افتوني في امري يا أهل الخبرة ( افلاااانش ) تكفوووووووون

[ابو حامد888]

الأخوة الأعزاء خبراء السيارات في مكشات
السلام عليكم ورحمة الله وبركاته

بصراحة أنا طايح عند افلانش 2004 ومن جد لاحس مخي ونويته انشاء الله خلال هالأسبوع ان الله كتب

بس صاحبه عطاني سعر يعني مدري يستاهل أو لا ؟؟

يقول الرجال مسيوم 55000 والظاهر انه ناوي يبيع بالسومة

وش رايكم في السعر علماً بأن السيارة ماشية 140000 كيلو ونوعها Z71

طبعا مواصفات كامله مكينة 5300 البدي نظيف جدا ومن الداخل نظيفه والظاهر والله أعلم ان ماجاها لا حوادث ولا رش

طبعا السيارة أنا ناوي استخدمها للكشتات والبران وهذا الغرض منها وبصراحة مواصفاتها + كونها ونيت وغمارتين يعني بتشيل اغراضي وتشيل ربعي وموتر في نظري بشكل عام يجمل

السؤال اللي يسدح نفسه هل السعر مناسب بالنسبة لموديلها ( ما استغني عن نصايحكم )

[عميد سامودة]

لا والله ماهو مناسب
ادخل موقع حراج 2004 النظيف ما يجيب 50000 الف
بعدين الافلانش طال الله عمرك فيه قطع الغيار ماهي متواجده في كل المدن
احسن مافيه انه Z71 لانها احسن مكينه لان فيه 8100 هذي اعوذ بالله صرفية بنزيم وعطالات
.................................................. .................................................. ..
استخير الله اولا ثم استشير اي واحد معه افلانش ’’’’’’’’

[ولد وايل..]

الصدق انه غالي...

مثل ما قال عميد ساموده...

ان كان تبي افلانش خذ 8100 وان كنت في حاجته... جبااااااااااااار

اما الأفلانش العادي فيه قطع ماتتوفر لان الموديل هذا مانزل في الوكاله...

دور واحد غمارة ونص ولا غمارتين ع ها الموديلات وتلقى لك واحد مطنووووخ

يارجل
فيه واحد معرووض قبل اسبوع هنا سلفرادو
حوض نفس الجمس سييرا بش شفر..

مطنووووخ ماشاء الله الحوض قصير وغمارتين

ومحدود 65 وهو 2007

لا غالي حقك هذا

[ابو حامد888]

عميد سامودة بيض الله وجهك واشكر نصيحتك ومرورك

الاخ ولد وايل الله ينور عليك واشكر مرورك ونصيحتك

يالربع انا عندي جمس قطع 10 شاريه من شهر تقريبا ونظيف بالحيل وممشاه 69000 ودبل ارضي وقير توماتيك يعني مواصفات ونظافة ولا احلى لكن مشكلته غمارة وحده وانا بصراحة عانيت
من الضيق وفكرت في غماره ونص او غمارتين بس مشكلتهم اطول من يوم السبت يعني فرق بينه وبين الافلانش والونيت قطع 10

ووودي والله بأهل الخبرة اللي جربوا الافلانش عشان يعطونا تجاربهم وخبرتهم بذي السيارة

[ابو حامد888]

ويييييييييييييييييييييييييييين أهل الافلانش

[AvA 496 LaNcH]

السلام عليكم

شف يالغالي منيب مفتي لك لكن بعلمك باللي اعرفه ...

بالنسبه للسعر مدري عنه .. لكن كموتر افضل انك تاخذ موديلات 2005 او 2006 لان هن يجن مراوح كهرب شد بلادها وبتكون اخف في المشي واقل حراره ...

بالنسبه لقطع الغيار .. للمعلوميه الاقلانش هو نفسه السوبربان لكنه مقصوص .. اذا الواحد يبي يتاكد يشوف ان الطول نفسه والعرض .. وان الصندوق مهب مفصول عن الغماره مثل ماهو موجود في الونيتات .. وهالافلانش مصنف ضمن شاصي الـ 1500 وتجي مكينته 5.3 لتر وقيره 4l60e ودفرنسه عشر بلوط مقاس 8.2 انش .. لكن الاختلاف في الاسطبات الخلفيه والغطيان اللى على الصندوق والقزازه اللى ورا ...

يعني هوبات او فحمات او سيور مكينه او اي قطع استهلاكيه هي نفس الجموس الثانيه ...

عيوب الافلانش من واقع تجربه .. وهي عيوب لكل الجموس اللى من 2000 الين 2006 دبله يخرب .. يازراره تخرب او سويتش التعشيق اللى في الدبل تخرب والقزازه اللى ورا الاحظها احيانا تصرصر ...

بالتوفيق ...

[ابو حامد888]

AvA 496 LaNcH

بيض الله وجهك ونور على قلبك

عندي سؤال وياليت تحملني

من كلامك يعتبر ان الافلانش نفس التاهو واليوكن بس اللهم انه ونيت وأكيد عيوب التاهو نفس عيوب الافلانش وانا اشوف ان التاهو مشاكله ماهي كثير صح والا انا غلطان ؟؟

[Geladiatos]

وعليكم السلام ورحمة الله وبركاته
يابو حامد..كان معي واحد موديل 2005 استعمال أمريكي شريته سنة 2007 بــ 75 ألف .
وبعته بعدها بسنة بـ 62 ألف .
الأن في سنة 2010: افلانش 2004 ماشي 140 ألف كيلو بـ 55 ألف..!! كثير عليه .
سعره (إذا كان نظيف) بين 40-45 ألف ماهو أكثر .

و يابو حامد تراه ماينفع للبر ، إذا تبي موتر للبر غمارتين و حوض..
عندك السييرا والسلفرادو ، مواتر قوية وقطعها متوفرة وتمسك سعرها .

[AvA 496 LaNcH]

AvA 496 LaNcH

بيض الله وجهك ونور على قلبك

عندي سؤال وياليت تحملني

من كلامك يعتبر ان الافلانش نفس التاهو واليوكن بس اللهم انه ونيت وأكيد عيوب التاهو نفس عيوب الافلانش وانا اشوف ان التاهو مشاكله ماهي كثير صح والا انا غلطان ؟؟

ووجهك ابيض

ايه نفس الشي وحتى مساعداته نفس السوبربان اللى ورى واحسن شي بعد انه بدون هيدروليك

[تناهيت]

هلا ابو حامد اطلب عزك ونا اخوك ...اكيد مريت على الموضوع هذا

http://www.mekshat.com/vb/showthread.php?t=284020

فيه معلومات وافيه وكافيه كتبتها من واقع تجربة مع الافلانش مدتها سنه وكم شهر والحمد لله ما غيرت الا زيت وسيفون وجلد بلوف وكل هذا على الضمان ما دفعت ولا ريال وازيدك من الشعر بيت موتري مخصصه للكشتات وكل ويكند في نفد ولا شعيب موتر ماعليه كلام نعم اخوي هو تاهو بس حوض واخو السلفرادو وقطعه متوفره وجميع الجموس بفئتيها الشفر والجمس قطعها وحده ولا تاخذ بكلام ناس ما جربت واذا كان الموتر اللي حصلته نظيف ترى سعره معقول جدا واراهن على كلامي بحكم خبرتي في السوق توكل على الله وافحص محركاته واستخر ربك قبل كل شي ......قبل فتره واحد من الشباب بايع افلانش 2005 مصدوم ومصلح بــ50000 ريال

واللي يقول 8100 اعطاله واجد غلطان وصرفية البنزين اقل بكثير من الاند كروزر اروح عليه للشرقيه من الرياض ما ينزل امبير البنزين عن النص والله على ما اقول خير شاهد ..

واذا بغيت تجرب ونا اخوك ابشر بسعدك ولا يردك الا رساله خاصه .

تحياتي

[تناهيت]

ووجهك ابيض

ايه نفس الشي وحتى مساعداته نفس السوبربان اللى ورى واحسن شي بعد انه بدون هيدروليك

صحيح القطع نفسها

[تناهيت]

.

و يابو حامد تراه ماينفع للبر ، إذا تبي موتر للبر غمارتين و حوض..
عندك السييرا والسلفرادو ، مواتر قوية وقطعها متوفرة وتمسك سعرها .

هلا بك عزيزي

ودي اعرف وش مشكلته في البر .....>انا استخدمته فوق السنه والحمد لله يبيض الوجه ولا عمره ردني عن محل ابي اكشت فيه لا راس نقا ولا بطن شعيب ...وبعدين اخوي جميع الجموس مكاينها وحده ما فيه شي اسمه اقوى ولا اضعف المكينه اللي نزلت على حجم 1500 في السيرا والسلفرادو والافلانش وحده وهي فورتك وحجمها في السعه اللتريه 5300 سي سي وكذلك القير حجمه واحد في جميع الانواع المذكورة هذا اكبر دليل على ان القطع وحده خاصه الميكانيكيه اما عن الشكل الخارجي فيه فرق اكسسوارات فقط ..
تحياتي

[Avalanche]

و يابو حامد تراه ماينفع للبر ، إذا تبي موتر للبر غمارتين و حوض..
عندك السييرا والسلفرادو ، مواتر قوية وقطعها متوفرة وتمسك سعرها .

وعلى فكرة .... هو نفس التاهو بالقطع (الفرق بالشكل فقط)

[تناهيت]

افلانش يسحب تريله في الثلج



طريقه الاستفاده من الحوض والاستغناء عن القزازة الخلفيه في التحميل .....>يا ما نمت في الصندوق وكنك في غرفه نوم افتح المرتبه على الصندوق واستمتع بالدفاء في عز المربعانيه لن الأغطيه معزوله تماما ضد تسرب الماء والهواء

[ابو حامد888]

هلا ابو حامد اطلب عزك ونا اخوك ...اكيد مريت على الموضوع هذا

http://www.mekshat.com/vb/showthread.php?t=284020

فيه معلومات وافيه وكافيه كتبتها من واقع تجربة مع الافلانش مدتها سنه وكم شهر والحمد لله ما غيرت الا زيت وسيفون وجلد بلوف وكل هذا على الضمان ما دفعت ولا ريال وازيدك من الشعر بيت موتري مخصصه للكشتات وكل ويكند في نفد ولا شعيب موتر ماعليه كلام نعم اخوي هو تاهو بس حوض واخو السلفرادو وقطعه متوفره وجميع الجموس بفئتيها الشفر والجمس قطعها وحده ولا تاخذ بكلام ناس ما جربت واذا كان الموتر اللي حصلته نظيف ترى سعره معقول جدا واراهن على كلامي بحكم خبرتي في السوق توكل على الله وافحص محركاته واستخر ربك قبل كل شي ......قبل فتره واحد من الشباب بايع افلانش 2005 مصدوم ومصلح بــ50000 ريال

واللي يقول 8100 اعطاله واجد غلطان وصرفية البنزين اقل بكثير من الاند كروزر اروح عليه للشرقيه من الرياض ما ينزل امبير البنزين عن النص والله على ما اقول خير شاهد ..

واذا بغيت تجرب ونا اخوك ابشر بسعدك ولا يردك الا رساله خاصه .

تحياتي

اقول جعلك ذخر يابعدي

عز الله انك تجيب العلم وجعلك تسلم على حرصك ونصيحتك وعز الله اني ارتحت لكلامك واقتنعت فيه ومن غير قصور في باقي الشباب بس انت تتكلم من تجربه وهذا اللي ادور عليه

بيض الله وجهك وترى رقمك حفظته بجوالي وراح اتصل عليك وباخذ علومك والله يعينك على الاسئلة