تحذير + عقرب + صور ... لأهل البر

[تحتمس]

السلام عليكم ورحمة الله وبركاته ..
كيف حالكم انشالله طيبين ... بس حبيت انبه الشباب اللي يروحون للبر هالايام هذي من العقارب والحيايا والدبيب اللي فالبر ... لاني امس سمرت بالبر انا واخوي ولما طلع الصبح لقينا هالحبيب مقاصرنا ...عقرب.. فأرجو من الاخوان مرتادي البر الانتباه للعقارب والدبيب فالبر لاني اعتقد ان هالوقت هذا هو وقت خروجهن

وشكرا لكم

طبعا هنا انا حاطه على كبوت السيارة.. علشان توضح الصوره .. لان جوالي ماااااش

لكن بالنهاية .. تم اطلاق سراحها

[فهد العرجان]

الله يجزاك خير

والحمدلله على سلامتكم منها عزالله ان قرصتها مثل الجمره واقوى

الله يعطيك العافيه

تحياتي

[سيل ريمه]

الله يجزاك خير

[المارد1]

مشكوور على التنبية لكن ليه مادقيت راسها المفروض ماتطلقها الله يكفي شرها ممكن تبلى احدن ثاني

[RaSsAwY]

ليتك ماطلقتها كآن أقل شي قطعت ذنبها الله يكفينا شرها ..

والله يجزاك خير على التنبيه ..

[خالدالزلفي]

الله يجزاك خير

[تحتمس]

مشكوور على التنبية لكن ليه مادقيت راسها المفروض ماتطلقها الله يكفي شرها ممكن تبلى احدن ثاني

صدقت يالمارد .. وسؤالك في محله ومعاك حق ... بس انا والله بيني وبين نفسي ومعاهد نفسي بإذن الله طبعا قبل وبعد ...اني ما اقتل اي حيوان بالبر او اذا قنصت مهما كان هذا الحيوان عقرب حيه حصني اي شي مضر مهو مضر ...ما اقلته دام ما جت منه مضره لي او مضره لأحد غيري ..واصيد على قدي ولا ازيد حتى لو كان الصيد وافر واللي اصيده آكله ولا ارميه ... وهذا العقرب رحمته حيوان ضعيف ..... ... هذا نظامي

وبارك الله فيك يالمارد..ولا يهون اللي يشوفون الموضوع

[بواردي الدلم]

المفروض قتلتيها

لأنها من الفواسق والرسول صلى الله عليه وسلم أمر بقتلها ولك أجر على قتلها

عموما ماقصرتي على الموضوع

[تحتمس]

المفروض قتلتيها

لأنها من الفواسق والرسول صلى الله عليه وسلم أمر بقتلها ولك أجر على قتلها

عموما ماقصرتي على الموضوع

جزاك الله خير يا بواردي الدلم .. بس وشي هذي .. عموما ما قصرتي على الموضوع ...آآآآفاااااا
آآآفاااااا.... ليه يابواردي الدلم ... لا تزعلني منك .... انا تقولي ما قصرتي .. ليه .. وش انا ... هااا
ههههههههههههه ... ادري ادري خطأ مطبعي .. مو مشكله .. انت ما قصرت بالبداية قلت كلام حلو عن الرسول الحبيب عليه الصلاة والسلام
لكن بالنهايه .. خربتها ... جبت فيني العيد

[دقسن]

الله يجزاك خير

[تحتمس]

المفروض قتلتيها

لأنها من الفواسق والرسول صلى الله عليه وسلم أمر بقتلها ولك أجر على قتلها

عموما ماقصرتي على الموضوع

وابي اعرف وش هذي المفروض قتلتيها .... بعد مره ثانيه ..يا بورادي الدلم .. وش سالفتك اليوم ..

يا بورادي الدلم فضحتنا ... خخخخخخخخخخخخخخخخخخخخخ

[عبدالله العلاج]

عافاك الله يالغالي تحتمس
بصراحه التحذير رائع والطرح رائع

وايضا نظامك اللي تكلمت عنه رائع لكن ياعزيزي بغض النظر عن نظامك هناك ظوابط شرعيه لابد من التقيد بها ونحن لم نخلق ونترك لكي يكون لكل شخص نظامه بل بالعكس هناك نظام ديني يقيدنا كلنا وفيه خير لنا وخير لغيرنا

والعقرب نصت الأحاديث النبوية الشريفه انها من الفواسق واينما وجدت تقتل


وقديما قالو شيباننا
ان العقرب مأموره على القرص
اي انها تقرص بسبب وبغيره حتى لو لمتقم بإيذائها
وهي بذلك على النقيض مع الحية التي لاتقرص الا بحال إيذائها



شكرا لك يالغالي
وبصراحه اسمتعت بموضوعك الرائع وتقبل مني كل التحايا واعز التقادير

[حاتم البدراني]

الله يجزاك خير ....تنبيه في محله......وهذا وقتهن

[راعي هدد 2007]

سبحان الله شكلها جميل
سبحان من صورها

[تحتمس]

عافاك الله يالغالي تحتمس
بصراحه التحذير رائع والطرح رائع

وايضا نظامك اللي تكلمت عنه رائع لكن ياعزيزي بغض النظر عن نظامك هناك ظوابط شرعيه لابد من التقيد بها ونحن لم نخلق ونترك لكي يكون لكل شخص نظامه بل بالعكس هناك نظام ديني يقيدنا كلنا وفيه خير لنا وخير لغيرنا

والعقرب نصت الأحاديث النبوية الشريفه انها من الفواسق واينما وجدت تقتل


وقديما قالو شيباننا
ان العقرب مأموره على القرص
اي انها تقرص بسبب وبغيره حتى لو لمتقم بإيذائها
وهي بذلك على النقيض مع الحية التي لاتقرص الا بحال إيذائها



شكرا لك يالغالي
وبصراحه اسمتعت بموضوعك الرائع وتقبل مني كل التحايا واعز التقادير

جزاك الله خير يا مشرفنا العزيز وشكرا على النصيحه الطبيه .. ومقبوله ..انشالله راح اعمل فيها مستقبلا .... بس شوف موضوع بورادي الدلم .. الرد اللي فوق ردك ... هههههه .. دوره لي وينه هو .... جاب العيد فيني