لاندكروزر صيني 2010

[درب الصحراء]

حسبي الله ونعم اوكيل

يا ولد الله يخسف باصين لعبت بالجوده الصناعيه بالعالم

على فكره كل الشركات العالمية لها مصانع في الصين وبنفس الجودة

لكن تجار هذا البلد مايجيبون الا الاستوكات الي لم تقبل في الدول الاوروبية

والشي الثاني الصينين يصنعون لك على قد فلوسك

يعني تبي جودة ادفع اكثر

والعيب في تجارنا مهوب فيهم

[جبال العارض]

وصلتني هذه الرسالة التي تفيد بان الكامري 2007 هي ثمرة اتفاق بين عبداللطيف جميل وشركة تويوتا في اليابان على ان تباع سيارة ((ألتيس - ديهاتسو)) على انها كامري 2007 علما بان الكامري 2007 اللي عندنا تباع في اليابان على انها ديهاتسون (ألتيس) وهذا اثبات من موقع ديهاتسو الرابط :-

http://www.batfa.com/newcar-daihatsualtis.htm

يقلون ان كامري اصلها ديهاتسو لكن تويوتا فقط وضعت العلامه الخاصه بها

وإسمها الحقيقي ALTIS


...وهذا اثبات اخر بالصور :-
ياناس خش حتى في ارواح المسلمين
هذا الي عندنا نسميها(( كماري تحت اوامري ))
وفي الاصل هي ديهاتسو

وهذه الكامري الحقيقة فرق السمى عن الارض
حتى في المواصفات الداخليه ومواصفات السلامه الخاصه بركاب




مشاء الله عليها كأنها خلفية اوريون



اكيد الحين عرفتوها .........!!

الاوريون اللي تنباع عندنا تنباع في الصين على انها كامري
والكامري حقتنا تنباع على انها الديهاتسو LTS

الشركة لها مخططات تسويق السيارات

*************************************

مثلا اليابان ما فيها شيء اسمه(( لكزس ))كل اللي عندهم تويوتا بس

اعطيك مثال

جيب اللكزس ار اكس 350 الي عندنا تلقى راعيه في الاشاره مايشوفك شي
خاصة اذا عندك كابرس قديم كأن راعيه راكب طياره وفي
النهايه شوفو تايوتا بس مومن نوع لكزز
ههههههههههههههههههههههههاااااااااااااااااااااااااا ااااااااىء



عندهم في اليابان يسمونه تويوتا هايير

وقس على باقي الشركات اللي يلعبون علينا بالأشكال والموديلات

ما فيه مشكلة ابدا في تبديل انواع السيارات وشعاراتها
لتتماشى مع الاسواق مع عدم التغير في الجودة

ادري انها صدمه للبعض لكن وسع صدرك مو اول
ولا اخر مرة ينضحك علينا فيه

فنحن دائما وابدا مدعاة لضحك والسخريه ....ولله الحمد

[التعـ King ـديل]

الله المستعان صيني وب 250 الف

والباترول ياباني ب 240 يقولون مايستاهل

مع العلم فرق بالصناعه والمحركات

[مستر فورد]

الله يستر
الامريكي اجود واحسن
مثل الفورد اكسبلور امريكي اصلي
شوف الحديد والمركب
وعندك المستبيشي يباني اصلي
وتقبلوا تحياتي

[دل البحار]

حلو جدا وسعره مغري جدا بدال ما تطق 200 الف
60 الف تفي بالغرض وراس مالها غير المكينه والجيربوكس اصلي ياباني
مشكور على العرض

[قناص 606]

يا ربع انا شاري وين القاه فيه

[صالح211]

ابعطيك100 الف وجبي لي واحد والباقي لك

[الأول دائما]

انا بأستفيد من موضوعك وبأحط الكلام اللي بأنقله للناس في ذمتك ,,,,

ومشكور يالغلا وكافش اللاند ,,,

هع هع قال صيني علشان الكتابات اللي فالشاشه ,.,.,., اجل علمني وش هي الحروف اليابانيه يافهامه

والسلام ..

[ساري 111]

عطني اثبات ان هذا يصنع في الصين ..

اذا اثباتك الكتابه الموجوده بالطبلون والشاشه اجل ليش مانقول ان الجمس صناعه سعوديه لان شاشات الطبلون مكتوبه بالعربي ؟؟

والدليل الثاني اللي انت جايبه الشرح على بعض الاجهزه بالصيني .. على كذا الصنين اذا شافو الشرح بمنتديتنا بالعربي على الصور يبي يقولون ياااساتر الاند يصنع بالسعوديه :d

هذا يالفاهم ..
وارد الصين من اليابان مهب تصنيع الصين
مثل وارد الخليج من اليابان
ومثل وارد اليمن

... الخ

فهمت ياأخي ؟؟

وعلى شهاده الربع رح لصين وجبه لي واشريه منك بـ 150

السواليف والخرط الفاضي واللي مايستند الى دليل كلن يعرف له

[بعيد الهقاوي6]

هذي مصيبه ادفع 250 الف على صيني مثله مثل دير الصيني


حسبنا الله ونعم الوكيل

[أبوغيث 2003]

ما أتوقع الكلام هذا صحيح

لو كذا كان الواحد يستوردهـ من برى أوفر لهـ

والسيارات الصينية معروفة ماتعيش مثل الدير وتاتا تقعد سنتين وبالكثير ثلاث ثم تخبط

[GS5]

يلومونن بنيسان , ياباني 100%
و jeep بعد , امريكي 100%

[ابوعقل]

حسبي الله ونعم اوكيل

يا ولد الله يخسف باصين لعبت بالجوده الصناعيه بالعالم

ما لك حق تدعي على الجوده الصينيه

انت جربت بنفسك وجبت بضاعه من الصين ؟؟؟؟

اكيد لا

لانك لو تشوف بعض التاجار السعوديين اللي يروحون للمصانع وش يقولون

للمصنع نبي مثل هذي القطعه بأقل تكلفه

يجيك المصنع يعدم الجوده وتجي هنا ماتقعد اسبوع وتخرب

والعتب على الموصفات والمقاييس لان الرقابه عندهم صفر .

بس شف الصناعه الصينيه اللي تروح لبريطانيا

والله

اني جايب اغرض صناعه صينيه من لندن قبل 3 سنوات

الا يومك تشتغل

[ابوعقل]

على فكره كل الشركات العالمية لها مصانع في الصين وبنفس الجودة

لكن تجار هذا البلد مايجيبون الا الاستوكات الي لم تقبل في الدول الاوروبية

والشي الثاني الصينين يصنعون لك على قد فلوسك

يعني تبي جودة ادفع اكثر

والعيب في تجارنا مهوب فيهم

يلوموني بالناس اللي فاهمه تجار السعوديه

هذا الكلام الصحيح

[الحيا]

إذن واااااااارد الصين
ماهو صناعة الصين
عاااادي
...
لاكن السسسسسسسسسعر!!!