15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 6 من 6

الموضوع: ديوان الشاعر / صالح الزيد

  1. Post ديوان الشاعر / صالح الزيد

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))

    الشاعر / صالح الزيد - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    ننتضرها من الشاعر

    """""""""""""""""
    """"""""""
    التعديل الأخير تم بواسطة ريف النشاما ; 20/07/2005 الساعة 06:42 AM

  2. مشاركة: ديوان الشاعر / الشاعر2


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    """"""
    """"
    يابو سعد راح الشتاء وقبل الصيف=هذي معاصيـره وهـذي سمومـه
    دوك النفود اليوم يذري على السيف=وبالأمس غارق مغرقاتـه غيومـه
    بمر الذي بيديـه كـل التصاريـف=وبمره يروح القيض وبمره اقدومه
    لكن خل الطير بحسابـة الضيـف=وخل الطيور مكرمات امحشومـه
    وتعب وراهن لاتحسب المصاريف=حتا يجـي للطيـر وقتـه ويومـه
    ولينه يجيكـم بالخبـر والسواليـف=من هو يقول اسهيل هـذي علومـه
    والسيل من رفحاء لما تاصل طريف=والمستوي مناك مغـرق حزومـه
    وفياض حايل من مطرها ذواريـف=والسيل يذكـر بالمدايـن عمومـه
    وعن الحباري قالوا انه بعد شيـف=ثم جـاك للصقـار قعـده وقومـه
    تزاين المطراش ونـط المشاعيـف=هذا هـواء بالـه وهـذي حلومـه
    والطير من سجنه طلع عقب تكتيف=ومن عقب ماهي بالسبوق محزومه
    طلق لك الجنحان من عقب تصفيف=وكمل مع التدريب طرده وحومـه
    ونطوبه النفد الطـوال المشاريـف=على الجيوب ومع شبابٍ جزومـه
    قصمان ورجالٍ ذيـاب وعواريـف=كلاً على الخدمه يفسـر اكمومـه
    البـر متعتهـم ولوبـه تكالـيـف=ماهمهـم بسـوق بيعـه وسومـه
    لاشاف جره وقف الجيب توقيـف=شفقٍ عليهـا والعيـون محرومـه
    ولاتل طيره جاء لقلبـه تراجيـف=الله يلـوم اللـي يافايـز يلـومـه
    ولاطقها وحلـف بصـدره تناتيـف=الله وكبـر قـام ينسـى همـومـه
    يقوله اللـي راح قلبـه تناصيـف=وضاقن عليه امن المشاكل هدومـه
    ومن القهر يفرك بدين التحاسيـف=شفقٍ على البران والشغـل كومـه
    التعديل الأخير تم بواسطة ريف النشاما ; 22/08/2005 الساعة 02:59 PM

  3. مشاركة: ديوان الشاعر / الشاعر2



    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    """""
    """
    يانـاس ياحبـي لضلـع المزيريـر=والمستـوي يانـاس ياحبنـا لـه
    وبرمه بقلبـي لـه معـزه وتقديـر=والشرق كله مـن جنـوب لشمالـه
    وياروضة مهنا وهـاك المشاجيـر=وارض الربيعيـه بنفـده وجـالـه
    احب لي مـن دار تصنـع خواميـر=لو البنات اهنـاك طاغـي جمالـه
    مابي السياحه في ديـار الكوافيـر=مالـي بسياحتهـا ومالـي ومالـه
    ابي الديـار اللـي تشـل التفاكيـر=ابي الديـار اللـي تونـس لحالـه
    هذي الديار اللي بعد وصفهـا غيـر=كلا معـي يانـاس يحضـر خيالـه
    اباصفـه وادري تخـون التعابيـر=وشلون اباصل وصف صنع الجلاله
    الارض رويـا والشغايـا مخاضيـر=والشمس ماتحرق وبـارد ضلالـه
    وبجوها الصافـي تـوح العصافيـر=تغريدهـا بلحـان لالــه يـالالـه
    وان جيتها بالصبح صبحت بالخيـر=وشمس الغروب هناك يسحر زوالـه
    ولا صار بين ايديك جي اكس تصدير=اشهـب وخلفيـه بصفـر الوكالـه
    لمن مشا وعشقت بالثالـث القيـر=مع الدروب المسـح كنـه غزالـه
    ثم جيـت سيـلٍ ناقـعٍ بالمحاجيـر=صافـي صفـاوه ماتعكـر حثالـه
    ماكنك الا تـو شلتـه مـن البيـر=صافي زولاله ثـم صافـي زولالـه
    ولنار كسرنا مـن الرمـث تكسيـر=منـا ومنـا ثـم دنـق وشـالـه
    رجلٍ من رجـالا قـروم ومناعيـر=وشبـه وقـرب للكراسـي ادلالـه
    ومن ريحته جوله ضيوف ومسايير=وللـي يجـي للبـر ينسـاح بالـه
    ثم جهزوا ذيـك الـدلال المباهيـر=ودارت فناجـيـلٍ ودارت بـيـالـه
    والحمـد لله مانحسـب المخاسيـر=ولاهمنـا مـن راح يجمـع ريالـه
    والاهمنا من راح عمـره مشاويـر=بيـن العمـل ومريتـه والبقـالـه
    التعديل الأخير تم بواسطة ريف النشاما ; 22/08/2005 الساعة 03:00 PM

  4. مشاركة: ديوان الشاعر / الشاعر2

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يا سعود الصيد مذكور شمال =بالعويص هناك مذكور كثير
    اذكروه رجال يا لعمري رجال=ما وصلنا العلم من هذر و هذير
    قالوا الهجره على ذيك الجبال=يا سعود العلم جانا من خبير
    وكان قلت بعيد جينا في خثال=او نجي يا سعود باللي به تشير
    جهز الثايه وكملها كما ل=لا تقول يصير و إلا ما يصير
    الشحيمي جاك والقميري يقال =أحسبوا عشرين من عقب الصغير
    ومن يبين سهيل يا قرم العيال =كل طير يجيك مع ذاك المسير
    ما بقى بالقلب يا سعود احتمال =عفت من نومن على خشب السرير
    والمكيف جابلي حتى الخمال =وباستراحة ما تقول إلا خفير
    ودنا في شبة وقت الزوال =حولها في سالفتنا نستدير
    وقدة من حولها صفر الدلال =ودلة مازله الهندي ظهير
    مع جماعة ربع ما فيهم حثال =شلة بالطيب مذكوره بخير
    التعديل الأخير تم بواسطة ريف النشاما ; 22/08/2005 الساعة 03:02 PM

  5. مشاركة: ديوان الشاعر / صالح الزيد

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لا والله الا بين سهيل ياعيال = والطير ذب النايفه والحق الموس
    ولا باقي الا ندهل الطير ويشال = ونخلي الديره لمن يجمع فلوس
    بديار مافيها دشوش وجوال = بس الحطب فيها وضلعان وطعوس
    وبرق السحاب اللي سرا عقب ماسال = امرح وخلا منقع السيل متروس
    وبدعوبها وضلعانها تقل شلال = والصبح شمس وطيفها ذيل طائوس
    وفيها الحباري ذاكرينه بالاجوال = منوة كفوف اللي من العام محبوس
    طيرٍ لياشاف الحباري منزال = يكفخ وكنه من هل الارض ملبوس
    يتلل سبوقه يبي غير بالحال = تلة طبيبٍ مهنته قلعة ضروس
    وليا نحدر دلو فرط عقدة احبال = ضاري على قص الجناحين والروس
    وعند المعشاء شبت النار ودلال= وقدوع تمر مانبي لب محموس
    ايام نقضيها و قا لوا بالامثال = ماطابلك مدامي بوقوف وجلوس

  6. مشاركة: ديوان الشاعر / صالح الزيد

    السلام عليكم ورحمة الله

    مساكم الله بالخيرات ؛؛؛؛

    أخوكم الشاعر ؛؛؛؛ صالح الزيد ؛؛؛؛ سلمه الله ؛؛؛؛؛ يهديكم هذه المرثية في ((ـــ شلفا___ــــ))

    والتي نشرت في جريدة الرياض لهذا اليوم الأربعاء

    ""
    "

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •