15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 8 1234567 ... الأخيرةالأخيرة
النتائج 1 إلى 15 من 114

الموضوع: في الطريق قصص و مواقف مرت بك ( و دعوة صادقة لمساعدة الآخرين )

  1. #1
    تاريخ التسجيل
    Mar 2004
    الدولة
    الرياض www.shass.net
    المشاركات
    1,141

    في الطريق قصص و مواقف مرت بك ( و دعوة صادقة لمساعدة الآخرين )

    السلام عليكم ورحمة الله وبركاته

    أسعد الله أوقاتكم بكل خير

    في الطريق أياً كان و أين كنت و تواجدت سواء في السفر أو داخل المدينة

    لا بد و أن يصادفك شخص متعطل بسيارته أو معه عائلته يطلب العون و المساعدة . . . .

    عند رؤيتك لهذا الموقف ؟؟؟ كيف تتصرف ، ، ،، ، ، وهل تساعد من طلب منك مساعدته

    تعالوا خلونا نسولف عن مواقفكم ؟؟؟ وهل تؤيد ذلك ؟؟؟

    الرسول صلى الله عليه وسلم يقول :-
    (( مازال الخير في امتي حتى قيام الساعة))

    .
    .
    لـ ملاك و عشاق الشاص ، و ياهلا و الله بالجميع
    شاص.نت

    رابطة ملاك ذئب الصحراء ( الشاص )

    منتدى الشاص من جديد 1441 :-


  2. #2
    تاريخ التسجيل
    Mar 2004
    الدولة
    الرياض www.shass.net
    المشاركات
    1,141

    رد: في الطريق قصص و مواقف مرت بك ( و دعوة صادقة لمساعدة الآخرين )

    منقول

    انا ايضا حصل لي موقف مشابه

    كنت راجع من الشرقية على طريق الرياض .. وجاء وقت صلاة المغرب ...

    نزلت من الطريق الجانبي عشان نصلي وكان معي الوالده وزوجتي وابنائي

    المهم لما نزلت على جانب الطريق كان فيه رمل لما دخلت الرمل باعتباره منطقه سهله الا غرزت السيارة فجأة فيها وكانها حفرة

    حاولت بالسيارة ومافي فايدة والظلام بدأ يحل علينا ... بصراحه خفت على اهلي

    اشرت للسيارات علها تساعدني .. وبسرعة توقف صاحب جمس

    ثلاثة شباب ماشاء الله تبارك الرحمن .... كان في سيارتهم ونش

    قالوا لي ابعد اهلك وخلنا نربط سيارتك ونسحبها .. وفعلا تم ذلك ..

    والله يا جماعة ما انتظروا حتى اقولهم كلمة شكرا .. لانهم شافوا اهلي معاي وعلى ابتعدوا

    الله يجزاهم خير ويستر عليهم دنيا واخره يارب

    الدنيا بخير وانا اخوك

  3. #3
    الصورة الرمزية دكتور بر
    دكتور بر غير متواجد حالياً

    مشرف خيمة المواضيع المكشاتية المنوعة

    تاريخ التسجيل
    Jan 2005
    الدولة
    الرياض
    المشاركات
    3,478

    رد: في الطريق قصص و مواقف مرت بك ( و دعوة صادقة لمساعدة الآخرين )





    طرح مميز

    مشكور عليه أخي الحبيب


    المواقف كثيرة والتي تثبت أن الناس بخير ولله الحمد

    وخصوصاً في الكشتات البرية التي الحاجة فيها أشدُّ من غيرها

    يستحق التقييم الأعلى


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    لي عودة لموضوعك قريبة بإذن الله





    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي











    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    تاريخ التسجيل
    Mar 2004
    الدولة
    الرياض www.shass.net
    المشاركات
    1,141

    رد: في الطريق قصص و مواقف مرت بك ( و دعوة صادقة لمساعدة الآخرين )

    مرورك شرف دكتور تقييمك على العين والراس

    ياليت تفاعل الجميع كي أصل لـ الهدف

    اللذي من أجله تم طرح هذا الطرح


  5. #5
    تاريخ التسجيل
    Apr 2010
    المشاركات
    170

    رد: في الطريق قصص و مواقف مرت بك ( و دعوة صادقة لمساعدة الآخرين )

    مشكور على موضوعك القيم واذكر مره كنا رايحين انا وواحد من خوياي على سيارته المهم ونلقا راع ذيك الدينٌا يؤشر على الطريق قلنا بنوقف نشوف وش مشكلته عشان نساعده ولقينا مشكلته مامعه مفتاح عجل او عفريته ما اذكر بالضبط لان السالفه قديمه شوي المهم ساعدناه وحنا قاعدين نفك الكفر الا صوت سياره فيها شي يسحب في الارض مقبله علينا بنفس الطريق اللي نصلح الدينا فيه والتفتنا الا ذاك الجيب اللي يبعد عنا تقريبا 200متر يسحب مقطوره اللي يشيلون فيها العفش والعزبه زي صندوق السياره وانطلقت وحده من كفراتها وكانت منطلقه باتجاهنا بسرعه يمكن 60كم في الساعه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي كنا بننحاش عن طريقها بس الحمدلله مرت بجنبنا بحوالي 5متر والحمدلله سلمنا منها نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ولا كان يحصل لنا مالا تحمد عقباه وركبنا الكفره وشكرنا راع الدينا . ومشينا ولقينا راع الجيب يدور كفرة المقطوره لانها نزلت عن الطريق في ارض كلها شجر كبير وصغير ودورناها انا وخويي ولقيناها وعطيناه كفرته ومشينا ارجو ان تحوز على رضاكم القصه وشكرا .نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    تاريخ التسجيل
    Sep 2006
    الدولة
    المملكه الحبيبه/الحــجـــاز, الــــــــــســــــــــــاحل الــغــربـي
    المشاركات
    2,458

    رد: في الطريق قصص و مواقف مرت بك ( و دعوة صادقة لمساعدة الآخرين )

    واجد القصص
    قبل شهرين كنت بالديسه وبكرنا الصبح وافطرنا وثمين تغدينا وراحوا الشباب يعبون ماء ورجعوا الساعه ثلاثه تقريبا
    حسيت نفسي ضايق وقلت باخذ فره لاخر الوادي وارجع مين يخاويني.............. خاواني اكبر اخويانا ومشينا وبعد 500 متر لقنا ذاك الهايلكس اللي مغرز وعاد هو ماهو بصاحي محمل عفوش تكفيه شهر وعايله 3 حريم وماشاء الله 5 اطفال
    المهم وقفنا وسحبناه لين طلع بعد حول 1000 متر او اكثر.

    قلنا له وين تبي هالحين قال اب اعود دربي ثاني ........ ايييييييييييييييييييييييييييه ياليل ما اطوالك هيا اربط الواير واسحب وشل ابوك وحط اخوك و تقريبا كيلو وشوي لان الارض كلها غراز لين وصلنا الماء وسارة الارض عزاز وقويه تركناه ومشينا.

  7. #7
    تاريخ التسجيل
    Mar 2010
    المشاركات
    3,522

    رد: في الطريق قصص و مواقف مرت بك ( و دعوة صادقة لمساعدة الآخرين )

    ماشاء الله موضوع مميز

  8. #8
    تاريخ التسجيل
    Feb 2008
    المشاركات
    121

    رد: في الطريق قصص و مواقف مرت بك ( و دعوة صادقة لمساعدة الآخرين )

    فى ساعه متأخره من الليل والطريق لايوجد به حركه فى هذا الوقت

    واذا بشخص يأشر على الطريق السواق السنافيى الشهم وقف

    لهم كلن شباب وماهن الا العافيه اتدرون ايش كانت قصتهم

    ثلاث اشخاص معهم مريض حالته تستدعى نقله بأسرع

    وقت للمستشفى شكرا

  9. #9
    تاريخ التسجيل
    Mar 2004
    الدولة
    الرياض www.shass.net
    المشاركات
    1,141

    رد: في الطريق قصص و مواقف مرت بك ( و دعوة صادقة لمساعدة الآخرين )

    كفو والله يالنشاما

    عندما تهم لمساعدة الآخرين و تطلب الأجر وهو هدفك

    قد تحتاج من يساعدك يوماً من الأيام

    و الله يوفقنا وإياكم يالله يارب

  10. #10
    تاريخ التسجيل
    Apr 2010
    المشاركات
    41

    رد: في الطريق قصص و مواقف مرت بك ( و دعوة صادقة لمساعدة الآخرين )

    مشكور أخي الحبيب والواقف كثيره ونا اذكر لكم مره وناجاي من الرياض متجه يم الحريق ديرة العز والطيب انا اسوق وامي الله يرحمه قدام ماتت وهي تدعي لشاب اللذي انقذها اهي وحرمتي وبنتين وقفت عند بقالة في حوطة بني تميم في حي الفرعه وكان موقف جنبي راعي ددسن الله يذكره بالخير وانا معي جمس صالون موديل 99 وقفت ودخلت المخبز وطلبت خبز وظهرت ورحت البقاله اشتري اغرض وكان راعي الددسن موقف قبلي بس مانزل من السيارة ويوم دخلت البقاله ولا انا اسمع صياح بناتي الصغيرات واطلع اشوف الا راعي الددسن ماسك البنغالي وطاقه وطارحه على الارض وامي تبكي وحرمتي مثل وبناتي مرتاعات ويبكون واسئل امي وش فيكم يقولن البنغالي ركب السيارة بيسرقنا بس يوم سمع الصراخ هذا الشاب جا وفتح باب الجمس وصار مقفله البنغالي ويحاول ولا قدر ويدخل يده يم القزازه ويضرب البنغالي على وجهه بقس وصب الدم من البنغالي وبنتي الصغيره فتحت القفل للولد ونزل البنغالي وضربه وطرحه على الارض وجلس عليه ويعطيه من البقوس لين داخ البنغالي واجي انا واكمل عليه واتصلنا على الشرطه وجت بئسرع وقت وركبو البنغالي وقالو ميد راعي الددسن اركب معنا قال بجي بسيارتي قالو وش يثبت انك بتجي قال بعطيكم اثباتي وبجي وراكم ورحنا يم المركز الشرطه الا راعي الددسن فيه دم وثوبه متشقق وندخل انا وياه على الظابط خفر ونقوله القصه ويسئل الظابط البنغالي انت مسوي كذا قال لا مافي سوي ويعطيه كف قال مسوي قال لا ويعطيه كف ثاني قال مسوي قال ايوا وكان ثالث ايام عيد الفطر وانا ذاهب للحريق لاحضر زفاف وكان راعي الددسن من الحريق وشكره الظابط وخرجنا من المركز وسلمت عليه وركب سيارته وانا بكبت سيارتي وتقولي امي وقف الشاب وقله يجي يم بابي واوقف الشاب واقول ميده رح يم باب الراكب ويروح وتسلم عليه امي وتقبل رأسه ويقبل رأسها وامي كبيرة في السن ولا تقدر تنزل من السياره الا بمساعده وتحلف امي على الشاب ان يأخذ الي بتعطيه وتعطيه 2000 ريال ويحلف انه مايئخذ منها ولا ريال وتحلف امي ولا فيه فايده ولا خذ شي ومشينا للحريق والتقينا في العرس وناديته جنبي وتعشينا وهو جنبي وقمنا من العشاء وغسلنا وودعته قلت انا ماشي للرياض قلت تامرني شي قل والله ماتروح ارتح توك جاي من خط و المجالس في البيت فاضيه تعال انت والاهل ونم عندنا ونروح الصبح نفطر و نتمشى اوريكم الحريق وواذا جاء الظهر تغدينا وصلينا العصر توكل على الله والله يحفظك بس الحين ماتمشي ليل والطريق كله ابل قلت والله عندي ظروف والوالده عندها مراجعه وخت رقم جواله ومشيت للرياض وانتهت السالفه وهذا الشاب (عبدالله بن راشد بن ابرهيم الهويدي)الله يحفظه ويخليه لعين ترجيه..

  11. #11
    تاريخ التسجيل
    May 2010
    الدولة
    الر--->S
    المشاركات
    144

    رد: في الطريق قصص و مواقف مرت بك ( و دعوة صادقة لمساعدة الآخرين )

    والله قصصكم تبين شهامتكم

    وجازت لي قصة سد الحريق
    اما انا مالي الى الحين لاتذكرت قلت < بس ذكرون نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  12. #12
    تاريخ التسجيل
    Apr 2010
    المشاركات
    41

    رد: في الطريق قصص و مواقف مرت بك ( و دعوة صادقة لمساعدة الآخرين )

    مشكور يا رساوي

  13. #13
    تاريخ التسجيل
    Sep 2006
    الدولة
    المملكه الحبيبه/الحــجـــاز, الــــــــــســــــــــــاحل الــغــربـي
    المشاركات
    2,458

    رد: في الطريق قصص و مواقف مرت بك ( و دعوة صادقة لمساعدة الآخرين )

    اقتباس المشاركة الأصلية كتبت بواسطة سد الحريق... مشاهدة المشاركة
    مشكور أخي الحبيب والواقف كثيره ونا اذكر لكم مره وناجاي من الرياض متجه يم الحريق ديرة العز والطيب انا اسوق وامي الله يرحمه قدام ماتت وهي تدعي لشاب اللذي انقذها اهي وحرمتي وبنتين وقفت عند بقالة في حوطة بني تميم في حي الفرعه وكان موقف جنبي راعي ددسن الله يذكره بالخير وانا معي جمس صالون موديل 99 وقفت ودخلت المخبز وطلبت خبز وظهرت ورحت البقاله اشتري اغرض وكان راعي الددسن موقف قبلي بس مانزل من السيارة ويوم دخلت البقاله ولا انا اسمع صياح بناتي الصغيرات واطلع اشوف الا راعي الددسن ماسك البنغالي وطاقه وطارحه على الارض وامي تبكي وحرمتي مثل وبناتي مرتاعات ويبكون واسئل امي وش فيكم يقولن البنغالي ركب السيارة بيسرقنا بس يوم سمع الصراخ هذا الشاب جا وفتح باب الجمس وصار مقفله البنغالي ويحاول ولا قدر ويدخل يده يم القزازه ويضرب البنغالي على وجهه بقس وصب الدم من البنغالي وبنتي الصغيره فتحت القفل للولد ونزل البنغالي وضربه وطرحه على الارض وجلس عليه ويعطيه من البقوس لين داخ البنغالي واجي انا واكمل عليه واتصلنا على الشرطه وجت بئسرع وقت وركبو البنغالي وقالو ميد راعي الددسن اركب معنا قال بجي بسيارتي قالو وش يثبت انك بتجي قال بعطيكم اثباتي وبجي وراكم ورحنا يم المركز الشرطه الا راعي الددسن فيه دم وثوبه متشقق وندخل انا وياه على الظابط خفر ونقوله القصه ويسئل الظابط البنغالي انت مسوي كذا قال لا مافي سوي ويعطيه كف قال مسوي قال لا ويعطيه كف ثاني قال مسوي قال ايوا وكان ثالث ايام عيد الفطر وانا ذاهب للحريق لاحضر زفاف وكان راعي الددسن من الحريق وشكره الظابط وخرجنا من المركز وسلمت عليه وركب سيارته وانا بكبت سيارتي وتقولي امي وقف الشاب وقله يجي يم بابي واوقف الشاب واقول ميده رح يم باب الراكب ويروح وتسلم عليه امي وتقبل رأسه ويقبل رأسها وامي كبيرة في السن ولا تقدر تنزل من السياره الا بمساعده وتحلف امي على الشاب ان يأخذ الي بتعطيه وتعطيه 2000 ريال ويحلف انه مايئخذ منها ولا ريال وتحلف امي ولا فيه فايده ولا خذ شي ومشينا للحريق والتقينا في العرس وناديته جنبي وتعشينا وهو جنبي وقمنا من العشاء وغسلنا وودعته قلت انا ماشي للرياض قلت تامرني شي قل والله ماتروح ارتح توك جاي من خط و المجالس في البيت فاضيه تعال انت والاهل ونم عندنا ونروح الصبح نفطر و نتمشى اوريكم الحريق وواذا جاء الظهر تغدينا وصلينا العصر توكل على الله والله يحفظك بس الحين ماتمشي ليل والطريق كله ابل قلت والله عندي ظروف والوالده عندها مراجعه وخت رقم جواله ومشيت للرياض وانتهت السالفه وهذا الشاب (عبدالله بن راشد بن ابرهيم الهويدي)الله يحفظه ويخليه لعين ترجيه..

    والله ونعم فيك وفي اخونا عبدالله بن راشد بن ابرهيم الهويدي وترى قليل من مثله
    بس ما زال بإذن الله الخير في شبابنا ترى باقي النخوه ما راحت من قلوبهم

  14. #14
    تاريخ التسجيل
    Dec 2009
    المشاركات
    500

    رد: في الطريق قصص و مواقف مرت بك ( و دعوة صادقة لمساعدة الآخرين )

    انا عن نفسي للأسف مايمديني اوقف لأني اكون داااعس واذا بوقف اوقف بعده بــ3 كيلو
    سبحان الله وبحمده , سبحان الله العظيم
    PIN:27262785
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




  15. #15
    تاريخ التسجيل
    Mar 2004
    الدولة
    الرياض www.shass.net
    المشاركات
    1,141

    رد: في الطريق قصص و مواقف مرت بك ( و دعوة صادقة لمساعدة الآخرين )

    أخونا الغالي / سد الحريق عز الله إن ما وردته إنه فخر للجميع بقيادة القرم الهويدي

    و هذا يثبت إن أبناء البلد بهم خير و موقفه موقف شجاع

    و الحمدلله اللي سخرهـ و إنتظر بالسيارة

    يستاهل و الله كل تقدير

صفحة 1 من 8 1234567 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •