من يعذرني من الخالدي بعملته

[دخنآوي]

اخوي راعي فزاع عذرا انت وش علاقتك بالسلوقي

التخاصم بين الخالدي والفوار؟

..



طيب ياخوان اول شئ صلو على النبي ..
وثآنيآ يآخي السسسلق تتشابه ..
وماله داعي النقاش الحاد مثل مااقال اخونا طير بيروت ..

يعني هدو الوضع شوي ..
واخوي الفوار السلق بالاحسا والجوف تراهـ واحد يعني البعد مايهم لكن الرجال قال انه معه من يومه صغير وان شاء الله بيثبت لك بالصور ..

وبالأخير الله يستر ع المسلمين وترا الدعوهـ مثل ماقلت يالفوار سلوقي لاقام ولا قعد ..
لكن المشكله التعدي على حقوق الغير ..
وللمعلوميه صارت لولد عمي نفس المشكله ..
سرق منه سلقتين وسلوقي السلقتين رجعوا اما السلوقي للحين على وجهه
والله يردهـ ان شاء الله ..

[رفيق الأمل]

[quote=الخا لدي;4721668]وشلون انا مأخذه وانا من الجوف وانت من الحسا بالله فهمني وشلون تجي
يعني اجيبه تهريب ولا كيف ؟؟؟؟؟؟؟

السلام عليكم : اخي العزيز الخالد سمعت من احد المشايخ يقول من حق اسلام الأنسان ترك مالا يعنيه وانا والله قبل تم سرقة مني سلوقي قبل انضمامي لمكشات بوقت طويل والفاجعة انه طلع في المجمعة رغم اني ساكن في الاحساء فكيف وصل ؟؟؟ فالشخص اذا عرف حلاله لا يستغني عنه ولا يعوض ولو امتلئت الارض ذهباً وليس لهذا الموضوع بيني وبين الطرف الثاني اي دلاله واسطة بس من المعرفة الصادقة ياخوي بالسلق فحلاوة الحلال حلوة على الجميع ومثل ماقال الاخ الفوار اذا كان لديك صورة للجرو من صغره لكبره فحملها للمصادقة وبدون اي تأخير او احراج لان الجرو مشهود له في الاحساء وانا وسبق لاحظت التطابق في المواصفات بأفضل التدقيق والمواصفات فيه وارجو من الله سبحانه وتعالي ان يكون التجاوب تجاوباً فنحن مسلمين واخوة كقوله تعالي انما المؤمنون اخوة 0

[التركوازي]

[quote=بوعبدالله999;4724791]

وشلون انا مأخذه وانا من الجوف وانت من الحسا بالله فهمني وشلون تجي
يعني اجيبه تهريب ولا كيف ؟؟؟؟؟؟؟

السلام عليكم : اخي العزيز الخالد سمعت من احد المشايخ يقول من حق اسلام الأنسان ترك مالا يعنيه وانا والله قبل تم سرقة مني سلوقي قبل انضمامي لمكشات بوقت طويل والفاجعة انه طلع في المجمعة رغم اني ساكن في الاحساء فكيف وصل ؟؟؟ فالشخص اذا عرف حلاله لا يستغني عنه ولا يعوض ولو امتلئت الارض ذهباً وليس لهذا الموضوع بيني وبين الطرف الثاني اي دلاله واسطة بس من المعرفة الصادقة ياخوي بالسلق فحلاوة الحلال حلوة على الجميع ومثل ماقال الاخ الفوار اذا كان لديك صورة للجرو من صغره لكبره فحملها للمصادقة وبدون اي تأخير او احراج لان الجرو مشهود له في الاحساء وانا وسبق لاحظت التطابق في المواصفات بأفضل التدقيق والمواصفات فيه وارجو من الله سبحانه وتعالي ان يكون التجاوب تجاوباً فنحن مسلمين واخوة كقوله تعالي انما المؤمنون اخوة 0

هذا الكلام الصحيح

ويالخالدي اذا كان عندك صور له من يومه جرو الى هالوقت قدمها تراها دليل برائك
واذا كانت هي بلاش فضايح راسله على الخاص لين تسلمها له بدون مااحد يدري

[الخا لدي]

اول شي ماعندي له صوره هو جرو

ثتني شي الصور شي كبير يختلف عند الصوره الثانيه

الصور الي انا منزلها عمره 8شهور وهدب كثير وانت الي منزله قليل
تحياتي

[ابو حاكم]

سلااااااااااااااااااااااااااااام عليكم كيف الحااااال يا شباب اذكرررررررررررروا الله
وانتم اكيد ماحطيتوا هالموضوع الا عشان التفاهم وحل المشاكل وندخل معكم ونحل المشاكل
اول شئ يا فوار ان ذيل السلوقي حقك ريشه شوي واذنيه كبار والسلوقي حق الخالدي ذيله ريشه كثيف واذنيه اصغر من اذانيه كلبك
وارجو ان تدخلي ما يغضبكم واعذروني على الاطاله
تقبلووووووووووووووووووووووووووووا مروري.........................زز

[الفوار2008]

اخوي راعي فزاع عذرا انت وش علاقتك بالسلوقي

التخاصم بين الخالدي والفوار؟

هلابكم يخوان

اخوي راصدبيئي
انا
الفوار 2008 و راعي فزاع
بنفس الوقت

انا ياجماعة الخير وسعت صدري للخالدي وطالبته بقل الأثباتات
لاقلت شهود ثقه ولا قلت بجي اشوفه عيانا بيانا
انا قلت هات صور له من عمر الشهرين الى العمر اللي نزل فيه الصوره
اعتذر عن هالشي بحجة انه ماصوره ولا جا على باله يصوره
مدري بي شي تبوني اوسع صدري اكثر
انتوا حلو ا هالمسأله لن الحقيقه احس من الرجال المماطل وقل الحيله
اخوكم
ابوعبدالله

[فتى دآورد]

والله ما أدري وش أقولكم بـس لزوووووم الطرف الثآني يجيب العلم ونشوف وش الحل

[الفوار2008]

وعلى فكره عندي صور لخوانه وهن جرا بعمر الأربع شهور والخمس شهور
وذبولها قليل هدبها والحين ماشاء الله شعرة الذيل تقول مهفه
وهاذي هي سلالتهم امهم وابوهم نفس الهدب
خلك من التصاريف تبي انزل لك صور اخوانه بعد ماعندي مانع

[مدرب سلق]

السلام عليكم ورحمة الله وبركاته -
ارجو من الجميع النظر لما اقوله نحو هاذا الموضوع المؤسف بصراحة
اخواني السلوقي لوكان لهاذا الرجل من قبل فتره طويله تقريبا 6-7اشهر على حد ما قاله اخوناالفاضل ووجده الخالدي بين يديه سوا مشتريه او لقاه او اهداه احد هاذا الجرو

السؤال - ياخالدي بذمتك تسئل عنها يوم القيامه والكلام قدام الرجاجيل ينقال (اترك نفسك في هاذا الموقف)واعتبر انت الي صاير معك هاذا الشي وش كنت راح تسوي غير انك تعطي لرجال حقه حتى لوكنت انت شاريه امسك طيب الرجال وخلها جميله يتحملها يالخالدي وفي النهايه صدقني انت الكسبان قدام الرجال الطيب والله

-السؤال الثاني لك يا صاحب الجرو خل نفسك مكان الخالدي تربيه وتطعمه وتدربه وتطلع انت وخوياك بسلقكم وتكسر سيارتك علشانه وفي الاخر يجيك واحد ويقول السلوقي هاذا لي وش راح كنت تسوي في هاذا الموقف بعد كل هاذي المخاسير والتعب وكل ما شفت واحد من خوياك معه سلق قلتله يلاه قدام كلها تبي تشوف سلوقيك وفجئه تجيك المصايب

هاذا لي وهاذا مو لك وحقي وحقك واخرتها وش المكسب تخسرون بعض علشان كلب ما يسوا والحق حق لو هو ابره

ردي عليكم تفاهمو على الخاص بينكم وبلاش يكبر الموضوع واعذروني اني تدخلت بينكم

ولكن كلكم عزيز علي في هاذا المنتدى وربي يسهل اموركم انشالله

[الخا لدي]

تبي تنزل الصور نزل اشوف

[راصد بيئي]

اخوي الفوار واخوي الخالدي
لازلت اقول لكم الموضوع اكيد فيه لبس ولايكبر عشان سلوقي

انت ياخوك يالفوار لو تنازلت عن السلوقي وتركته عند الخالدي بذمتي لك انك تحتار من حلالي الي تبي

وان كانك جازم ومتيقن انه سلوقيك وتبيه مالك الا انك تاخذه بالطيب وبالعقل وياليت لاخونا الخالدي يكبر راسه شوي ويعطينا اي دليل او بينه على الاقل اذكر لنا اسم ورقم الشخص الي اهداك الجرو او ورنا صور اخوان السلوقي اذا مناعندك صور له

[هاوي سلق]

السلام عليكم ورحمة الله وبركاته
الحقيقه يااخوان ماقصرتوا وكل ابدى بحكمه ورايه وانا اشوف ان الاغلبيه منكم اذا ماهو الكل اثبت ان السلق متشابه
بالنسبه لك يالخا لدي انا سبق واني ارسلت لك رساله على الخاص وعلمتك بينك وبيني وبغيت منك الرد السريع لكن انت مارديت علي من يوم نزلت صورة السلوقي اللي الله يهنيك فيه ان كان هو لك مثل ماتقول وبغيتك تتصل علي وانا يوم اني شفت انك مارديت علي كلمت راعي السلوقي وعلمته عن الموضوع والرجال لاتلومه لو انت مكانه بتسوي اكثر منه تخيل واحد يضيع او ينسرق حلاله ويلقاه .
وانت ان شاء الله من اهل الخير ونحسبك كذلك والله حسيبك
واذا انك بالجوف مثل ماتقول تراها من محاسن الصدف لاني انا مدرس بالجوف ان كان ودك اقابلك واعاين السلوقي كان بها وانا اكون متواجد ايام الاربعاء والخميس والجمعه في الاحساء
وان كان السلوقي للفوار فلك مني اعوضك بالجرو الطيب وجرو من سلالة الرمله بالاحساء ومن سلالة الماجد بعد كانك تعرفه
وانا مااقول الا الله يجيب اللي فيه الخير والصالح لكم جميعا

اخوكم ابو ابراهيم

[الخا لدي]

بسم الله الرحمن الرحيم
بالله ناضرو لي الصور بي تركيز
وشوف السلق الصور متطابقه الصوره المنزلها الفوار

الصوره الي انا منزلها

الفرق واضح من الرجلين والصدر والذيل والصوره الي انا منزلها جسمه هدب اما اخوي الفوار الصوره الي منزلها بس ذيله واذانه

[راصد بيئي]

ايوه كذا الاختلاف صار واضح انا كبرت الصورة ودققت فيها يبدو لي انه تشابه فوي لاكن مو نفس السلوقي

[هاوي سلق]

بارك الله فيك اخوي الخا لدي على التوضيح الطيب
لكن الله يجزاك خير ترى شكل السلوقي ياخذ في التغيير حتى يصير عمره السنه من نواحي كثيره وان كانك عندك الخبره في السلق بتعرفها
والبنسبه للصوره اللي عرضها عليك اخونا الفوارالسلوقي كان عمره 5 شهور وانت تقول ان اللي عندك في الصوره عمره 8 شهور اكيد بيكون فيه بعض الفروق مع تقدم العمر
وراعيين السلق هم ابخص بالشي هذا وعلى العموم هذي صورة ابو الجرو اللي كان عندنا