مقنـــاص أثيوبيا من سنـــام أرجو المتابعة الممتعة ((مسلسل ))

[shaheen70]

صور رائعة ورحلة موفق مشكور أخي الكريم
ونتابع بشغف والصراحة وسعتوا صدوركم
تيوس وصيد جعلهم بالعافية عليكم والله لايظركم نتابع والى الأمام يامبدع
أخـــوك shaheen70

[farajly]

تقرير رائع و اسلوب سلس
و لا زلنا متابعين..والى المحميه معكم ذاهبون..

[سنـــــــــام]

الله يعينكم على شملز
تقرير رائع

هلا وغلا أخي الكريم سيف الذهب منور الموضوع ياغالي

عز الله أن شملز كسبنا فيه ذنب من كثر مادعينا عليه الله يرحمنا برحمته ههههههه

ولاهنت على المرور ومتابعة طيبة إن شاء الله .

[سنـــــــــام]

حياك الله أخي سنام
تقرير اروع من رائع وسرد جميل و عفوي و طيب من رجل طيب
أستمر بنفس الوتيرة و لا تغير النسق و زيد تفاصيل أكثر لو معك ترا ما مليناك و لا رح أنملك أبد و الله عشنا معاك اللحظة بأسلوبك الرائع الجميل
متابعين معاك لو ل 100 حلقة ليش اللي يتايعون المسلسلات المدبلجة أفضل منا و لا يشبه أخي مسلسلك رائع و عفي
دمت سالما مبدعا
أخوك الش(ز)ين

هلا وغلا أخي الكريم شيــ ز ـــين منور الموضوع ياغالي

والأروع مرورك ومتابعتك الجميله ياغالي وبنسبه للعفويه هذا سنـــام داخل وخارج النت

ولاهنت على الكلام الطيب وأبشرك الرحلة طويلة والله يعينكم على المتابعة باقي حلو عشر حلقات أو أثناعشر حلقة

ومرورك الرائع زاد جمال للموضوع ولامهونه للأخوان .

[سنـــــــــام]

ههههههههههههه
يالله من العله السواق معكم بس و الله احداث حلوة لا عاد تتاخر في انتظارك يا مميز

هلا وغلا مليووون صقار مبتدئ أول شي أشكرك على المتابعة والحمدالله على سلامتنا من سياقة شملز

وآآآآبشر بالخير ماني متأخر إن شاء الله كل يوم حلقة أو حلقتين أن سمحت الضروف لأخوك

ولاهتا على المتابعه .

[سنـــــــــام]

ههههههههههههه
يالله من العله السواق معكم بس و الله احداث حلوة لا عاد تتاخر في انتظارك يا مميز

هلا وغلا مليووون صقار مبتدئ أول شي أشكرك على المتابعة والحمدالله على سلامتنا من سياقة شملز

وآآآآبشر بالخير ماني متأخر إن شاء الله كل يوم حلقة أو حلقتين أن سمحت الضروف لأخوك

ولاهنت على المتابعه .

[سنـــــــــام]

نغير الموضوع
اخوي سنام

الله يعطيك العافيه

صايد وفائد

تقبل شكري قبل مروري

هلا وغلا متعب السليمي منور ياغالي

ولاتغير ولاشي سؤالك إلي سئلته تقول وشهو البيض هو بيض نعام ياغالي

ولاهنت على المرور والمتابعة .

[سنـــــــــام]

الله يعطيك العافية أخوي سنام

بس يالغالي منظر أخوي أبو نايف يكسر الخاطر لوأني معكم والله لغير أذكي شملز

شلون أبو نايف يشوف الصيد ولا قادر يوصلة

والله قهر

متابعين والله يقويك يالغالي

هلا وغلا مليون أخي القطاوي منور ياغالي

والله يعافيك ياذيب ,, وأبونايف زااااااااااااااااااااااااحف من الصيد أنقهر الله لايقهرنا اليوم هذا

أنهبل مافيه كلمة ماهي شينه ماقالها لشملز هههههه

ولاهنت على المتابعة وسعيد بتواجدك ياغالي .

[سنـــــــــام]

الف الف الف الحمدلله على السلامة

والله يعطيك الف عافية على الصور والتقرير الاكثر من رائع

والله يزيدك من فضلة ويبارك فيك وفي جهود يالغالي

وتحياتي لك

فريدي القصيم

الله يسلمك من كل شر يارب ,, ياهلا فريدي القصيم منور الموضوع ياغالي وحياك الله

وأنتم تستاهلون آآآآكثــر الشاهد الله

ولاشكر على واجب وسعيد بمتابعتك ياغالي .

[سنـــــــــام]

ماقصرت ولاهنت على التقرير
بانتظارتكملة الموضوع
ومواقف السواق معكم نفس الموقف اللي حصل معي في مقناص تنزانيا كل الطينه وحده ونفس التصرفات

هلا مليووووووون الأطلسي منور بقوة الموضوع

مامن قصور تستاهلون أكثــر وللحين ماشفتم شي << ناوي عليكم أن قاله الله

والسواق الله يغربله دوخنا وخلانا على أعصابنا من أول يوم صادفناه والحمدالله على كل حال

ولاهنت على المتابعة ياغالي .

[الفارس 11]

ياخي ماكان فيه غير هذا السواق ؟؟؟؟؟؟؟؟؟؟

[شاهد عيان]

ماشاء الله تبارك الله

تقرير رائع وحلو وبالصور الرائعة
تسلم الأيادي

[سنـــــــــام]

أسعد الله أوقاتكم بكل خير وبركة أحبتي الكرام أعضاء وزوار ((مكشــــات )) الكرام
اليوم غير مع رحلة أثيوبيا ((ديار الحبش)) ,, طلعنا إلي المحمية أخذنا تيسنا معنا
وطلعنا مع شملز << ههههههههههههه ,, وخوينا قلنا نطلع نشووف المحمية
وماتحمل مفاجأة حلوه لأخوانكم القنوص ,, المحمية مساحتها 700 كيلو متر مربع مساحتها شاسعة لأبعد الحدوووود بها فنادق ومنتجعات كثيــرة ,, طبعا" المحمية ممنوع الصيد فيها يركب معكم عسكري من أهل المحمية حماية لك من الأسود والنمور والحيوانات الأخرى ,, نترك لكم الصور مع ورحلة ممتعة إن شاء الله مع رحلة (( آثيوبيا ))

بسم الله نبدأ

هنا وقفنا أشترينا تذاكر دخول المحمية للشخص الواحد 30 ريال والسيارة 100 ريال .... ويظهر العسكري إلي رافقنا داخل المحمية

على بركة الله دخلنا المحمية ولسان حالنا يقول وش راح نلقي بالمحمية !!!

أول الحلوين منسدح ماخذ راحته على الأخر باقي بس واحد يهمز ظهره هههههههههههه

خلصنا من الأسد طلعنا للمتحف الحيوانات المحنطه وكل ماهو موجوود بالمتحف موجود داخل المحمية صادفنا بعضها وبعضها بعيد عن مكان تواجدنا

هذا أول جماجم الحيوانات المتواجدة داخل المحمية والخافي أعظم

هذي مجموعة الطيور المتواجدة داخل المحمية وأسف ماهي واضحة كل الوضوح الصورة بس مجموعة الطيور كثيرررة مررررره وأشكال أول مره أشووفها

حجل قطا وأعتقد شنير !! وش رايكم ؟ صح !!

يتبــــــــــع

[سنـــــــــام]

الأسد الكبيــــر مرررره متواجد
ولاهو بعيد من مكانا دورناه ومالقينا غير جرته
الغابااااات سبب رئيسي حالت بينا وبين الحيوانات
أنت وحظك إلي يطلع على الطريق

النمر متواجد أيضا ومالنا نصيب نشوفه ونتعرف عليه عن قرب << أمحق تعرف

أنواع متعددة من الغزلان وصادفنا منها الجميل سوف يدرج لاحقا" إن شاء الله

والنوع هذا مدري وش أسمه

هذا أحلي وأطعم وألذ غزال عرفته بحياتي ياحلووو الزول والطاري
هذا عنزل سلمي إلي مايعرفها

النيص متواجد بكثرة

تكرمووووون الخنزير سبحان الله مايحرم الله شي إلا وهو حرام فعلا" نجس لأبعد الحدود

التماسيح صار واحدا" منهم صديقي طلع من النهر يتسحب
وعطيناه لحم وعين خير والله مازل عليكم

طلعنا من المتحف وتوجهنا إلي الشلالات
روووووووعه سبحان إلي خلقها ومناظر حلووووه
لأبعد الحدووووود المعنويات أرتفعت بعد نكبات متعدده
واليوم هذا والقادمة مبشرة بالخير لأخوانكم .

وصورة الصخرة وكيف منظرها وش كأنه ؟ !! ماكأنه زول رجال
كلن يقول وش يذكر مع الصورة هذه

صورة الوالد مستانس مع منظر الشلالات والراحة النفسية بعد مادوجنا بالمحمية

أبومبارك يقووول بالله أضبط صورتي ونزلها بمنتديات مكشـــات
وعلمني ضروري << أبشر ماطلبت شي

أبوفهد وأبوي توقعووو من طيحة الصخور تراها قشرة
وأنشدو أبونايف يوم طاح ههههههههههههههه الله ستر عليه

هذا شملز تلغف هالوجه << ههههههههههههههههههههه
مستانس أبن الحلال وهو ماسك البندق يوجها علي يبغا يتغشمر
وعز الله اليوم هذا فكوووه مني << فوق رفعت الضغط
يبغا يتغشمر معنا ههههههه مشكلة شملز

[ذيب طمية]

لاهنت يالغالي



كذا المواضيع والا بلااااااااااااااش


متابع معك لاخررررر صوره


شوف شملز عند باب المنتدى يدورك :d