15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
المشاركة الأصلية كتبت بواسطة راصد بيئي
بارك الله فيك اخوي راصد بيئي بصراحه اشكرك على تفاعلك مع الموضوع وانت بيض الله وجهك ماقصرت حاولت انك تحلها بين الاثنين مع اني اشوف ان كل شي واضح وترى مثل ماقلت ان التشابه قوي
والفوار ان كان على الجرو فهو عنده من اخوانه لكن اللي قاهر الشباب السرقه اللي صارت
والله يوفقكم وان شاء الله تنحل المشكله على يدك اخوي راصد بيئي
مكشاتي متواصل
مساء الخير على الجميع / من الواضح ان الموضوع ابتداء يتشعب ويسلك عدة طرق
ومداخلتي هذة يمكن ان تصحح بعض الامور للجميع
الجرو انسرق هو واختة وعمرة تقريبا 7/8شهور ومعهم سلقة سوداء بعمر سنة
السرقة تمت في شهر 10 بعد عيد الفطر مباشرة والان حنا بشهر 7يعني السلوقي الان بعمر السنة وكم شهر
من الاكيد يتغير شكلة ولونة وحجم جسمة وتقدرون تحددون عمر السلوقي من اسنانة
وللمعلومية انا امتلك صور للسلوقي هو واختة من عمر 3شهور الى وقت السرقة
كلامي لك يالخالدي ( عليك التبين من صاحب السلوقي وتتاكد منة وتبرى ذمتك قدام ربك والناس
الي تبي منك الحق هذا سلوق غيرة الف سلوقي لاكن الرجال ماتلقى غيرة رجال وانا خوك وان كان
هذا سلوقي الفوار 2008فابشر بالي يعوضك الشبك مفتوح تنق الي يعجبك واللة يستر عليك
وماله داعي كثر الهرج الي ماينفع
والي يبي يتاكد من الصور يرسل رقمة على الخاص وانا ارسلة الصور وصائط وهوينزلها
ملاحظ هـــامة جـــدا
واللة على ماقول شهيد
لاحد يقول اني اعرف الفوار واقف معة ضد الخالدي
واللة واللة اني ماعرف لا الفوار ولا الخالدي بس حبيت اقول الي يملية علي ضميري
وبسلامتك
مكشاتي متقدم
يااخوان الكلام كثر في هذا الموضوع والله اني ادخل المنتدى عشان اتطمن هو انحل او لا
ياجماعة الخير الموضوع بسيط حله
وكلامي لأخوي الفوار خلك صبور شوي واحسن اظن
اما كلامي للخالدي فيه حل واحد اذا ماتقدر تثبت بالصور القديمة لانك ماصورته هاوي سلق ابو ابراهيم عندك بالجوف خله يمرك ويعاين السلوقي وانا ابو ابراهيم اعرفه زين زين رجال على الدين ماراح يضلمك ابدا وعلى مسؤوليتي وياليت تنزل صور جديده للسلوقي واضحة من الامام وجميع الجوانب وبدون ربطه
وياليت يتدخلون الحكماء من أهل السلق فيحل الموضوع
مكشاتي متواصل
الله يكب اللي فيه الخير ,, والله الموضوع يحير ,,
التشابه كبير جدا جدا بين السلوقيين المعروضات
لكن الحل هو عند أخوي الخالدي بما أنه ماعنده صور
له يوم كان جرو ,, والحل بأنه يحلف يمين
بأن السلوقي عندهـ من يوم كان جرو وهذا
ماهو تكذيب لأخوي الخالدي لا حشاه أنشالله
لكن ليطمئن قلب الأخ فوار ..
مكشاتي متقدم
يخلق من الشبه 40
العلم لله
علي كف القدر نمشي ........................ولا ندري عن المكتوب
مكشاتي متقدم
هلابك يالغالي
انا سبق وقلت الهم مو كلب
والله ثم والله الى الان ماحكمت انه هو
ولولا اني محسن بالرجال الظن
ماكان كثر التوسط بالموضوع
كان كتمت وعرفت كيف اظهره من محله
لكن قلت ان كان يشبه له الله يهنيه فيه وان كان هو يدلني على اللي معطيه ايه ويردلي السلوقي
لن ماخلق اللي بياخذ شي مني عباطه
وانا بعطيه اللي يسره
الجروا هذا ابوه طيب ومعروف والا امه سلقتي الخاصه يعني ماراح بعيد
وكلها كلاب عالعموم
لنفترض مثلا ان الكلب هو اللي مسروق مني
وان الكلام هذا كله دار
تتوقع على اخره بجي وبقول ماحصل الا خير والله يمليه بركته
لو انه من اولها قر واعترف اولا بعدم علمه بسرقة الكلب
وثانيا ابدى استعداده انه يرده
وثالثا عطاني معلومات عن اللي مهديه اياه
كان انا والله اللي بقوله الله يمليك بركته وان بغيت عليه زود من العين ذي قبل ذي
هذا على فرض لو طلع هو
وان ماطلع هو ماله الا اعتذار بالموضوع هذا وبموضوع مستقل
لكن الرجال ما اظهر بينه تقنعني اني مشبه
الفوارق اللي قالها من اتفه الحجج اللي قد سمعتها بحياتي
ياناس الجرا تولد سود ولاكبرت طلعت ياحمر يازرق
اليدين والرجلين كانت حمر والحين بيض وين حنا فيه الذيل والنحر
ياعيال ماينفع نكون مع الخيل ياشقرا
الحين بينت الفروق ياخالي
انا اكبر من هالشي ولاجيت اتبلى عالرجال
انا احد تعدى على محلي واخذ شي مني غصب على
لاتهونون الموضوع كأنه ضايع ولقاه
بعدين الأخو اللي يقول هو تعب عليه
تعب على وش يابعدي انا متكلم مع صاحب الذيخ ومشبي لي
وتاعب على امه شهرين لين ولدت ويوم ولدت تنظيف ولعنة خير حتى ماتمرض الجرا
وبعد ما وزعنا الجرا كان هو اللي ابيه بين اخوانه هو واخته
وبعدين بديت تطبيع وصبر على المغثه والتعب
والحين صار هو تعبان ونا شاريه من البقاله
عالعموم كثر الجدل و هاوي سلق قال حله نشوف وش راي خوينا الخالدي
طولت ولا كان ودي اني اطول لكن الغبنه
وسلامتكم
اخوكمالفـــــــــــــــوار2008المعرف السابقابوالعبدي****************
مكشاتي متقدم
على عيني وراسي انت ياخوي ياراصد
الحين ماهوب هو كلامك على الراس
طيب مدام انك الأن تقول انه شبه كبير بينهم ولا يعني انه هو
فسر لي هالأمور الأن
واحد كيف تكون نحور الجرا
اثنين كيف ريشة الجرا العربيه وهي جرا
ثلاثه كيف الوان الجرا هل تتغير مع التقدم بالعمر والا لا
اربعه ابو ابراهيم قبل مايلبلغني انه حصل جرويي اللي كان حاضر وقت سرقتها
كلم اخونا الخالدي بالطيب وارسل له رقم جواله للتفاهم ومارد عليه
واظن قاله بن السلوقي اللي عارضه الخالدي يشبه سلوقي مسروق ويبي يستفسر منه
ولا رد الى الأن
هالأمور هاذي فسرها لي وقانع بقرارك مهما كان
اخوك
ابوعبدالله
السلام عليكم ورحمة الله وبركاته ،،
ياجماعة الخير واضح ان الذيخين فيهم شبه كبير ،،
ويالخادي تقدم عمر السلوقي يتغير وصوفه ،،
ابو ابراهيم يحل المشكله ان شاء الله بمشاهدة الذيخ .
أبوعبدالله الله يعينك ويسمح دربك
مكشاتي متواصل
هاذيي اخرتها سلوقي مسروق وهده عليييه
على الحرام ان المراجل ضاعت
مكشاتي متقدم
ابو ابراهيم انشالله يحل الموضوع
وان انشالله مايختلفون الاخوان
ومايقصر ابو ابراهيم انشالله
مكشاتي متواصل
والله انك صادق ياراصد
واشهد انك ذيبان
وتهدي البل
مكشاتي متقدم
ليش كل المشاكل هذي
عط الرجال الذيخ سوا له ولى ماهو له وفك نفسك من القال والقيل
وراعي فداغ الأخ هاوي سلق آن شاء الله آنه ماهو مقصر دور لك آقرب سلقه ولقح من فداغ آبو الذيخ الي آنتم تهاوشتو عليه وخلاص آن شاء الله يطلع لك 10 من جنس ضبيان
عضو موقوف
يا الخاادي تراك داخل بسم قبيلتك احسب حساب قبيلتك قبل كل شي وبعدين تقول من يوم ولادته اسبوع وهوعندك وشلون عاش بدون امه وهو يرضع ولايشوف وبعدين وش يثبت انك بالجوف ولاكن اتق الله وحط مخافت ربك بين عيونك ولا قصرو الشباب بيعطونك بديل عنه وشلون بالله ترتاح نفسيا والسلوقي ليس لك ومن لا يخاف الله حرام حلاله اتق الله يارجل
مكشاتي متقدم
عجيب والله اثاريك طلعت ابو العبدي
عز الله بتعرفني لو شفتني
نرجع للموضوع
شوفوا ياإخوان بعيدا عن الخالدي والفوار
كثير مننا انسرقت له سلق عزيزه وماقدرنا نحصلها
واعتقد اكتشافي لسارق السلق بالرياض قبل سنتين والقبض عليه من الحكومه كانت خطوه مريحة جدا و4 من اصحاب السلق استردوا سلقانهم الحمد لله والسارق لقي جزاءه
فياليت الكل يتعاون ويبلغ عنهم
وبالنسبة لموضوع الفوار والخالدي
انا قلت لك يالفوار تركد شوي وامهل الرجال
خلنا نشوف اخرتها ولاتخاف لاتحسب عشانه عضو بالمنتدى يقدر ينسحب من المنتدى ويروح بكل بساطه
اذا ماشفنا تعاون منه ابدا وانسحب من المنتدى مالك الا رجال يجيبه لك لحدك وهذي وعد مني
وارجوا ان تعذرني يالخالدي على كلامي
وانا عتبي على الخالدي لأنه لحد الآن يماطل ولم يتجاوب أبدا
قلنا له نبي صور للسولقي يوم كان جرو قال ماعندي!!
قلنا له نزل صور لأب السلوقي وامه تجاهل الموضوع؟
قلنا له علمنا من اهداك السلوقي او باعك السلوقي تجاهل الموضوع؟
والحل المثالي والأخير لهذا الإشكال هو معاينة أبو إبراهيم للسلوقي
وعلى فكره يالخالدي
ممكن السلق تنسرق من الرياض وتروح قطر وممكن تنسرق من الاحساء وتروح للجوف!
كلها مشورا سيارة
ومعروف أن الي يسرق السلق يبعدها عن منطقتها بكثير لكي لايتم التعرف عليها
اعطيتك الحل والموضوع بيدي
والله يعلم اني لازلت عند كلامي إلي بيتنازل له من عندي جروين عربيات طيبات بالحيل من سلق الدواسر
مكشاتي متواصل
الأخوة الأعضاء الكرام
السلام عليكم ورحمة الله وبركاته
وحياكم الله كلِ بإسمه
لابد من وضع نهاية لهذا الموضوع
لكي يرتاح كل من الطرفين
ويرتاحون المتابعين بعد
وإذا تبون رأي أخوكم
أنا اقول نرجع للشرع الحكيم
والقاعدة الشرعية تقول
البينة على من إدعى واليمين على من أنكر
ومن هذا المنطلق
فإن أخونا المدعي مطالب بتقديم بينته أمام الجميع
وأخونا المدعى عليه ، إما يقبل بالبينة أو يحلف اليمين أمام الجميع
وكلِ بيقابل ربه ويتحاسب على أعماله
ولا يضيع شي عند الله
هذا علمي وسلامتكم
فإن أصبت فمن الله ، وإن أخطأت فمن نفسي والشيطان
ولكم جميعاً إحترامي وتقديري
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
