15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 3 من 3

الموضوع: قصايد خالده لشاعرحرب الشاعر بدر الحويفي

  1. #1
    تاريخ التسجيل
    Oct 2009
    الدولة
    الرس رسك لو الدهرمسك
    المشاركات
    394

    قصايد خالده لشاعرحرب الشاعر بدر الحويفي


    الشاعر الكبير
    بدر بن عواد الحويفي
    شاعر متمكن وقوي وصقار
    وله اسلوبه القوي في التعبير
    وكل قصيدة من قصائد بدر ترى
    بها الجزاله وكل بيت من بيوت
    بدر تره به قوة
    وهذي رائعه من روائع
    بدر الحويفي
    احببت ان اشارك بها


    **********
    يامل قلبٍ دق به كل طاري =
    طواريٍ باقصى الضماير تتله

    ***************
    وشفقٍ على شوف الفضا والبراري =
    لاصار معه مشببٍ مسندٍ له

    **************
    خطو ابلجٍ لملاقف الصيد ضاري
    =جدع الضريبة بالسهم عادةٍ له

    *************

    قرم بوجهه للمروه شواري
    = رايه سديد وكل دربٍ يدله
    *********
    ماهو حضيبيٍ مزاجه تجاري
    = ليا عقدت الراي عوّد يفله

    *********
    اول نهارك يعجبك مانت بداري
    = مار البلا تالي نهارك تمله

    *********

    ابمدح الطيب ولاني مداري
    = واللاش لاخايف ولا حاسبٍ له

    **********

    الفرق باللي ياصلون المحاري
    = والا الردي شرهات مثلي تزله

    *********

    ابي خويٍ ضاريس بالمساري
    =ماهو مهينٍ يرقد الليل كله

    ***********
    ومعنا قطاميٍ يصيد الحباري
    = لحّاق لاكوبر له الخرب شله

    **********
    خطو اشقرٍ جثل من الريش عاري
    = افحج مخاليبه سوات الأهله
    ************
    به دق ريشٍ مثل دق الخزاري =-
    مهدف ورا مناكبه مستقله

    ************
    منخر وبوز وفيه عدة مواري
    = يحتار به راع النظر لافطن له

    ************

    ماهو بكفاخ ٍ طفوقٍ ازعاري
    = طلعه حقاق ان شافهن ساوقن له


    لاشافهن متطاولات المذاري
    = عقّد وحق الطلع والسير تله

    ويّحول اللي طار منهن اجباري
    =ذباح للي يوم هد اسجدن له

    يازين طلعه بالضحى والعصاري
    =لامن خشناات الغلب خيشن له

    هذيك منوتي واختياري
    = لو كل من يطلب لزوم يحصله

    ولو ان حظي مع مزاجي يباري
    = سجلت له صفحة وفا بالمجله

    مالي هدف بالسوق بايع وشاري
    = قلبي ذعاذيع الهواء ولعةٍ له

    انا غرامي مع فجوج الصحاري
    = وشوف الرجوم النايفات المطله

    لاشفت بالريضان نقع وخباري
    = راح الزعل والبسط حل بمحله

    بارضٍ بها لصيد عينه واثاري
    = فيها القطا تلقى فروعه محله

    مهامل تردم شجرها الذواري
    = نبني لنا فيها وناسه وفله

    يازين شبة نارنا بالغداري
    = والكيف ابو صالح جلس وارتجله

    والماء مفوح في نظيف الغواري
    = وصفرٍ يجاذبهن على جال مله

    وصاحب لهن تقول ماخذ حذاري
    = وفنجالهن يجلى عن الكبد عله

    واللي على مثلي من الناس زاري
    = لاسامعٍىقوله ولا مصغيٍ له

    وافخر بحبي لصقارة واماري
    = ورزقي على اللي كون الكون كله


    [/poet]

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    تاريخ التسجيل
    Nov 2009
    الدولة
    مشاش السهول
    المشاركات
    3,038

    رد: قصايد خالده لشاعرحرب الشاعر بدر الحويفي

    بيض الله وجهك ولا هنت يابو عضيله وصح لسان بدر الحويفي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    تاريخ التسجيل
    Jun 2007
    المشاركات
    679

    رد: قصايد خالده لشاعرحرب الشاعر بدر الحويفي

    الشاعر بدر الحويفي غني عن التعريف ومن اساطين شعراء النبط من حيث قوة المعنى وجزالة اللفظ ومشكور على هذا الأختيار الموفق لهذه القصيدة الجزله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •