ياجماعة الخير انا عرضت علي ساكتونين برنو موديلين الاوله 99و الثانيه 96 ايهن اطيب في الرمي وهل هن فيهن زمه ولا لا تكفون عجلو بالرد الله يسلمكم تقبلوا تحياتي
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ياجماعة الخير انا عرضت علي ساكتونين برنو موديلين الاوله 99و الثانيه 96 ايهن اطيب في الرمي وهل هن فيهن زمه ولا لا تكفون عجلو بالرد الله يسلمكم تقبلوا تحياتي
والله شف يبعدي على اعتقدي ان مافيه اختلف الهم الى في النصاب بس
اما الرمي فهو واحد
والزمه اذا تقصد الندسه معروفه الخرازه مافيها ندسه ابد
سبحان الله وبحمده سبحان ربي العظيم
حياك الله ياخوي غدير الموت ( والله يكفينا شر الموت ويرزقنا خيره ) اما بالنسبه لاستفسارك فانا ابفيدك حيث اني ممن يستعمل الساكتون البرنو موديل 96 وربعي الي يقنصون معي معهم بنادق - 97 - 99 - 94 والحقيقه ان البندق الي معي موديل 96 واقنص فيها لي اربع سنين --ومدح النفس سماجه مثل مايقولون-- ماتخطي ابد الا قليل وسبب الخطا من يد الرامي ومتى ماتركدت عزالله منتب مخطي صيدك اما البنادق الي بعده بالموديل فانا اسمع ربعي يقولون عن بنادقهم انها اذا احترت (تسخن) من الرمي بدت تزم يعني بعد 10 او 15 طلقه تلقى الرامي يخطي وبعض الناس الي اقابله معه موديل 96 يمدحها بالحيل واغلب الناس يفضل الموديلات القديمه 94 وتحت وانا شخصياً ماشوف فيهن فرق وبكذا انصحك ياخوي الغدير انك تاخذ 96 حتى لو فرقت بالسعر شوي ولا يهمك الموديل وتوكل على الله وجربها وقل بيض الله او سود الله وجه((( الحر))) وسلامك
واحب اوضح لاخوي الشاص ان الزمه يعني زمة الرصاصه بعد ماتطلع من البندق يعني يتغير اتجاها عن الهدف الي تصيبه وهذي تكون بسبب عيب في نفس البندق او ردى في نوع الفشق المستخدم
شكرا يالشاص انت والحر على آرآكم ونصائحكم الثمينه والله لايحرمنا من معلوماتكم ويبقيكم لنا ذخر: ight:
الذين يشاهدون الموضوع الآن: 1 (0 من الأعضاء و 1 زائر)