وش رأيكم S G L

[الوديع]

السلام عليكم ورحمة الله وبركاته

وش رايكم ياالربع في السفاري أربع أبواب سي جي ال

مديل 2002 من جربه منكم

ووش عيوبه؟

وهل تنصحوني بشرائه ارجو الافادة الكافيه عنه؟


ولكم جزيل الشكر.

[اسيزو 4x4]

مشاء الله والله أنة موتر ولا يفوتك

أحد الجيران معه واحد مشاء الله يمدحة واجد

وبالتوفيق.............

[ابو نوره]

اتكل على الله وخذلك واحد موتر خفيف نفس وصرفيته شبه معقوله واذا كان عادي اطيبلك اذا انت منتب من سكان الرياض

[الوديع]

الله يعطيكم العافيه

مشكورين

[شايب الصمان]

السلام عليكم ورحمه الله وبركاته

توكل على الله وتراه ممتاز جدا ومجرب .

[الشوق]

أخوي توكل على الله ترا أخوه معي

ووالله انه موتر مجنون بالديره وبالبر خاصه لاصرت من نجد لأن أرضنا نفود ولا يصلح لها الا صقر الصحراء باترول



توكل على الله والله يوفقك

[shababi]

السلام عليكم ورحمة الله وبركاته

مثل ماقالوا الاخوان
توكل على الله
انا مجرب هالموتر بصراحه ماعليه كلام خاصه بالنفود
صورته بالتوقيع..

تحياتي

[الطعس الذهبي]

وبعدين صرفية موب يشرب

[abu rashid]

السلام عليكم
اشكرك اخوي الوديع على دعوتي للموضوع
بالنسبه للنيسان sgl ممتاز ماعليه كلام قوي وسعره مناسب
واذا بتاخذ مستخدم خذلك سوبر سفاري فرق بسيط في السعر(المستخدم )
مواصفاته حلوه وسعره بين ال70000الى 77000هذا السوبر فل اوبشن اما ال sgl تفريبا 63000
والصراحه انصحك فيه قوي
واستخدامه بالبر افضل خفيف في الرمل ولا طاح في الرباضات عادي ما تتعب وانت تطلعه
وبالنسبه للاهم صرفية البنزين
تقريبا خزانين ب110
تمشيك خط 550 كيلو
400 كيلو ديره
يعني مناسبه بالنسبه لحجم المكينه4800cc اكبر من مكينه ال vxr 470cc

وشكراااا.......................................... .

[ع.ف.الدرويش]

السلام عليكم ورحمة الله وبركاته

بالنسبة للباترول فانا مجربه لكن فئة الربع ومن قلب أقولها لك توكل على الله ( عزوجل ) وخذ اللي حاط عينك عليه.. تراه لك وللزمن.. وماشاء الله ما اعتقد انه سعره بيكون مرتفع جداً
وان بعته بعد فترة لاي سبب فمهنا خساير ان شاء الله..
والله يوفقنا واياك والمسملين لكل خير

عبدالرحمـــن

[مسهي الرعيان]

السلام عليكم ورحمة الله وبركاته....
ياخوي عزالله انك احسنت الاختيار اخذه وانت مغمض لانه موتر وحش وانه اخوي عنده واحد فتك وانه عندي 99اس جي ال بس والله انه موتر والعيب اللي فيه صرفيته..وسأل الغير بعد ...واسف على التقصير