رحلة صيد للسودان لهذا العام 1431هـ

[عين الخرج]

اخواني اعضاء وزوا منتدى مكشات اسعد الله اوقاتكم بكل خير
اقدم لكم مقتطفات من صور مقناصنا المتواضعه لهذا العام 20\3\1431هـ
لاطيل عليكم كما ارجو من الله ان تحوز على
رضاكم واستحسانكم







الشباب قاعدين يتغدون مع انهم تغدو في البيت لاكن عقب التعب في المطار
ونقل العفش والشغله





بعد ماوصلنا مطار الخرطوم حصلنا صاحبنا ينتظرن
وحمل اغراضنا ودانا للبيت

في اليوم التالي رحنا لمطعم امواج في الخرطوم نتغدى
وهو افضل مطعم عندهم





بعد مارجعنا من المطعم حصلنا صاحبنا ابو عمر مجهز السلاح باقي السيارات

جات السيارات بعد النتظار الطويل كان سبب تاخير السيارات عندهم اتخابات
حملنا اغراضنا ومشينا على بركة الله





وقفنا للتشييك

هذا بيت الدبابير لوهو عندنا في السعوديه كان انهدم من زمان

اهل الركايب وقفنا نسألهم وافادونا جزاهم الله خير

اول الفال

انا والشباب الله يعطيهم العافيه ابو شلعن وابو عباس وابو مسفر وابو صالح وابو مطلق

ثاني الفال

وقفنا نصلخ الظبا انا والشباب

جالسين نتقهوى بعد الفجر ننتظر الفطور بنفطر ونمشي

[مخاوي الليل1]

السلام عليكم

يعطيك العافيه

بس اذا فيه تعديل مايحتاج تغطي هاوجيه الطيبه واذا بتقول لابتغطي مايحتاج تنزل صور الي في الطياره

والي في الفندق

وانا اتمنى ان تنزل الصور من غير تغييرفي الصور

وتسلم اخوي عين الخرج

[ثلبوتي]

اشكرك على النقل الرائع .. عايشتنا جوء الرحلة من بدايتها الله يعطيك العافية
لكن البعض مايعجبه العجب ولا الصيام في رجب مثل انتقاد اخونا مخاوي الليل

[مخاوي الليل1]

اشكرك على النقل الرائع .. عايشتنا جوء الرحلة من بدايتها الله يعطيك العافية
لكن البعض مايعجبه العجب ولا الصيام في رجب مثل انتقاد اخونا مخاوي الليل

السلام عليكم

ياااهلا اخوي ثلبوتي

انا ماتكلمت على الرحله بالعكس كم اتمنى اني مع هاوجيه الطيبه وتشرف في خوتهم

ومين مايتمنى خوت انشاما

بس فيه بعض الصور مثل الي في الطياره 3 على كراسي ومغطين الوجه هذي

الصوره احرمتنى من اكتمال الموضوع بصوره اخرى وانا اقول لكل من ينزل

موضوع مايحتاج تغطي الوجه علمك غانم ولكل يتمنى هاخوه هذا قصدي اخوي

ثلبوتي

[عين الخرج]

[quote=مخاوي الليل1;4583948]

السلام عليكم

ياااهلا اخوي ثلبوتي

انا ماتكلمت على الرحله بالعكس كم اتمنى اني مع هاوجيه الطيبه وتشرف في خوتهم

ومين مايتمنى خوت انشاما

بس فيه بعض الصور مثل الي في الطياره 3 على كراسي ومغطين الوجه هذي

الصوره احرمتنى من اكتمال الموضوع بصوره اخرى وانا اقول لكل من ينزل

موضوع مايحتاج تغطي الوجه علمك غانم ولكل يتمنى هاخوه هذا قصدي اخوي

ثلبوتي

هلا اخويمخاوي اليل
هلا اخوي ثلبوتي نورتو متصفحي
اولا أخواني الموضوع ماكتمل بسبب الاستعجال الموضوع اطول من كذا واوضح من كذا وبالنسبه لتغطية الوجيه مثل ماقلت علم غانم ولافيها ولاعليك زود لاكن هذي رغبة بعض الزملاء وانا ماودي والله بالتغطيه ،،،،،،،
لاكن انتظروني حتى اكمل الموضوع
تقبلوا تحيات اخوكم ومحبكم ...........

[العود&& الازرق]

يعطيك العافيه على الصور وننتظر جديدك

[عين الخرج]

تعا لو نكمل الموضوع

هذي حصيلة ذاللك اليوم كما احب ان انوه لاخواني هواة الصيد
ان يصيدو كفايتهم ولايسرفو

اااااااااه وش ذا هذي حصاه حصلها خوينا ابو صالح على شكل فنجال وخذاها قلنا وش تبيبه قال بتقهوى فيها هههههههههههه ضحكنا عليه وصار يتقهوى فيها ابو الشباب كل واحد منا قال عطني اذوق وبعد ماشربنا فيها سرنا نتسابق عليها لها طعم غير طبيعي ,,,,,

حزة العشي وماادراك ماحزة العشي يأأأأألله على ذا الوقت

ابو صالح الله يعطيه العافيه قال ابصلح لكم سليق مرق بس والل
ياهو مرق تشرب اصابعك وراه

ابو عباس وابو مسفر يضبطون شوي ظبي والله ياهو شوي الله يعطيهم العافيه

ساير بينهم تحدي في الشوي بس كلهم فازو

صوره جماعيه للشباب للذكرى ومعنا صاحبنا ابو عمر رجل دين وصدق وامانه

تعبر عن نفسها

ابو مسفر مع روس الضبا يماري بصيده ,,,,,, ملك الطاره,,, الله يعطيه العافيه

انا وابو صالح مجازينا ابو شلعان جزا عسكري يقول نتفو السمانه وصلخوا الارانب

السمانه بع مافريتها شف الشحم لايفوتك ياولد

ابو شلعان فتح الشنطه بيصلح لنا مكرونا على الجمر

ابو شلعان بدا في الشغله

يااااااااالله عليك يابو شلعان مكرونا مع شريح

انا وابو مسفر واقفين نصلخ ونشرح

ياسر السوداني واقف يشرح

النتيجه هي

اخر يوم مقفضين وراجعين على بركة الله









وفي الختام السلام ارجو ان لاكون اطلت عليكم
تقبلواتحيات محبكم
اخوكم \ عين الخرج

[ابشرو بالسيل]

صايد وفايد وجعل فيه العافيه

[مخترع القصيم]

ياسلاااااااااااااااااااااام عليييييييييييييكم

والله وناسه ورحله موفقه

صايدين وفايدين ان شاء الله

[taal0]

مشكور عين الخرج على صور حلوة

[السليمي2010]

ماشاء الله عليكم

صايدين وفايدين ان شاء الله

[راع الابل]

ماشاء الله صايد وفايد والله يهنيكم يارب في كل رحله

[قناص الأبواء]

صايد وفايد

[مقدور]

بيض الله وجيهك جميعا

وعز الله مقناص ينومس

وعسد دوم صايد وفايد

[اللوذاني]

تسلم اخوي عين الخرج
وما شاء الله رحلة طيبه من وجيه طيبه .

حمد الله على السلامه ,, وسلمت على الموضوع .