رابطة ملاك تويوتا (( راف فور Rav4 )) فقط

[شاهد عيان]

السلام عليكم ورحمة الله وبركاته

وكل عام واناتم بخير ياملاك الراف فور

انا والحمدلله اشتريت راف فور 2012م فل كامل لؤلؤي

بصراحه عندي مشكله اقلقتني وهي اني اسمع صوووت (وززززز) في الكفر اللي ورا جهة اليمين

وكل يوم اقول بيروح الصوت وفتشت السياره قلت يمكن شي يقرقع يعني يطلع صوت ماحصلت شي

ذهبت الى احد الميكانيكيه اصحابي وسألته وركب معي في السياره وبعد ماسمع هذا الصوت قال بسيطه

يمكن حصاه صغيره في الكفر ثم فك الكفر ونظفها وبرضه نفس المشكله فقال لي هذا خلل فني راجع الشركه

سؤالي هل احد لديه هذه المشكله والله انزعجت كثير منها وكرهت السياره وصرت ماروح الا بسيارتي الثانيه اللكزس

جرب إنك ترفع السيارة مع الخلف وعشق القير وخليه يدور الكفر وهو مرتفع عن الأرض ويمكن تكتشف الخلل ..
وإذكر أول ما اشتريت السيارة كان يطلع لي صوت مزعج إذا مسكت خط وأكتشفت أنه من ربلة الباب فيها فتحة يدخل معها الهواء وأسمع منها هالصوت ..

[صقرولدصقر]

اخوي شاهد عيان تم رفع السياره والصوت لازال كما هو في الكفر الخلفي اليمين

المشكله اني وديتها لورشه وقالي يبيلك تغيير رمان ويمكن تكلفك فوق اربعه الاف ريال

ونصحني بالتوجه للشركه ....... بس الشركه يومها بسنه كامله

[صقرولدصقر]

انا عندي مشكله يالربع في التكييف

السياره راف فور 2012م

اذا دست على البنزين وزادة السرعه احس هواء المكيف يطلع ريحه كريهه

هل هذه مشكله في الصنع ؟ ام ماهي المشكله وماهو الحل وشكرا

[صقرولدصقر]

السلام عليكم ورحمة الله وبركاته

وكل عام واناتم بخير ياملاك الراف فور

انا والحمدلله اشتريت راف فور 2012م فل كامل لؤلؤي

بصراحه عندي مشكله اقلقتني وهي اني اسمع صوووت (وززززز) في الكفر اللي ورا جهة اليمين

وكل يوم اقول بيروح الصوت وفتشت السياره قلت يمكن شي يقرقع يعني يطلع صوت ماحصلت شي

ذهبت الى احد الميكانيكيه اصحابي وسألته وركب معي في السياره وبعد ماسمع هذا الصوت قال بسيطه

يمكن حصاه صغيره في الكفر ثم فك الكفر ونظفها وبرضه نفس المشكله فقال لي هذا خلل فني راجع الشركه

سؤالي هل احد لديه هذه المشكله والله انزعجت كثير منها وكرهت السياره وصرت ماروح الا بسيارتي الثانيه اللكزس

ههههههههههههههههههههههه سبحان الله ومن شر البليه مايضحك

والله ياجماعه حصلت السبب في هذا الصوت ماتتخيلون

طلعنا في رابع ايام العيد للاستراحه

وركبت بنتي الصغيره ذات الست سنوات في الخلف وتعبث في السياره

وفجأة أختفاء الصوت فلم أصدق نفسي وأخذت ازود في السرعه

ولم اعد اسمعه فسألت إبنتي ماذا فعلتي وانتي تلعبي في الخلف

فأرتني حديدتين في الجنبين أعتقد انها يربط بها حزام للعفش الزائد او ماشابه ذلك

فالحمدلله وبإذن الله اذا مافهمتوا مكان الحديدتين سوف أصورها لكم قريب

[صقرولدصقر]

الصور موجوده بس ماعرفت انزلها

اللي عنده واتس اب يحط رقمه لو سمحت عشان ارسله الصور وينزلها الله لايهينه

[شاهد عيان]

سيارتي الراف فور مشت معي مسافة :
300000 كيلو متر والحمد لله وهذا بفضل الله وحفظه

وقد غيرت بعض قطاع الغيار وأذكر منها مايلي :
1- مساعدات قدام ثلاث مرات ومرة بالخلف
2- سير مكينة أكثر من 15 مرة ! وقد غيرت بكرة الشداد وكان السبب من بكرة الماكينة .
3- كفرات ثلاث مرات
4- تهريب زيت دركسون بسبب دودة الدركسون
5- تهريب زيت مكينة مع صوفة القير
6- الغطاء العلوي من الاديتر ( مصنوع من بلاستيك وأنكسر مع الحرارة )
7- فحمات 7 مرات وقماشات مرتين
8- كلتش مرة واحدة ( قير عادي )
9- أربع مرات صيانة شاملة بالوكالة
10- عدم القدرة على تحريك الفتحة العلوية لكي تنسحب للخلف
11- بطارية حوالي 5 مرات
12- أنوار أمامية حيث تغير لونها أصفر مع الشمس
هذه أبرز المشاكل التي عانيت منها ...
والحمد لله الماكينة والقير والعكوس بحالة سليمة
موديل السيارة 2002 م

[mr.salih]

السلام عليكم
يا اصحاب الراف فور...وش فيكم نايمين..

المهم ابي استشيركم معي اقل من 30 الف...هل تجيب لي راف فور..وكم موديله
والسؤال الاهم كيف مكينته..وخرباته....وقطع غياره لاني سمعت انها غاااااااليه..

طبعا السياره اشوفها غير منتشره بكثره..وهذا شي يخوف..

استعمالي..الحمد لله معي كامري...بس مشكلتها واطيه وانا اطلع الديره..واصلا نفسيا ابي سياره مرتفعه...فهل تفي بالغرض وكيف ارتفاعها هل
مثل الهايلكس..وكيف مشيها بالديره وعلى البطانيج...

طبعا راح تكون السياره الوحيده بالبيت...

اشيروا علي بارك الله فيكم

[سلمان الصفيان]

أخوي صقر انا عندي راف فور 2012 ومشغلني صوت صرصرة تنرفز يريت ترسلي صورة القطعتين علا الوت ساب وهذا جوالي 0508277169

[خوة نشامي]

موفق باذن الله

[صقرولدصقر]

أخوي صقر انا عندي راف فور 2012 ومشغلني صوت صرصرة تنرفز يريت ترسلي صورة القطعتين علا الوت ساب وهذا جوالي 0508277169

هلا اخوي سلمان الصفيان

تم إرسال الصور وأتمنى إني افدتك وأتشرف بالتواصل معك وشاكر لك اخوي

[سلمان الصفيان]

أبشرك انها وصلت والله يعافيك ولي الشرف والله بالتواصل معك

[أكمل الفراغ]

السلام عليكم
يا جماعة الخير انا ودي اركب جنوط للسيارة وش النوع المناسب و وش المقاس المناسب سواء للجنط او للكفر

الموديل 2009

[زمن الببي]

ياشباب فيه احد جرب اوعنده معلومه عن الراف 6 سلندر يجي من امريكا خايف اشتريه ويكون مايناسب للأجواء بالسعوديه وأهم شي الحراره وآسف على الاطاله

[كومبو]

ياشباب فيه احد جرب اوعنده معلومه عن الراف 6 سلندر يجي من امريكا خايف اشتريه ويكون مايناسب للأجواء بالسعوديه وأهم شي الحراره وآسف على الاطاله

نفس مكينة وقير الكامري 6 سلندر
والأوريون والأفالون وES350

قد يكون الاختلاف الرديتر أصغر مثلًا
أو يكون بلا مبرد زيت للقير والمكينة

عمومًا أفضل شيء تسأل ملاك الأفالون وES350 الأمريكي

[زمن الببي]

عافاك اخوي كومبو على التجاوب