنا يسار شوي يم وجهت أتجاهكم ؟؟
وهذا كان أكبر خطأ حصل تدرون ليه ؟؟ !!
أبونايف وأبومبارك وعبدو على وهم راجعين مرهم غزال كان خلف سيارتنا
ويحد بينا وبينهم شجر ماتشووف إلي خلاافه رمي أبونايف الغزال
وحراااام بالله أنها فوووقنا حيييييل الرصاصه
وبعدها مرنا الغزال شارد بعد عشر أمتار وحنا جالسين والحمد الله على السلامة

منظر حلووو لكم

ونكمل على بركة الله الجزء القادم إن شاء الله .