@@@ هل شاهدتم الثلوج التي هطلت على الرياض عام 1392 هـ @@@

[غيم]

سمعت من بعض كبار السن أنه في عام 1392 هـ هطلت ثلوج على مدينة الرياض لمدة ليله كاملة ( ثلج وليس برد ) .. وطبعا ما اذكرها لأن عمري كان سنتين في وقتها ...!!!

ويقال أن تلك السنة كانت من ابرد السنوات اللي مرت على المملكة حيث بلغت اقل درجة حرارة في الرياض تقريبا 7 درجات تحت الصفر وفي القريات بلغت درجة الحرارة 13 تحت الصفر ..

فيا شباب اللي عنده أي معلومات اضافية عن تلك السنة او عنده صور او اي شي عن هذه الحالة فلا يبخل بها علينا لأن هذي من الأشياء النادرة اللي حصلت في المملكة ...

ومشكورين مقدما ً ....

[رسلان]

سبحان الله ... ثلوج !!!
خبر غريب فعلا ولم أسمع به من قبل ....
ياليت واحد من الاخوان يفيدنا عن الحادثة ......

[حـــادي]

فعلاً سألت الوالدة وقالت حصل هذا عام 92م واستمرت ليلة كاملة نأمل ممن عنده زيادة معلومات ان لا يبخل .

[الوهاج]

سمعت مثل ماتقول واكيد انه حصل
تحياتي،،
الوهاج

[خالد العوض]

حصل غرب القصيم في عام 1407 وكان ثلج خفيف يسمونه ابو قطيفه عندنا نعم على جبال السليل واذكر اني مصور الحدث والله اني دور الصوره بس مالقيته

[نقا هشال]

سبحان الله معلومه جديده

ياليت يفيدونا شيابنا الاعزاء :d

[أبــوريـــان]

فعلا اخي غيم حدث ماتقول ويذكرونة الشيبان
لكن ابي اقولك عن الي صار لنا في بريدة كوني من بريدة
هذا طال عمرك سنه من السنين جا القصيم برد يقص العظام
وتفجرت مواصير الماء من شدة البرد ويقولي الوالد انه يوم راح للمزرعة
لقا حوض الماء حق الغنم ونت بكرامة جامد الساعة 12 الظهر.
والعصافير واليمام ميتة على الارض من شدة البرد
ومات كل الحمام الي عندنا في المزرعة
وبلغة درجة الحرارة 7تحت الصفر ووصلت 10 تحت الصفر
وكان الوالد يميع الماء حق الديتر حق السيارة لنه كان جامد
وكان النشرة الجوية يقولون ان حائل 7 تحت الصفر وهي في الحقيقة
14 تحت الصفر وهل حائل يشهدون
لاويقولون ان بريدة 1او2 تحت الصفر وهي في الحقيقة 7 او 10 تحت الصفر

تحياتي ابوريان

[الرمح]

الاخ غيم
نعم فقد شاهد الثلج ينزل في الرياض ولكن يذوب عند ملامستة الارض فقد كنت خارجا من المدرسة المتوسطة حوالي الساعة الحادية عشر
( مستأذن طبعا) في شارع الجامعة بالقرب من مصنع كندادراي ولم يكن بالغزير ولم تتغير الارض او تبيض ولكن التاريخ لست متأكد هل هو في عام 92 او 91

[شاهد عيان]

ما شاء الله تبارك الله

في عام 91 هذا يوم ميلادي ....

[sky2]

نعم صحيح وحصل هذا عام 92 هـ الموافق 72 ميلادي ، واذكره جيدا واستمر حتى الساعة 11 صباحا وكان بالفعل ينزل وعندما يلامس الارض يذوب ، وكنت اشوفة صباحا من خلال شباك الفصل حيث كنت في السنه الثانية متوسط ، وكانت تلك السنه مطيره وباردة ، ليت هاك الايام ترجع يا زينها .

[أسامة يبرود]

اذا كا ن التاريخ 72 ميلادي صحيح فتوقع عودة هذه الظاهره شتاء عام 2005 -- 2006 انشاء الله
لأنني قرأت من كتابات عالم الانواء (السيد العجيري ) في الكويت ان الدوره المناخيه تتكرر كل ثلاث وثلاثين عام تقريبا
وهناك دراسات علميه تؤيد هذا الرأي من تكرار الظواهر المناخيه في دوراة زمنيه محدده بين 30 و35 عام والله تعالى أعلم

[غيم]

الإخوة

رسلان

حـــادي

الوهاج

خالد العوض

نقا هشال

أبــوريـــان

الرمح

شاهد عيان

sky2

أسامة يبرود

اشكر لكم مروركم .. وتعليقاتكم ..

ولازلنا ننتظر معلومات أكثر عن الموضوع .. مثلاً في اي وقت من السنة حصل ذلك في المربعانية او الشبط
وكم استمر وهو ينزل .. لأني كنت اعتقد انه استمر ليلة كاملة ولكن صحح لي بعض الإخوة انه بدأ بالنزول وقت الضحى ..
واذا كان احد يعرف التاريخ بالضبط .. لايبخل علينا ..

[غيم]

الاخ غيم
نعم فقد شاهد الثلج ينزل في الرياض ولكن يذوب عند ملامستة الارض فقد كنت خارجا من المدرسة المتوسطة حوالي الساعة الحادية عشر
( مستأذن طبعا) في شارع الجامعة بالقرب من مصنع كندادراي ولم يكن بالغزير ولم تتغير الارض او تبيض ولكن التاريخ لست متأكد هل هو في عام 92 او 91

حياك الله اخوي الرمح .. ولو اني اشك انك مستأذن .. شكلك شفت الجو والغيوم ذاك اليوم وقلت بلاش مدرسة ...هههههههه !!

وعلى طاري مصنع كندا دراي شف هالصورة قبل 45 سنة للمصنع .. ولازال المبنى موجود حتى الآن ولكنه مهجور ..

[الرمح]

الاخ غيم
حلوة الصورة
اما مستأذن كثر منها

[ريف النشاما]

مشاء الله عليكم

أثر الشيبان واجد عندنا

يالله حيهم

وينك ياريع تكمل الصفه

إلا والله صرت صغيرور وانا أحسبني عود


بعدين ياخوي غيم وش هالصوره والله ياهي حلوه

تصدق مرات عده أمر هذا المبنى وأتعجب منه وأقول الله وين أيام العز بتاعك

أثره هذا هو


أما أنا وربعي عام 1450 نعلمكم بعلوم الثلج

تحيتي