استفسار عن السوبرمان 2005 هل فيه اسباب تخليه يشب :( <~ موترنا شب و صار رماد و فيه صور

[يستاهلها]

السلام عليكم كيف حالكم يالغالين ..
بشروني عن صحتكم اول شئ .. قدر الله و ماشاء فعل .. والحمد الله ع كل حال والحمد الله ان مصيبته جت عند باب البيت وماصر لنا شئ
حنا طال عمركم احنا عندنا صالون سوبرمان موديل 2005 .. شارينه وكاله من الجميح في سنته .. طبعا هو 8100 .. اكبر حجم .. الاسبوع اللي راح وحنا تونا طالعين من دواماتنا و ماعندنا من الشيطان طاري ..
احترق وهو واقف بالبايكه طبعا هو اللي شب اول شئ و جمبه كامري حقت اخوي و بعد احترقت هي المواتر راحت ... والحمد الله ع كل حال بس الكلام الحين يقولون لنا ربعنا انهم كانو مستدعين اصحاب الصوالين عشان فيها عيب مصنعي ..و حبيت اسال هل احد عنده خبر عن هالموضوع ولا لا ...!
ولا هالحتسي صدز ولا لا .. وهل نقدر نطالب الشركه بشئ ولا لا ..
طبعا الصالون منتهي تأمينه و مانتهم احد يكون متسبب بـ الحريق كله ...

هذي صوره الصالون بعد الحريقه




انتظر مشورتكم ياخواني

[جوبتير]

الله ما اخبر شي في هذي المواتر وانا عندي اخوه بنفس الموديل شفر بالبيد والحمد لله ما عليه خلاف
الله يعوضكم خير والله انه موتر كفو ،، لعل في ذلك خير كثير وعند الله خير منه

[قناص*07]

الله يعوضكم خير

[ياأجمل الوقت]

الله يعوضكم خير

قال تعالى: {وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ} (9).

[البيـرق]

الله يعوضكم احسن منه واخير

اذكر قبل مدة احترقت لومينا بمواقف جامعة الملك سعود ولا كان فيها احد

[عزوز الحجازي]

الله يعوضكم خير

[أصيل حجآ زي]

السلام عليكم كيف حالكم يالغالين ..

بشروني عن صحتكم اول شئ .. قدر الله و ماشاء فعل .. والحمد الله ع كل حال والحمد الله ان مصيبته جت عند باب البيت وماصر لنا شئ
حنا طال عمركم احنا عندنا صالون سوبرمان موديل 2005 .. شارينه وكاله من الجميح في سنته .. طبعا هو 8100 .. اكبر حجم .. الاسبوع اللي راح وحنا تونا طالعين من دواماتنا و ماعندنا من الشيطان طاري ..
احترق وهو واقف بالبايكه طبعا هو اللي شب اول شئ و جمبه كامري حقت اخوي و بعد احترقت هي المواتر راحت ... والحمد الله ع كل حال بس الكلام الحين يقولون لنا ربعنا انهم كانو مستدعين اصحاب الصوالين عشان فيها عيب مصنعي ..و حبيت اسال هل احد عنده خبر عن هالموضوع ولا لا ...!
ولا هالحتسي صدز ولا لا .. وهل نقدر نطالب الشركه بشئ ولا لا ..
طبعا الصالون منتهي تأمينه و مانتهم احد يكون متسبب بـ الحريق كله ...

هذي صوره الصالون بعد الحريقه

انتظر مشورتكم ياخواني

أخـي الـكـريـم / يــــســتـاهلها
تحية عـــطــرة وبــــــــــــعـد :
أولآ : الله يـعـوضـكـُم في كلا السيآرتين وفي ما فقدتــُم
والعوض في الحديد
المـُهـم الـحـمـد الله على ســلامـتـكـُم وبـيـتــكـُم وأهـلـكــُم
وأنا لله وأنا لـه رآجـعـون
لـه ُمـا أخـذ ولـه ُ مـا أعـطـى
وأوصـيـكـُم بوصية رسول الله صلى الله عليه
وعـلى آل بيته وزوجآته الطآهرآت المـُطهرآت أ ُمهـآت المؤمنين
وعلى جميع صحآبته وجميع المـُرسلين
حيث قـآل :
" من أ ُصيب في شيء من ماله أو أهله { يعني أولادُه وأهل بيته جميع }
وقال :{ اللهم اجرني في مصيبتي واخلف لي خيرا منها }
الا عوضه ُ الله خيرآ منها .

في هذا الرآبط تجد كثير من أستدعاء جي أم GM
والله لو عندي وقت كـآفي
لبحثت لك وترجـمـتـُه لك مـُسآنده و دعم {عطف لكـُم}
لاكن لــكـُم منـا الـد ُعـــــــــاء الخآلص بأن يعوض الله لكـُم :

http://www.lemonauto.com/complaints/gm/chevrolet_tahoe.htm

ولو تبغى تبحث أنت بنفسك فأسـتـخـدم هذي العبآرآت :
2005 suburban recalls

ضعها في نآفذت القوقل وشــُف وش يجيك
يجيك العجآيب من المعلومآت التي كثير منـهـا غث
وكثير منها مـُفيـد فأنت وشطآرتك وحضك :
شـــُُـف هذي الصفحة للقوقل
حط بها 2005 suburban recalls :
http://www.google.com/search?hl=en&s...i=&safe=active

وتقدر تـبـحـث بالعربي فــأكتـُب بنفس النآفذة
أو أي نآفذة مـُحـرك بحث بالشبعنكبوتية :
أستدعاء سوبربان 2005
ومثل هذي العبآرآت لأي شيء تــُريـد ُه

ما فيه دآعي لضرب كثير من الأمثآل .

موفـق
وتلقى خير بأذن الله

""" و الله ُ أعــــــــلـم وأكـــــمـــل """
تـــآ بــع د ر و ســـي لـلـفـآ ئـد ة:
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% ‏( 123)

أن تـرى أني قـد أفـدتــُـك بــشيء ذا مـعـنى ...
وأستحق مـــــــنــــــــــــك دعوة صالحة
فـــلا تــنــــــــــــــســآ ني
مـــــن صــــــآ لـح د ُعـآك.

تـحـيــــــــــــــــآ تي
<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """

[عبدالرحمن1980]

جبتلك الموقع وانشاء الله تستفيد منه والله يعوضك خيرhttp://75.126.184.24/vb/showthread.php?t=69316

[ابو حسناء]

الله يعوضكم خير وانا اخوك

[ارحبو يالربع]

إخوي يستاهلها معوضين خير والشيطان الله يخسيه لاكن في اسباب كثيره تخلي السياره تحترق
-انت مركب زنن والا اي جهاز بالسياره ممكن يكون التماس بالكهرب وهذا اهم سبب في احتراق السيارات من دون فعلت فاعل
-ايش نوع البطاره اللي انت مركبها وهل الدنمو فيه خلل
- احد الاسباب في غالب السيارات الامريكيه انه ولاعة السقاير تضل شغاله حتى لو سحبت المفتاح وممكن من كثر استعمالها حصل التماس منها واحرق السياره
وفيه سبب رئيسي ما احد ينكره ان السياره نضيفه وواحد نضرها وصكها بعين
اخيرا الله يعوضكم بس انصحكم لا تشتروا امريكي ابد لانه كهربته مو جيده بالرغم من ان الالماني اكثر تعقيد بالكهربه لاكن يصنعون يقلب وبجوده عاليه
ومعوضين خير انشا الله ودام ان مافيه خساير جسديه اقول فكه من جحا غنيمه

[أطلال نجد]

الله يعوضكم خير ..
هي وحدة من الثنتين
قد يكون بفعل فاعل والله وحدة أعلم
أو ألتماس داخلي
أو من حرارة وإنفجار ( منفذ ولاعة السجائر ) إذا كان فيها شاحن جوال مشبوك
لأنه في الأمريكي يبقى شغال حتى بعد ما تطفي السيارة مثل ما ذكر أخونا أرحبوا والله أعلم ,,,

[عاشق ونيت]

اخوي سلام عليكم معوضين خير ان شاء الله بالنسبه للسبب ان كانك مرهم طرنبة فكسار طرنب بنزين اقصد ترا هالطرنبه مهما قالولك انهم راح يضبطونها ترا يبقى تهريب بسيط من البنزين يخرج خارج الطرنبه ويهرب وهو طفييييف جدا بحكم انها ترهيم انا كان معي 2003 حجم كبير فاحت علي ريحة البنزين وانا رايح لابها عند وادي الدواسر فاضطريت اني انقلها للرياض وارجع وبعد الفحص تبين ان التهريب من الطرنبه ورجعت ركبت حقت وكالته وتفاديت هالخطا اللي كان راح يتسبب علي والحمدلله الذي قدر فلطف اتمنى اني افدتك تحياتي

[فنجال شاهي]

لا حول ولا قوة الا بالله

والله اني تضايقت حسيت انها سيارتي معوضين خير ان شاء الله والحمد الله على كل حال

[أطلال نجد]

الكفر الخلفي وجزء من مؤخرة السيارة وربما تانكي البنزين لم تصله النار
يبدو أن الحريق بدأ من مقدمة السيارة
أو التماس من الجزء الأمامي للوحة التحكم عند السائق

[فهووودي 7991]

الله يعوضكم خير ..

كان عندي زيه 8100 بهذلني في عوامه بنزين تنكسر من ايش مأدري اذا انكسر بفيظ البنزين من فوق التانكي

خرب معي حول 4 مرات في كل مره ادفع 1100 بعته

ممكن من العوامه ممكن شاحن ولاعه يكون مشبوك عيب جموس مايفصل كهرب وشفت مره صور دينالي جديد احترق بسبب شاحن جوال ممكن عندك مشاكل في تمديد الكهرب من توليف او بسبب حادث لاقدر الله