عندي سلقه حامله

[ابوعبدالله222]

السلام عليكم ورحمة الله وبركاته
عندي يالربع سلقه حامل وهي اول مره تحمل وله الحين تقريبا 50 يوم ان شاءالله على حسب ضني في طريقه اعرف كم يوم باقي وتولد على تحركاته السلقه او اي شي ثاني ابي من الافاده لو ماعليكم امر ياربع وهل تنصحون بشي اسويه اثناء الولده او بعد الولده
وشكرا
واسف على الاطاله

[فتى دآورد]

أنا أنصحك أنك تعطيها بيض ني وتخلطه بحلّبة وخصوصاً في فترت الصبآح وهذي معلومة وأتمنى أفيدك فيها

[abo m7md]

اخوي السلقه مده حملها ٦٠ يووم

واذا بدت تلهث يعني قرب موعد ولادتها بيوم او يومين

وكثرلها حليب بل و تمر

تحياتي

[مودع الخلان]

كلام الاخوان صحيح

حطهن بمكان بعيد عن الشمس وانحصل بارد
وابعد الذيخ عن الجراوه ان كان عندك ذيخ
وحطلهن فرشه اتحطها بمكان صاد عشان تولد فيه

وانشاء الله فالك التدريب الزين وعقبال مايطرحن الظبي

اخوك

مودع الخلان

[333]

إذا لها 50 يوم
ترا باقيلها حروه العشر ايام 15 يوم وتولد إنشا الله

[بوسيف 22]

عطها حليب ولا تقصر عليها ومشها شوي لانه القعده مب زينا لها وحول كليوم تمشيها ربع ساعه ( وبعد الولاده عطها مااي اول شي وعقب عطها حلييب في اول يوم وثاني يوم وثالث يووم وذا تقدر كل يوم مره وبعد اسبوعين ودها البيطري وطعمها لانه التطعيم مفيد لها ولجراها معا تمنياتي لك بتوفيق انشالله

[أبوسعود711]

فادووك الاخوااان وكثره الحليب اذا ولدت
ويفيدك ابو ابراهيم ..هاوي سلق..

[أبو خاااالد]

ماقصروا الاخوان

[الذود العفر]

أذا بدت تحفر السلقه أعرف أنه حولك ماباقي شي ,,

ومدة الحمل الطبيعي 60 يوم وأحيانا يزود 5 أيام بالكثير ..

وأهم شي تعزل عن السلق عشان تجري وتاخذ راحته لأنه تخاف على جراه

مع توفر الماء والأكل عشان الحليب للجرى ..

[الصقار3]

عليكم السلام ورحمة الله وبركاته
ماقصروا الاخوان واسأل الله انة يطعمك من صيدهن
ولك رساله على الخاص

[راعي وذف]

افاادوك الاخوان

[رأعي ليل]

ماقصروا الاخوان عطوك العلم.