ارجو دخول أكبر عدد من أصحاب الجيوب واهل الخبرة والمعرفة

[التنهات 2]

السلام عليكم اخواني الاعزاء انا اريد جيب فل كامل يكون قوي ومتين ويتحمل الوعورة والرمال لأني ما ارحم نوعا ما لكن ما اقدر اتعدى ال(80000 )الف ريال حد اقصى وازيدكم من الشعر بيت ناوي اركب فيه تانكي ماء سعة (120 ) لتر ماء وجاء في بالي عدة جيوب وهي اللي على قد فلوسي
1- السورينتو من كيا
2-السنتافي من هونداي
3-جيب السوزوكي الحجم الكبير منه ( ماأعرف اسمه)
ولا يمنع اذا فيه جيوب اخرى وجيده وقريبة من السعر يفيدنا فيها علما باني أي شي من وكالة نيسان صاك بابه والتيوتا غير الخليجي مايصلح وغالي لأني أبغى جديد
ارجو ما أحد يبخل علينا بالفائدة وخاصة المجربين لهذه الانواع وبالذات( الكيا)
طبعا انا كنت معجب بجيب (الريكستون ) من عند الزاهد وكالته اسمها (سانغ يونغ ) لكن للأسف أعضت عنه لن ما احد فادني عنه زين مع اني احس انه اقوى وامتن واجمل وادق في التصنيع من (الكيا ، والهونداي ) واللي يروح يشوفه ويجربه بيحس بكذا
طبعا انا جربته حول ربع ساعة عند الوكالة لأنهم يسمحون بالتجريب
ارجو من أخواني الاعزاء وبذات إخواني الإعزاء : سلفر، وسنتافي ، وطاير بالعجة ، وسنتافي2002 ،واسيزو 4*4 ) _ ولا يهونون بقية الاعضاء الغالين على قلبي _
ملحوظة : ارجو الحيادية بالطرح وعدم التعصب للسيارة المستخدمة من قبل الشخص نفسه
والله يخليكم لنل ولهذا المنتدى الجميل
وسلمتم

[اسيزو 4x4]

السلام عليكم

أخوي التنهات 2 أنت تامر أمر ولا يهمك

عندك :

1 - السيرنتو الكيا ممتاز وقوي والمشكلة كوري 3500 سي سي و 180 حصان و 6 سلندر ودبل أزرار كهرب

2 - الاسيزو روديو وهو ممتاز وانصحك بة 3500 سي سي و 250 حصان 6 سليندر والدبل أرضي قير

3 - الباثفيندر ممتاز ويعيبة المساعدات 3500 سي سي و 240 و 250 حصان و 6 سليندر والدبل أرضي قير

4 - السانتا في الهونداي ممتاز ولكن قيرة كثير الخراب 2400 سي سي 147 حصان 4 سيلندر --و2700 سي سي و178 حصان 6 سلندر

5 - السيزوكي ممتاز ونشيط ولكن ما ينفع للنفود و2700 سي سي 180 حصان و 6 سليندر

6 ريكستون الكوري سانج يونج لا أنصحك بة ولا تقربة

وأرجو أني أفدتك وهذا كل ما لدي وأعذرني على القصور


.

[الشوق]

أخي العزيز والله أنا أرى انك تأخذ باثفيندر لأنه ممتاز وأيضا سوقه ماشي لو بغيت تبع أتمنى لك التوفيق

[ابو نجم *]

اذا كان حدك 80الف مثل ماتقول وانت انسان ماترحم وتبي موتر عملي وقوي ليه ماتشري vx-rاو gx-rمديل 97نظيف بمعنى الكلمه بحدود من 60الى 70الف لك ولزمان ويكون بالعلم ترى 97امتن من الجديد واسأل ناس مجربين
اسف على الأطاله

[datsun 1984]

اخوي التنهات وشدعوى وراك متكافخ انت ونيسان ولا وش وش القصه شف اخوي الباثفاندر يكنس كل اللي قلتهن ياخي لي أسبوع رايح للوكاله عندنا بالقصيم قالي الموظف ان الوكيل يجيب باخره سيارات نيسان وباخره باثفاندر لحاله من كثر الطلب اللي عليه وانت غلطان ماتشتريه .



.................................................. ...............................