من قصائد بندر بن سرور في السيارات

[ما شي للبر]

بندر بن سرور
الشاعر بندر بن سرور من شعراء عتيبة وهو من عشاق السفر والرحلات وكان رحمه الله محبوب ومن شدة الاعجاب من قصايده لقب بمتنبي الزمان هذا
كفو والله يا بندر


والكثير من الشعراء يقولون القصايد بالشي المحبب لهم وبندر ماقصر مع السيارات


××××××××××××××××××××

وكانت سيارته هي من طراز فورد فكتب هذه الابيات في مدح سيارته وكذلك كتب ابيات آخرى في السيارات بشكل عام

يا اهل الونيت إللي يبا مشتل البيب ........ ما دق صدره بالخطوط الغزيره

يوم يتخثع في محير الاداعــــــــيب ........ يشدي تخثع جادل في حــــريره

لا تجربونه ما يبا الفرت تجريـــب ........ قد جربه بالبيت الأبــيض خبيره

××××××××××××××××××××

ويستخدم بندر وصف السيارات مدخلاً للمدح وبشكل يمهد لموضوعه بطريقة مبدعة كما يتضح في القصيدة في مدح الشيخ زايد بن سلطان آل نهيان

يا راكب من فوق زين المداقـــــــــــير ....... قطع الحديد اللي عريض مقاسـه

عليه من ديوان زايد فواتــــــــــــــــير ....... مرهق سلاطين الدول بالسياسـه

اللي بحكمه طور الشرق تطويـــــــــر ....... وابن الخليج النيم طير نعاســـــه

ما عارضوه الشرطة اللي على السير ....... حيث رقمه دارسينه دراســـــــــه

يوم ابتدى اللازم كفخ كفخة الطيــــــــر ....... واقفى يبا ألي منقع الطيب ساسه

××××××××××××××××××××

وكذلك يذكر شاعرنا العلاقة التي بينه وبين سيارته السيارة في الزمن الحالي مثل الفرس في الماضي فلهذا شاعرنا يغلي سيارته ولا يفرط بها ويمدحها في نظمه لأبياته

يا أهل الونيت إلي على مدقره ميم ....... نقل الرياض الخط ما توصلونه

صناعته مخطين ملة أبراهـــــــيم ....... حمران روم لونهم مثل لونـــــه

ما رهموا له بالكراجات ترهــــيم ....... ولا طلعوا كبريتره ينفخونـــــــه

والله لو امسك طارته يالمغانيــم ....... ما عاد أقلد دولة يصنوعــــــــــه

××××××××××××××××××××

وفي هذه الأبيات يرى بندر أن السيارة كالفنجال الذي يعد لمن يستحقه فقط ، ومنها قوله هذه الأبيات ولنرا روعة التصوير فيها

الله على ألي يوم يفتل عمـــــــــــــوده ....... يطلع ثرى أرض بعد القيض ماها

ليا أونس ثقيل الترس يرسي عضوده ....... شيهانة ترخي الالمتون لعشـــاها

عده على ألي ما يدرهم قعـــــــــــوده ....... من صار زيزوم المشاكل حماهـــا

××××××××××××××××××××

طبعا كل شي له معاناته وصعوباته وبندر ما سلم منهن

يوم جرى لي بالبسيطاتواعيــــــــــس ....... بالسهلة اللي مثل لبة منيـــــرة

عياحلال القوم لايشتغل ريـــــــس ....... والماخلص والموت قرب نذيــــره

ماني وانابندربهيس ولدهيـــــــــــس ....... هيس يدنع عند حرمة قصيــــرة

الى بغيت اجلس ترى لي مجاليـــس ....... والى بغيت انهج دروبي عسيــــرة

××××××××××××××××××××

مقطتفات شعرية لبندر في السيارات

[miokly]

مساك الله بالخيرات والمسرات

هلا اخوى ماشى للبر خذنى معك لاتخلينى

تحية طيبه

اسعد الله اوقات مثل ما اسعدت صدر اخوك واكيد باقى الربع اللى لهم رغبة فى الشعر تسلم ويرحم الله القائل

كذا ولا فلا

باى

[ما شي للبر]

مسكور اخوي ماوكلي



والله مدري وش اقولك انت الوحيد الي يشجعني في المنتدي



اما الباقين انا زعلان عليهم

[أيمن]

وش دعوى ............... طيب وهذا

[بدوي متحضري]

الله يرحم القايل ويسعد الناقل00
ولا تزعل علي ترا توني مشترك بهالمنتدى مالي إلا خمس دقايق وأبشر بسعدك وكثر من قصايد بندر الله يرحمه ويتجاوز عنا وعنه 00 وعندي قريب يحفظ من قصايده الشيء الكثير بس انه مسافر الآن وإذا جاء لا والله أبزنطه اللين يجيب اللي عنده