ما شاء الله .. تبارك الله .. لا قوة إلا بالله
يقول الشاعر _ أظنه علي بن صامل _ :
راكب اللي مـا شريتـه للمرابـحما شريتـه غيـر ابلعـن والدينـهان قفيتـه يعجبـك نـور الكوابـحوان نطحته يعجبك وجهـه وعينـهوان عطى الخط المسفلت جاك سابحمثل سبـاحٍ مجهّـز بـ/ أكسجينـهينظم الكيلو مثـل نظـم المسابـحفي يدين اللـي خرزهـا ناظمينـهودي اسري الليل كله لين اصابـحوالقصيـد اردده بيـنـي وبيـنـهواحدٍ ما يملكـه ماهـو بـ/ رابـحواحـدٍ خـالٍ منـه خليـت يدينـه
،،
لكن الحمد لله على كل حال ، ومن الله العوض ، و ما أقول غير ما قال العذب ( خالد بن سعود الكبير ) :
بعض المقادير .. روّافه .. ـــــــ و بعض المقادير .. مكلوفه ..
،،
السلام عليكم و رحمة الله و بركاته ،،
مساكم الله بالخير جميعاً ،،
شيخ النياسين // باترول 2009 // سفاري 1 // لؤلؤي // مصفوط للخوي
ما شاء الله .. تبارك الله .. لا قوة إلا بالله
//
المواصفات :
نيسان باترول أربع أبواب _ سفاري 1 _ مكينة 4800 _ جنوط مقاس 16 _ موديل 2009 _ اللون لؤلؤي _ تانكيين بنزين _ سعودي ( الحمراني ) _ قزاز كهرب بتحكم مركزي _ قفل مركزي _ ريموت أبواب _ مكيفين ( تحكم أمامي و خلفي ) _ قير تبترونك ( عادي / تماتيك ) _ ثلاجة _ ضمان الوكيل الحمراني _ برنامج المساعدة على الطريق لدول مجلس التعاون و سوريا و الأردن و لبنان
//
ما شاء الله .. تبارك الله .. لا قوة إلا بالله
الممشى :
62 ألف كم ( اثنان و ستون ألف كيلو متر و كسور )
//
ما شاء الله .. تبارك الله .. لا قوة إلا بالله
الإضافات :
- فتحة سقف بانورامية ألمانية مكونة من قطعتين بثلاث وضعيات حركة ، مع ضمان لمدة عشر سنوات ضد أي مشكلة " مؤسسة السلام " ( 4200 ريال ) .
- تخشيب لؤلؤي بلون الموتر " ورشة السوسي " ( 1000 ريال ) .
- تغيير الداخلية كاملة ( العوارض مع السقف ) إلى اللون الأسود بتطعيمات بيضاء " زاهي الألوان " ( 1200 ريال ) .
- رش الشبك و مقابض الأبواب الأربعة و دقن الصدام الأمامي و المرايا الجانبية باللون الأسود المطفي ، وكانت نيكل شد بلد " تصميم رياضي " " ورشة السوسي " ( 1500 ريال ) .
- جلد بارد بلونين أسود/أبيض ، بتصميم رياضي " العذار " ( 600 ريال ) .
- أرضية بلاستيك 5 ملم " العذار " ( 300 ريال ) .
- فرارات برازيلية " السليماني " ( 550 ريال ) .
- حامل جركل خلفي " العليان " ( 250 ريال ) .
- هوك خلفي أسود " العليان " ( 100 ريال ) .
- يايات استرالية أمام مقاس صغير ، و خلف مقاس وسط " الرماية " ( 1250 ريال ) .
- قفل استبنه أصلي وكالة " الحمراني " ( 450 ريال ) .
المجموع : 11400 ريال ( تعديل شخصي ) ..
ملاحظة مهمة :
جميع الإضافات أعلاه عملتها في أفضل المراكز بالرياض ، أما الفتحة في أشهر مركز في المملكة "مؤسسة السلام" ( بحكم خبرتي الممتدة ولله الحمد لـ عشر سنوات في مجال زينة السيارات ) ..
//
ما شاء الله .. تبارك الله .. لا قوة إلا بالله
حالة الموتر :
مشترى الموتر بشهر 1 / 1430 هـ ، بمبلغ 140 ألف ريال ( أيام عزه ) ..
وكالة ما شاء الله تبارك الله ( بـ اسمي ) .. استخدام شخصي واحد .. الموتر استخدام حشمة ، وما تعاقبت عليه الايادي ..
تشييكات الوكالة ( الحمراني ) : 5 ، 10 ، 15 ، 20 ، 30 ، 40 ألف كيلو .. بعد ذلك تكملة التشييك و تغيير ما يلزم كل خمسة آلاف لدى مراكز بترومين المتخصصة ( الباكج الفضي ) ..
آخر تشييك شامل ( الباكج الذهبي لدى مركز بترومين : تغيير زيت + فتلر + تشييك على جميع السوائل من إلى ، دفرنس ، دبل ، قير ، مكينة ، رديتر ، قربة ) ..
الكفرات شبه جديدة ( كفرات الوكالة شد البلد ) و الاستبنه جديدة وكالة ، لأني أول ما شريت الموتر ركبت جنوط وكفرات 17 ( جنوط السوبر سفاري ) ، و تم تخزين كفرات الوكالة مع الاستبنه داخل البيت في مكان مناسب ..
لا صدوم .. لا تعديل .. لا ترهيم .. لا جور .. لا مراقى .. لا سحب .. لا مقاوم .. والموتر ينصفط ورب الكعبة ، على الشرط من إلى ..
الفحص ساري حتى 10 / 1 / 1433 هـ ..
//
الصور ( لا تنسَ ذكر الله ، بارك الله فيك ) :
في الرد التالي بإذن الله .. لا تقطع الموضوع من فضلك ..
//
ما شاء الله .. تبارك الله .. لا قوة إلا بالله
ملاحظات :
- دقة حصاة صغيرة كبر أنملة الاصبع في الزجاجة الأمامية ، وليست من النوع المتشعر .
- التأمين منتهي بتاريخ 1 / 1431 هـ ( ما انتبهت له والله إلى ألحين ) .
يجوز فحص الموتر من قبل المشتري في أي مكان يرغبه ( الوكالة ، البريدي ، كارتك ، الغروب ، إلخ ..... )
//
ما شاء الله .. تبارك الله .. لا قوة إلا بالله
سبب البيع :
الحاجة للسيولة من دون سلف .. ولا من مثل شرواه ورب الكعبة ما يفرط به .. ولا عليه منقود ..
//
الله يبارك للمشتري مقدماً ، و يرزقه بركته .. و الله يعوضني بالخير .. و أنا الحمد لله ما جزمت بالبيعة إلا وخاطري طايب مرة ، و راضي بالمقسوم ..
للجادين :
إرسال أرقامهم لي على الخاص أو العام ، أما السوم فهو على شوف الجميع ..
وقفت على أخو موتري بس جديد أصفار قبل أسبوعين تقريباً بمعرض الوديعة بالنسيم ( 135 ألف ريال _ ما زال ماسك سعره ما شاء الله ) ، والموتر منقطع تقريبا خصوصا اللؤلؤي ، عشان اللي بيسوم يعرف يقدر و ما يجي مطفي النور ..
واللي بيشطف السوق يشوف المواتر و أقيامهن و هن بحالة يرثى لها ، ولا حول ولا قوة إلا بالله من الغش اللي يصير عينك عينك ، والخافي أعظم !!
الموقع : الرياض
وفق الله الجميع لما يحبه و يرضاه .. نقبل الدردشة من الصاملين ، ولا أحد يتفلسف بالسوم لأني باخص السوق ، والنظيف يفرض نفسه ..
اسمحوا و أبسمح و يسمح أمرنا ..
يقول الرسول صلى الله عليه و سلم :
( رحم الله رجلاً ، سمحاً إذا باع ، و إذا اشترى ، وإذا اقتضى ) رواه البخاري
محبكم : أبو ترف
//