مجنونة فوجي الجديده FinePix HS10 .. تقرير كامل

[أشبيليه]

بسم الله الرحمن الرحيم

الكاميرا تووها نازلها 2010 ... اذهلتني امكانياتها طبعا
فقلت تستاهل تقرير محترم الصراحه

بسمه نبدأ

المواصفات الرئيسيه :

* 10 ميجا بيكسل وهذا خلاني اقول ادائها راح يكون مميز ومو رافعين البيكسلات

* تصور بصيغة الJPG والRAW والاثنين معا

* زوم مجنون 30X ... يعادل 24-720مم .. مع تحكم يدوي به

* تصوير بانوراما

* تصوير متتابع بسرعة 10فريم بالثانيه وهذا رقم روعه

* تصوير فيديو Full HD 30 ب30فريم وهذا رقم حلو مع صوت ستيريو

* مخرج HDMI

بعدين الحفله لسه ماجت كمواصفات اخرى

وهذا انا اقول

اول شي الزوم وقوته 30X

يعطي تقريب

التصوير المتتابع 7 صور بسرعة 10 فريمات بالثانيه

مود او وضع اسمه (( افضل لقطه ))

وهذا الوضع لمن تحطه .. يسمحلك انك تضغط نص ضغطه على الغالق او الشتر وتنتظر اللحظه اللي انت منتظرها تضغط ضغطه كامله
تقول الكاميرا تصور لحظة التصوير وبنفس الوقت 7 صور تسبق الصوره اللي صورتها .. عشان ماتفوت ولا ثانيه من الشي المنتظر وهذي ميزه فلله

خاصية سوبر هاي سبيد موفي ... يعني تصوير فائق السرعه فيديوي ..
وهذي تسمحلك تاخذ لقطه فيديو بسرعة تصل الى 1000 فريم تخيل عشان تثبت اي حركه بكل اريحيه

تصوير بانورامي زي اللي موجود بالسوني

خاصية ازالة الحركه ... برضو حركه اليمه
هذي تسمحلك تاخذ 5 صور للشي اللي تبي تصوره وماتبي الناس اللي موجوده تطلع ... تقوم الكام تحلل ال5 صور وتزيل الناس اللي موجوده بكل بساطه بس تعطيك صوره بحجم 2 ميجا بيكسل .. برضو حلو

خاصيه اللليييمه ثانيه .. صوره متعددة الحركه
بكل بساطه على هذا الوضع .. تضغط زر تصوير او الشتر والكام راح ياخذ برضو 5 صور ويدمجهم ويطلع الناتج صوره كذا

من جد فله

في وضع اسمه وضع الاناره المنخفظه الاحترافي
وهذا الوصع تصور فيه مبنى او اي شي ثابت بالليل .. تقوم الكاميرا تصور 4 صور بايزو مرتفع وتدمج ال4 مع بعض ويصير عندك صوره ايوزو عالي بنويز معدوم زي الكاميرات الاحترافيه

مانع اهتزاز عالي الدقه يمنع البلر او الاهتزاز بالصوره

فوكس تعقب اوتوماتيكي ... يعني حاجه متحركه تضغط نص ضغطه على الشي تقوم الكاميرا تقفل على الشي المراد تصوير .. ويصير الفوكس ثابت مهما تحرك الانسان او الحيوان اللي قاعد يتصور بدون اعادة البحث عنه

وضع اسمه الزوم التعقبي .. وهذا يخليك لمن تاخذ صوره لشي بعيد .. بضغطه وحده يعطيك صوره بالبعد اللي انت حطيته واثنين بتكبير اكبر

زوم محدد ... يعني تبي تصور كلب معدي من قدامك .. الكاميرات الثانيه اول مايصير الكلب بالشاشه وتضغط عشان تصور .. راح يكون الكلب نصه عدى .. وتاخذ صوره من ورا ... اما هنا بضغطه وحده .. راح تتعقب الشي اللي معدي واول مايصير داخل فريم الشاشه ترك .. اخذت صوره صحيحه

وضع ازارير التحكم كامله كل زر على حدى لتسهيل التصوير مشابه للموجود بالكاميرات الاحترافيه

شاشه 3 بوصه .. متحركه

واخر شي ... سعر الرائعه هذي بأمازون هو 1850 ريال تقريبا
وهو سعر ال حلو

يبقى عاد نتائج التصوير لسه مانزلت لها .. وهذا ماسيحدد مقدار قدرتها

منقول

[نفود حائل]

مشكور اخوي
وبارك الله فيك

بصراحة مواصفات عالية جدا
وشرح رائع

وانا ناويلي على كمرا اما نيكون او كانون

وشكلي هونت بعد هالمواصفات الرائعة

بس اهم شي الجودة تكون عالية

يعني لازم احد جربها

[الضاحي]

تقرير اكثر من رائع من شخص اروع

بارك الله فيك يا غالي

[الربذي]

انا طالبها ان شاء الله توصل بعد 4-7 ايامواجربها ان شاء الله طبعا هي فعلا رائعة تصوير فيديو اوضح كميرة صنعت حتى الان والاخرى الزوم عالي

[رحال 6465]

يعطيك العافية
على المعلومات المفيدة
تحياتي

[سعد777]

والله اني سعابيلي قطرت عنده بس
الأهم
جودتها تبقى كما هي
وصناعتها وش هي

وغيره

[عبدالله العلاج]

الله مواصفات رائعه ويكفي انها شبه احترافيه وتصور راو

ترى هذي صفه تفرق فيها عن الكاميرات الثانيه بالشيء الكثير


الراو يرجح كفة اي كاميرا



عافاك الله يالغالي على التقرير الرائع

[رسّام]

ممتاز جداً

كيف نشتريها هذي وين نحصلها ؟

[نفود حائل]

انا طالبها ان شاء الله توصل بعد 4-7 ايامواجربها ان شاء الله طبعا هي فعلا رائعة تصوير فيديو اوضح كميرة صنعت حتى الان والاخرى الزوم عالي

اخي الربذي اذا وصلتك الكمرا ارجو منك انك تنزل صور لها

مباشرة وتعطينا انطباعك عنها

[بحيران]

جزاك الله خير على كذا هونت كنت ناوي على نيكون بس الكام هاذي قويه وسعرها بالمعقول

[الربذي]

اخي الربذي اذا وصلتك الكمرا ارجو منك انك تنزل صور لها

مباشرة وتعطينا انطباعك عنها

ابشر لكن صاحبها ماارسلها بالرغم اني كلمت عليه اكثر من مره والى الان امارسلها وانا مشتريها منه قبل ليلتين!!!!!

[الحيا]

مرحبا ً أخواني .. أسعد الله مسااااائكم بكل خييييير..

أنا قبل كم يوم بغيت أشتري Nikon P100 لاكن بعد البحث بالمنتديات وجدت هذه FinePix HS10 ووجدت كثير من الأشخاص يمدح في مواصفاتها و البعض يقول أنه أفضل من الــP100 لاكن حتى الأن لم يظهر شئ حاسم مع العلم أن FinePix HS10 قليل من هم جربوها ولسى نازلة...

على العموم الكاميراتين قريبتين بالمواصفات, لاكن تبقى الجودة و الثبات و الدقة..
أرجو من هوامير الكاميرات ولا يهون أخوي صاحب الموضوع أشبيلية أن يبينوا لنا أي من هذه الكاميراتين تستحق الإقتناء:
من حيث الألون, الثبات, التحمل, جودة و نقاء الصورة, تصوييييير الفيديو, الزوووم, البطارية, التصوير الليلي..

من ناحيتي أنا من عشاق Nikon كانت ومازالت عندي coolpix p4 لها حوالي خمس سنوات كل سنة تقول هذي السنة أبكون أفضل من الي قبل, كاميرة أكثر من رائعة..

على العموم شكرا ً للجميع, ودمتم بخيييير.

[الربذي]

مرحبا ً أخواني .. أسعد الله مسااااائكم بكل خييييير..

أنا قبل كم يوم بغيت أشتري Nikon P100 لاكن بعد البحث بالمنتديات وجدت هذه FinePix HS10 ووجدت كثير من الأشخاص يمدح في مواصفاتها و البعض يقول أنه أفضل من الــP100 لاكن حتى الأن لم يظهر شئ حاسم مع العلم أن FinePix HS10 قليل من هم جربوها ولسى نازلة...

على العموم الكاميراتين قريبتين بالمواصفات, لاكن تبقى الجودة و الثبات و الدقة..
أرجو من هوامير الكاميرات ولا يهون أخوي صاحب الموضوع أشبيلية أن يبينوا لنا أي من هذه الكاميراتين تستحق الإقتناء:
من حيث الألون, الثبات, التحمل, جودة و نقاء الصورة, تصوييييير الفيديو, الزوووم, البطارية, التصوير الليلي..

من ناحيتي أنا من عشاق Nikon كانت ومازالت عندي coolpix p4 لها حوالي خمس سنوات كل سنة تقول هذي السنة أبكون أفضل من الي قبل, كاميرة أكثر من رائعة..

على العموم شكرا ً للجميع, ودمتم بخيييير.

اخوي مميزات فوجي افضل سرعة التعريض والشتر ضعف النيكون سرعة الغالق في نيكون الفين جزء من الثانيه في فوجي 4000 جزء من الثانيه التعريض الى 30 ثانيه بينما في نيكون 15

والافضل تصوير الراو متوفر في فوجي

[سعد777]

يا اخوان وش معنى الراوى
مهامه وش هي

متى يتطلب التصوير به

[الربذي]

يا اخوان وش معنى الراوى
مهامه وش هي

متى يتطلب التصوير به

اخوي الغالي سعد 777 الراو ماهو بالسهو لة التي تتوقعها الـ RAW هو ملف غير مضغوط مثل JPG ولم يتم اختيار توازن اللون الأبيض WB له أو ما يسمى نوع الإضاءة ببعض الكاميرات ، و لم يتم ضبط خيارات الكاميرا به من حدة مثلا و تشبع لوني و مهما عدلت ملف الJPG فلن تحصل على نتيجة الـ RAW أيضا ملف الـ RAW إن تمت معاملته معاملة مماثلة لما كان يمكن أن تفعله بكاميرتك فتحصل تقريبا على نفس الصورة التي حصلت عليها بالـ JPG وذلك باختيار نفس الخيارات التي كان ينبغي عليك اختيارها و لكن عند التعامل مع الـ RAW بالفوتوشوب يعطيه ذلك بعدا آخر لقوة التحكم لدى الفوتوشوب التي تطلق القوى الخفية لملف الـ RAW و تذكر ملف الـ RAW يمكنه صناعة عدد كبير من صور JPG أو Tiff المختلفة و لا يمكن لملف JPG أو Tiff فعل مثل ذلك أبدا
بمعنى انك تتحكم بالصور من تعديل وخلافه بخيارات لاتتوفر بكميرا لايوجد بها راو وليس انك صورت بصيغت الراو خلاص الصورة صارت خيال يعني مفيد لمحبي التعديل وتطلع صور صافية جدا واللوان خيال ساحرة ولكن لابد من وجود برامج لتعامل نعه