لاندكروزر صيني 2010

[الصمان 2]

الله يعطيك العافية .


.

[YOU1]

مساكم الله بالخير ياشباب...
عندي واحد من الربع تقريبا سنة 2000 راح للامارات وجاب جيبين علي الزيرو مامشو شي واحد شيروكي والثاني باجيرو الشكل القديم اللي يشبة الهيونداي جالوبر... يقول انة شاريهم من مكتب يقول المكتب انة شاريهن من احد شيوخ الامارات اللي كان جايب كمية للقنص وبقي هالجيبين زادو عن الحاجة وشراهم المكتب وباعهم لصاحبي...
المراد ان الجيبين صناعة صينية وتقليد درجة اولي لدرجة اني احسب الشيروكي امريكي لولا اني صاحبي علمني ويوم ركزت لقيت ان فية فرق بالديكورات والماكينة صغيرة جدا يقول حقت تيوتا!!!! بس الشكل الخارجي مطابق تماما حتي لمبات البريك الخلفية تغير لونها وصار اصفر وركب حقات شيروكي بدون اي ترهيم... بس المشكلة ان المرور عيا يطلع لهم اوراق يقولون نبي شهادة المنشأ واوراق ثانية... انا قلت هالكلام علي اساس يمكن يكون اللاند اللي بالصورة تقليد مثل سالفة صاحبنا!! ترا يسوونها...

[بن سليمان]

اللي اعرفه ان الاند اللي يجي للخليج وخصوصا للسعودية ياباني لكن اكسسواراته شي صناعة صينية وشي صناعة اندونسية

[صيد الخاطر 1]

أوف كوورس

يبي لنا خته لصين الصيفية وأتأكد وأن كانه صحيح جبتلك واحد معي ..!

وماهي بعيده وأنا أتوقع ذلك

[ahmad995]

مافيه شي يثبت انه صيني ؟؟؟

[كهلان]

أغلب المصانع العالميه للسيارات أتجهت الى البلدان الاسيويه
لرخص اليد العامله وتوفرها فى الصين والهند وفيتنام واندونيسيا وتايلند
كذلك مرسيدس أعلنت قبل فتره ان جميع سياراتها لقارة آسيا سوف تصنع بالهند
اعتبارا من 2012
وكل شي وارد
كل الشكر والتقدير لك

[فيصل التميمي]

مشكور على الموضوع

[ولد الغلباء]

يابعدي اللي يجي لمنا ياباني 100بالميه ولوه صيني ماصبر كل هالصبر وثاني شي تويوتا ماله مصانع في الصين والصور اللي جبته عادي لاند كروزر مصدر من اليبان للصين
م

[AL-OTAIBI]

مع احترامي لكاتب الموضوع, لكن كل المعلومات خبط و لزق و لا تحتوي على اثباتات او مصداقيه
يا ليت يتأكد الواحد قبل لا ينسخ من الايميل. المنتدى للاسف صار مصدر للاشاعات و الاخبار المغلوطه

[عآشق الحره]

غريبه ياخي عادي الصين بلد كبير اكيد تايوتا لها فرع هناك زينا وكيل ...يعني السيارات الي عندنا سعوديه ...
________________________________
اما حكايه 60 الف والله لونه تكلفت المصنع ماجات 60 الف ...اجل تبون دوله كبيره زي الصين ويحطون اللغه انجليزيه ولا عربيه ..تحياتي

[شمالات نجد]

والله يا فيه ناس استغلوا الموضوع وهم عارفين أنه ياباني وارد الصين

والسالفه قديمه تكررت قبل سنه

عموماً جزاك الله خير

سلام

[snnar]

يا شباب اعتقد انة تويوتا مصنع بالصين وللبيع داخل الصين وليس للتصدير
انا ذهبت للصين وشفت فولكس واجن تصنع بالصين وكتاباتها بالصيني ما عدا علامة الفوكس واجن واخبرني شخص يعيش بالصين ان اغلب السيارات العالمية تصنع بالصين للاستخدام في الصين .
وبعدين النسخ طبق الاصل وبنفس المسمى لا يمكن حيث هناك علامات تجارية مسجلة ولا يمكن استخدامها بدون موافقة صاحب العلامة .
مثلا يوجد كوبي لمعظم الشركات شنط وساعات وجزم ماركات ولاكن لا يمكن ادخالها الى المملكة بكميات تجارية ويتم مصادرتها بالجمارك واتلافها حتى عندهم مرة كنت عند محل جزم ابشتري جزمه اعزكم الله ماركات مقلدة ما دريت الا المحل مسكر وانا داخلة ليش قالو في حملة تفتيش عن المقلد بالسوق بعد 10 دقائق فتحو المحل وخرجت وانا ماني مصدق الي شفتة .
يعني لا يمكن تصنع سيارة تويوتا طبق الاصل وبنفس الشعار الا بموافقة تويوتا .
عدد سكانها مليار ونصف المليار اعتقد فية جدوى اقتصادية للتصنع بالصين للصين فقط

[مقلع الرمث]

ياخي عطنا اياه انشاء الله بنقالي هي افرقت المصانع بكل مكان

[اول وتالي]

ممكن يكون التركييب في الصين

لاكن الصين تسوي مثل هذا الموتر تبطي عظم

ويازييين السواليف

[معاند الشوق11]

اقول خلكم على الددسن الظاهر اشوا السيارات كلها هههههه وتقبل مروري