على كم يفصل الباترول

[الأسير]

مساء الخير

عندي سؤال عن فصلة الباترول من موديل 1998 - 2001 قير تماتيك خليجي




على كم يفصل و هل فيه ضرر لو سويت له برمجه والغيت الفصلة

[ناصح]

وين تبي تطير تراه جيب حق بر و تطعيس ما صمموة للسرعه و اذا تبي سياره للسرعه اشتر كورفت و شلك بالجيب.

ترا الجيب بعد سرعه 140 مافيه امان خصوصا الجيوب حقت البر لا يجي واحد مطفي النور و يقولي رنج ولا كايين هذولي سيارات مدينة مو جيوب للبر.

بيض الله وجهك كلام سليم

[فهد فرحان]

وين تبي تطير تراه جيب حق بر و تطعيس ما صمموة للسرعه و اذا تبي سياره للسرعه اشتر كورفت و شلك بالجيب.

ترا الجيب بعد سرعه 140 مافيه امان خصوصا الجيوب حقت البر لا يجي واحد مطفي النور و يقولي رنج ولا كايين هذولي سيارات مدينة مو جيوب للبر.

كلامك عين العقل

كفيت ووفيت
واتمنى من الاخ صاحب الموضوع
يتبع نصيحتك وياخذها بمحمل الجد

الحديد اكل البشر اكل
يالله حسن الخاتمه

[سقم المعادي 1]

الركاده زينه وانا اخوك





هذا اللي جنينا من السرعه فقدنا احباب و غالين ...
ولا اتوقع ان ودك صوره موترك تكون من بين هالصور لتكون عبره لغيرك ( الله لا يقوله )

السعيد من اتعض بغيره ..

الله يكفينا وياكم الشر

[التمسساح]

بغض النظر عن موضوع خطر السرعه انا كان معاي باترول. بخاخ ٩٩ واكثر من مره مشيت عليه ١٨٠ و٢٠٠ وما تذكر انه فصل طبعا قير عادي والله يكفيني ويكفيك ويكفي الجميع خطر السرعه وشر السيارات

[sgl2002]

الباترول كنت احسبه مايفصل الين دزيته مع نزلة القدية مديل ٩٨ بخاخ


فصل تحت ال٢٠٠ يعني حول ٢٢٠ واخرها اليوم

[التمسساح]

الباترول كنت احسبه مايفصل الين دزيته مع نزلة القدية مديل 98 بخاخ


فصل تحت ال200 يعني حول 220 واخرها اليوم

لولا النزله لو انه خط معتدل او فيه ريحة طلوع كان ماتعدا ال 90 بس الباترول في النزول خذ ولد

[راعي المجهم]

تبغا تعرف على كم يفصل

قم بزيارة لاي مستشفى حكومي قسم العظام

او قسم المعاقين او زر اقرب مقبرة

وتعرف الاجابة بنفسك

[برق السر]

الجيب مخصص للبر وليس لسرعه

واللي يسرع علي جيب في نظري منتحر

والله يحفظنا وياكم من شر الحديد

[sgl2002]

لولا النزله لو انه خط معتدل او فيه ريحة طلوع كان ماتعدا ال 90 بس الباترول في النزول خذ ولد

صدقت على الخط المستوي 180 اذا هوا

واذا الجو معتدل يروح 200


بس ماينلام من دلاخة الشركة وزنه وش كبره وحاطينه 12 بلف