واش رايكم بهالسيارة؟

[طشي وامطري]

بسم الله الرحمن الرحيم



تكفون يالنشاما ياهل الفزعة ناوي أشري لي جمس حوض موديل 94 أو 95

واش رايكم
واش عيوبه
وهل تنصحوني به؟ لأنه رخيص وحوض يشيل قش أهل الرياض كلهم؟

ابخليه للبر بس

واش نصيحتكم لي ؟


الله يجزاكم خير لا تبخلون عليّ

[Bader-M]

اختيار موفق

و مبروك مقدما


يمتاز الامريكي

1- رخص ثمنه
2- رخص قطع الغيار
3- سهل الصيانه

عيوبه
1- استهلاك للوقود


و لك مني كل محبه و تقدير

[اسيزو 4x4]

اختيار موفق

و مبروك مقدما


يمتاز الامريكي

1- رخص ثمنه
2- رخص قطع الغيار
3- سهل الصيانه

عيوبه
1- استهلاك للوقود


و لك مني كل محبه و تقدير

مثل ماقال مشرفنا طاير بالعجة

ولا تتردد إذا هو نظيف

[طشي وامطري]

جزاكم الله خير
أخوي طاير بالعجة

وأخوي سوزو

شاكر لكم

[ZEISS]

الجمس زين والله بس انصحك تشيل معك

القطع هذي لانك رايح تحتاجها بالبر ضروري وفي كل طلعه رايح تستخدم واحده منها على الاقل

1_سير المكينه عدد 2

2_ رمان الشداد اصلي سبير معك

3_ الشداد حق السير واحد اضافي سبير

4_فيوز الدبل سبير معك

5_ كمبرسر او رمان الكمبرسر سبير معك

6_جالون اريعه لتر زيت لانك كل ماتمشي فتره لازم تزيد الزيت بس هذي

7- واير او سبته سحب حتى يتم سحب السياره من البر الى الورشه

ولك مني التحيه

[datsun 1984]

تبي نصيحه ومثل ماقالو أسأ ل مجرب ولاتسأ ل طبيب ههههههههههج عن الجمس لاتقربه كم مره كشتنا وآخرته نرجع بسطحه كم مره كشتنا وآخرته نرجع مع عمال مزارع كم مره كشتنا وآخرته نغيرله مكينه بعده كم مره كشتنا وآخرته نرجعه بسطحه وحنا مع النقل الجماعي
هاذا الجمس ومايسوي والله لوتاخذ الصناعيه بعماله وقطع غياره لابد أنك ترجع بسطحه وكله أسباب بسيطه وتراه بالخراب واحد من موديل 1975إلى 2005أنت ماسمعت الشاعر الي يقول:
كل إبن جمس وإن طالت سلامته ***يوما على سطحة حدباء محمول

[طشي وامطري]

والله خبر شين الله يستر واش هالعلم
رسونا على بر

تراي الخميس تفاوضت مع واحد علمونا يالربع تكفون
تري راعي درعمة بوسط هالبران

تكفون بالربع العلم الأكيد

[الضاحي]

مثل ما قيل لك فوق

انحش عن الجمس الا ان كانك راعي ورشة

خللك في الياباني يا رجال