[quote=benelli_70;4715566]الله يجزاك خير اخوى الطبشى الحقيقة ولاشئ غير الحقيقة خلونا واقعيين انا اعرف وانت تعرف وكل واحد يكون يعرف مجموعة من ربعه حكوا له عن اسرافهم وصيدهم الجائر فى افريقيا اللى يقول صدنا فى السودان اكثر من 100 ضبى واللى يقول ذبحنا 80 واللى يقول صدنا الضبا ودفناها ولما تقول لهم حرام عليكم يقولوا لك فينا نعرة رمى ؟وانا اعرف واحد فى مكشات وهو يعرف نفسه جيدا صاد فى السودان اكثر من 80 ضبى وهو يعرف وقرات له ردود يهدى الناس من الصيد الجائر ههههههههههه حاميها حراميها واحد يرمى كرك بكميات تقول له حرام عليك يقول لك نحنا مترسين للكرك اكثر من اسبوع واذا ما صدناه يصيده غيرنا شعارنا ياشباب كالاتى (كل واحد يشد على موتره وياخذ له شوزن وهو لايعرف الصيد ولا ادابه ولا اخلاقه ولامحرماته ونواهيه _شباب طايش يتسابقوا على القميرى بالساحل قبل لاترمى تمسع صوت الرمى والقميرى يجينا ملوع حيل وكثير من الحوادث حدثت فى الساحل ومناطق زحمة الصيد ايام العبور وكلنا نعرف خلنا نكون صريحين ولاداعى للزعل لو فتحوا عندنا محلات اسلحة والله نقضى على الاخظر واليابس ما اقدر اسميها قلة فهم؟
تفاخر؟
طيش شباب؟
او مثلها مثل اى موضة تنتهى بزمنها .
مدرى والله انى محتار وشعار اخر اخطر من اللى سولفت فيه عن الابادة يقولوا لك اذا ما تصيدها يصيدها غيرك خلونا من الشعارات البراقة واللى ما تخدم غرض وانتو شفتو الرجال اللى صاد فى محمية عروق بنى معارض وش تقولوا فيه؟
وعرفت انه الدول الافريقية صارت مو مثل زمان فى الصيد ومن خلال اتصالاتى بالسودان عرفت انهم مسكوا شباب سعوديين بدون رخصة صيد وصايدين ومستانسين طبوا عليهم ومسكوهم ؟
ليش ياجماعة اللى ما نرضاه لنفسنا ما نرضاه لغيرنا ليش نسرف فى السودان ليش ندمر البيئة كلكم سمعتو بالشباب اللى قيضوهم قبل كم سنة فى السعودية وهم صادين فى المحمية قامت الدنيا ولم تقعد ليش تصيدوا فى السودان اكثر من 80 غزال ليش ليش يصيدو فى مصر 20 وثلاثين لو كانوا مثلنا والله ما كان يقنصونا فى بلدهم ولو كانوا مثلنا ما كان نلاقى فى بلدهم صيد يكونوا قضوا عليه سنين مثل ما عملنا نحنا بالسعودية قضينا على كل شئ حتى الوبر والضبان انتم تعرفوا وانا اعرف وكل واحد يعرف الحقيقة مشرفين فى منتديات صيد ومراقبين وقناصين محترفين تسمع كلامهم عن الصيد وتقرا كتابتهم تقول هدولة مافى مثلهم لكن حين يقنصوا فى افريقيا وتتسرب اخبار مقناصهم الحقيقية تسمع انهم يصيدوا ارقام كبيرة 100 غزال 80 غزال ليش
والصور اللى تنزل بالمنتديات صورة محسوبة ومختارة بدقة وعناية فائقة تدروا ليش لاجل ما ينكشفوا وتعرف فضائحهم الحين السودان تحديدا غير زمان مثل ماعرفت من اتصالاتى باحد المسؤلين هناك .
والامين مع نفسه يكتب الحقيقة لايكذب ولايغلف الامور ولكم خالص تحياتى
مكشور اخوى الطبشى ومثل هاى الامور تستحق الوقفة والمحاسبة من النفس اولا
اخوى الطبشى فى كثير من القناصين يدوروا على الشهرة من خلال المنتديات وانت تعرفهم وانا اعرفهم وغيرك يعرفهم
اخوك ابواحمد
الله يبارك فيك وكلامك في محله