صلالة جنة الله في ارضة

[قناص الفرص]

السلام عليكم ورحمة الله وبركاته ؛؛

يا شباب يا اهل الرحلات والتجارب والخبرات ""

انا ابي اروح انا وعايلتي الكريمة

الى صلالة لذالك ابي الشباب الي راحولها
اولا انا ابي اروح مع العائلة وعددها 20 فرد ولله الحمد
لاكن ابي اعرف هل اروح بالطيارة ولا بالسيارة
يعني لو رحنا بالطيارة واستئجرنا سيارات من هناك كم يتكلفنا بالكامل من الدريهمات
لو رحنا باالسيارة وين الاماكن الحلوة في صلالة
وهل السكن فيها في فنادق وشقق ولا في خيام
وانا ناوي باذن الله اقيم فيها انا والعائلة 3 اسابيع
بس ابس اعرف كم يتكلفني

وابي الي راحولها يعلموني كم قعدوا فيها وكم كلفتهم ويعطوني الخطة الي مشوا عليها

والله يجزاكم الف الف الف خير

[رفيع الشان]

نفس الطلب .. الصيف قرب وودنا نسير على صلاله .. للرفع

[المرنقط]

السلام عليكم ورحمة الله وبركاتة

مشاء الله تبارك الله 20 نفر يبيلهم ميزانية بحالها

طيب اخوي قناص من وين راح تطلع من الرياض ولا من مكان ثاني

على العموم بالنسبة لي رحت الى صلالة اكثر من مرة . ومنها عائلية وبالسيارة بس كانت متعبة لهم لان المسافة طويلة على العائلة 2200كم من ( الرياض ) واللي جرب الطائرة يمدحها بكثير وخاصة انة اجر سيارة من المطار

وثانيا _ اتوقع ان صلالة ما تحتاج اكثر من اسبوع الي عشر ايام بالكثير لأن الأماكن معدودة

ثالثا_ اسعار الشقق توصل الى 180 - 200 ريال (سعودي) شقة كبيرة هذا في عز الموسم يعني في بداية شهر 8 انجلينزي اللي هو عز زين الجو

رابعا_ اما بالنسبة للخطة او الأماكن الجيدة فاول ما تنزل من الطيارة او عند دخولك الى حدود مزيد ( حدود الأمارات مع عمان ) تجد عندهم خرائط مفصلة للأماكن الجيدة

هذا ما عندي في الوقت الحاضر واسف على الأطالة

[فتيان صلالة]

صلالة تستاهل العنوة
وخاصة للعوائل
بالنسبة للسكن اكثر السعوديين يسكنون بالقرب من السوق المركزي (سوق الخضرة واللحوم) لكثرة الشقق والمواقف الفسيحة والشوارع الرئيسية.
بس الله الله من الباعوض لازم دهان خاص طارد للباعوض الى يكثر عند اماكن المياه والعيون.
وهذي صورة مع التحية .
العام الماضي

[القناص]

زدنا يا فتيان صلاله عن صلاله زادك الله من فضله
والله انها انها تستاهل المشوار
جميله
ورخيصه
وحللللللوه
ومنا وفينا.

[*القبطان*]

اخي الغالي قناص الفرص
السلام عليكم ورحمة الله وبركاته
هذا رابط لموضوع قديم في المنتدى عن صلالة
سوف تجد كل ما تريد بئدق التفاصي
صلالة

اتمنى لك رحلة موفقة بأذن الله