ضاع المفتاح ويش السواه

[ABU SALEM]

السلام عليكم ورحمة الله وبركاته
الموتر واقف في البر والمفتاح ضايع ولا به سبير ويش السواه حاولت اكسر الدقمه ولا طاعت
الموتر جمس 94 حوض ويش الطريقه اني اخليه يشتغل معي لين اوصله للورشه ولا عليكم امر
ولا حد يقول جيب راعي المفاتيح والا سطحه المكان بعيد ولا حد رايح واذا راحوا فيها تشراط يبط المراره ويرفع الضغط الي عنده حل الله يرحم والديه يفزع

[ابوعبدالعزيز2220]

وعليكم السلام ورحمة الله وبركاته

اخوي جيب احد وسحبه لين يقرب عند الخط ثم جب سطحه وده للورشه وبعدين السحب مع البر وش حلاته ضحك لين تاصل الخط والسطحات واجده اكثر لانشوفها مع الخط السطحات يمشون ويدعون انه يلقى سياره خربانه بالتوفيق اخوي ..

[502المميز]

السلام عليكم ورحمة الله وبركاته
الموتر واقف في البر والمفتاح ضايع ولا به سبير ويش السواه حاولت اكسر الدقمه ولا طاعت
الموتر جمس 94 حوض ويش الطريقه اني اخليه يشتغل معي لين اوصله للورشه ولا عليكم امر
ولا حد يقول جيب راعي المفاتيح والا سطحه المكان بعيد ولا حد رايح واذا راحوا فيها تشراط يبط المراره ويرفع الضغط الي عنده حل الله يرحم والديه يفزع

اهلين اخوي انا والله ما ادري اانا مره انكسر المفاتح وضط الدقمه جبت كهربائي الطريقه إلي سوها انه فك الدقمه ولما تفكها فيه قطعه دايريه بلاستك مشبوكه في الدقمه إلي موصله الكهرب فكها ونتبه لا يطيح منها شي تلقا فيه
تلقا فيه زي الحفره البسيطه بستاطعتك انك تحط سكروب مفتوح وتلفه كنك تلف المفتاح السياره ون شاء الله راح تشتغل
ترا سيارتي هايلكس بس انت جمس والله ما ادري والله بس حاول

[adooli]

عليك بالدعاء والاستغفار
................

[هوايتي مكشات]

فيه طريقه تشغيل السيارة بالتشبيك

[محمد الظاهري]

مثل ما قال اخوي

عليك بالدعاء والاستغفار

وطيب الي مضيع اثباته ثاني مره وش السوات

[ذيب زلفاوي]

مثل ما قال اخوي

عليك بالدعاء والاستغفار

وطيب الي مضيع اثباته ثاني مره وش السوات

يروح للاحول ويطلع ثاللث بس اضاهر فيها غرامة

[ابو صالح 4]

يا خوي رح للاحوال ومعك بطاقه العايله ويطلع لك اثبات وانت تضحك بس لابد منعمل حجز عن طريق النت انا الاثبات اللي معي هو الخامس ولا غرامه ولايحزنون

[ملجلج 305]

من نحيت كيف تفتحه
لاتهون بالمثلث الي بالقزاز الخلفي وتكسره وتفتح ترا ولله لتورط ما تحصله عند محلات القزاز هههههههههههههه
فيه طريقه جيب سيم قي مثل سيم صطل البويه ولا اي صيخ قوي بي ميكون معلاق لنه راح ينعفط
ثم جيب حديده ولا خشبه وحول تدخلها من فوق الباب ودفه على قدام او من بين الباب الخلفي وباب السواق سو الطريقه ودخل السيم على جنب وحاول تنتف حق الباب اذا حق بالباب يجي سحب عليك بالطريقه الثانيه
اذا فتحته
افصل اسلاك الدقمه كلها فيه اسلاك للكمبيوتر اذا الموتر شفرف لو تلذع سلك السلف و الطرمبه شهر ما يشتغل حول تلذع سلك الطرمبه و السلف و الكمبيوتر سوا وسلاك السويس و الجرس و الباقيه مالك بها
والاسلاك الثلاثه ذي عشان تعرفها حول تمسك اخر سلكين بي الدقمه الي شفت الكتابه الي بالدقمه تدقها سلف عندها وترجع ويشتغل ؟؟؟
تلقا فها الثنين حقت الطرمبه و السلف لا تفصلها كلها وتخربط انتبه
اما الكمبيوتر حول تطلعه انت يختلف من سياره لي سياره
تقبل مروري

[Al3rands]

ما قول الا الله يعينك

[زن من وزنك]

مثل ما قال اخوي

عليك بالدعاء والاستغفار

وطيب الي مضيع اثباته ثاني مره وش السوات

الي مضيع اثباته 5 مره فيها مسئولية او شي ؟