من يعذرني من الخالدي بعملته

[ساحووق]

الساارق بيحاسبه الله والمسرووق بينصر الله

[التركوازي]

يالخالدي ان كانك سارق خف ربك ورجع سلقة الرجال له
ترا والله يادعوة منه ان تصيبك بشي ان تكره القنص والسلق وطاريه وتطلع عندك هالدنيا كبر عين الذباب لحظتها

ويالعنبو قنص بيصير بشي حرام وحلال ماهو حلالك بندق ولاسلق ولاصقر ولاان شاء الله حصني

[رفيق الأمل]

عجيب والله اثاريك طلعت ابو العبدي
عز الله بتعرفني لو شفتني

نرجع للموضوع

شوفوا ياإخوان بعيدا عن الخالدي والفوار
كثير مننا انسرقت له سلق عزيزه وماقدرنا نحصلها

واعتقد اكتشافي لسارق السلق بالرياض قبل سنتين والقبض عليه من الحكومه كانت خطوه مريحة جدا و4 من اصحاب السلق استردوا سلقانهم الحمد لله والسارق لقي جزاءه

فياليت الكل يتعاون ويبلغ عنهم

وبالنسبة لموضوع الفوار والخالدي
انا قلت لك يالفوار تركد شوي وامهل الرجال

خلنا نشوف اخرتها ولاتخاف لاتحسب عشانه عضو بالمنتدى يقدر ينسحب من المنتدى ويروح بكل بساطه
اذا ماشفنا تعاون منه ابدا وانسحب من المنتدى مالك الا رجال يجيبه لك لحدك وهذي وعد مني

وارجوا ان تعذرني يالخالدي على كلامي

وانا عتبي على الخالدي لأنه لحد الآن يماطل ولم يتجاوب أبدا

قلنا له نبي صور للسولقي يوم كان جرو قال ماعندي!!
قلنا له نزل صور لأب السلوقي وامه تجاهل الموضوع؟
قلنا له علمنا من اهداك السلوقي او باعك السلوقي تجاهل الموضوع؟

والحل المثالي والأخير لهذا الإشكال هو معاينة أبو إبراهيم للسلوقي

وعلى فكره يالخالدي
ممكن السلق تنسرق من الرياض وتروح قطر وممكن تنسرق من الاحساء وتروح للجوف!
كلها مشورا سيارة
ومعروف أن الي يسرق السلق يبعدها عن منطقتها بكثير لكي لايتم التعرف عليها

اعطيتك الحل والموضوع بيدي

والله يعلم اني لازلت عند كلامي إلي بيتنازل له من عندي جروين عربيات طيبات بالحيل من سلق الدواسر

صحيح كلامك والله اول بأول ولو الجرو له كان دافع عن نفسه بس بتأكيد ماعنده شي يقوله انفضح امره عند الله ثم عند الاخوان الاعضاء في مكشات وانا استعلمت واستفسرت عن الخالدي وقريب أن شاء الله تطلع الحقيقة وصدقني يالخالدي مستحيل ان تربي سلق بعمر اسبوع لين كبره الحين ولا توجد عندك صورة له من صغره اما البعض فيصور الجراوة كتذكار من الصغر للكبر وللأهمية قلة تجاوبك وعدم اهتمامك علي اي موضوع اوترد على اي طرح هذا دال كل دلاله وانا اعرف ابو ابراهيم ولحبه ولهوايته للسلق ويستحيل نسيان مواصافات سلق عن راعيه واناشدك امام الله الافضل ان تتجاوب في ما يطرح عليك او ترجع الي ماهو لك على وجه السرعة والله يستر عليك او سوف تلاحق مدي عمرك بكلمة ( سارق ) فهل يرضى عليك من اجل سلق وكما ذكرت ان الجرو عندك في الجوف رغم انه مسروق من الاحساء فصحيح كلامك المهرب يستطيع تهريب اي شي ولو على المريخ الا توجد مواصلات بالبر والبحر والجو ؟؟؟؟؟

[كمبو]

صحيح كلام الاخوان

وانا اعرف مكان الخالدي يعني فيك فيك

وان مارجعتة مالك الا الي يوقف عند باب بيتكم

وانا ماقول هياط لكن انت خلها تجي بالطيب ازين من انها تكبر وتوصل للمحاكم

وقد تنقص يدك عشان كلب ياخي حرام عليك

تحياتي

[راصد بيئي]

اخوي كمبو جزاك الله خير

الله يرضى عليك احنا نحاول الصلح لاتكبر الموضوع

ولاكن علمك بمكانه شيئ مفيد وقد يتم الاحتياج لك قريبا

واتمنى ان كان احد بيرجع اسلوقي مايكون اخونا الفوار عشان ماتقوم بينهم مشاكل
انا مستعد اسافر من الرياض للجوف واجيب السلوقي وكذا يكون انستر على الخالدي ان كان السلوقي فعلا مسروق
او اخونا ابرو ابراهيم يستلم السلوقي بعد تعهده بالستر على اخونا الخالدي

وتذكروا العفو عند المقدره

[هاوي السلق797]

صحيح كلام الاخوان

وانا اعرف مكان الخالدي يعني فيك فيك

وان مارجعتة مالك الا الي يوقف عند باب بيتكم

وانا ماقول هياط لكن انت خلها تجي بالطيب ازين من انها تكبر وتوصل للمحاكم

وقد تنقص يدك عشان كلب ياخي حرام عليك

تحياتي

كفو ياذيب>>>ياكنبو والله لو تساعد افوار انشاء الله ان الله يبي يوفقك بدنيا واخره
لكن ياخالدي خلها بطيب مو بلغصب لكن ترا والله ماراح تضمن نفسك
حتى ونت تقنص تصير من مراح لا ان الحلا
مو حلالاك

[star22]

ياشباب حنا بنحسن الضن بالخالدي

ولا نقول انة سارق السلوقي

وبيهديه الله انشاء الله وبيرجعة لصاحبة
وهو رجالٍ طيب قبل العلم التالي

وباذن الله ماتاصل لمواصيل ماتحمد عقباها

[ابوصالح3]

ليه هالتجاهل لكلام الرجال يالخالدي _ جتك جروين عربيات من احد الاخوان وجاك نصح من الرجال - ولاتعبر احد -
واجه الرجال تراهم لهالحين محشمينك وان كان لك حق اومظلوم بر نفسك وشرط ان كل الرجال اللي بالمنتدى ليقومون معك ولنطالب الفوار بالاعتذار لك جهارا نهارا على روس الاشهاد

[راصد بيئي]

ليه هالتجاهل لكلام الرجال يالخالدي _ جتك جروين عربيات من احد الاخوان وجاك نصح من الرجال - ولاتعبر احد -
واجه الرجال تراهم لهالحين محشمينك وان كان لك حق اومظلوم بر نفسك وشرط ان كل الرجال اللي بالمنتدى ليقومون معك ولنطالب الفوار بالاعتذار لك جهارا نهارا على روس الاشهاد

كلام سليم منك

احنا مالنا علاقة بالسلوقي المسروق ولا فينا احد راعية غير اخونا الفوار

لكن قضية سرقه السلق لازم يضع لها حد ولازم يكون هناك عبره لباقي حرامية السلق ( كلاممي هذا ليس موجه لأخوي الخالدي)
بل كلام عاااااام للجميع

الكل صار يتاذى ويخاف على حلاله

والكل صار يحط حراسات على السلق كأنه حاط حراسه على محل ذهب!!

والأخير كل هلاخساير عشان مايجي ابن حرام يسرق الحلال

ياخي اقسم بالله العلي العظيم لو احد يدخل على راعي سلق ويطلبمنه ويكون الرجالعنده خير والله مايقصر بالفزعه لاكن النفس الردية أماره بالسوء

[star22]

يالخالدي ترى تجاهل كلام الرجال ماهو في مصالحك

نصيحة من شخص مايعرفك

رد على الرجال اللي تكتبلك وبر نفسك او رد السلوقي كانك متوهق
فية

[طير بيروت]

فعلاً لاتجاهل الكلام يالخالدي

[كليب1]

ياجماعة الخير أشوي أشوي على الخالدي

عطوه فرصه

الفوار أبشر بالخير وأنا أخوك وعسى الله يعقله

[طلو]

السلام عليكم
\\
اخواني
لو اني الخالدي ما رديت عليكم
\\
السالفه كلها غلط بغلط ولا تنحل بها الطريقه ابد
\\
والصراحه هاذا الموضوع يعتبر نكبه في عالم السلق
\\
اول شي الفوار طريقتك خطاء بخطاء اسمحلي
انا ما اقول لك تنازل اذا لك حق بتاخذه
واذا مالك حق الله يعينك
انت الان في موقف لا تنحسد عليه
\\
اخي هدي اعصابك
وانا ابتدخل بالموضوع
وابيك تتساعد معي
اول شي ابي منك صور السلوقي من ايامه جرو حتا ضاع منك
اي صوره تقدر تجيبها نزلها
عشان احنا نقدر نحكم هذي نقطه
انت الان مدعي والخالدي مدعا عليه
المتهم بريئ حتا تثبت ادانته
والشرع لا يقبل لا بالصوره ولا التسجيل
\\
اخوي الخالدي تجاهلك للموضوع ليس حلا والهروب ليس حلا
اذا تقبل بي لحل هاذا الموضوع فانا كفيل بحله
ورقمي 0504400053
ولمعلوميه اذا ما انشاف السلوقي على الطبيعه ما راح تنحل السالفه
وزاده كلام مالها داعي
اخوي الخالدي انا ما اعرفك وبسلامتك
لاكن اعرف من الجوف اخ عزيز لي اسمه راجي السرحاني وهو اذا تبي يقابلك هناك راح يجيك
وللمعلوميه الاخراى السالفه حلتها سهله وبسيطه بس هدو اعصابكم

[راصد بيئي]

السلام عليكم
\\
اخواني
لو اني الخالدي ما رديت عليكم
\\
السالفه كلها غلط بغلط ولا تنحل بها الطريقه ابد
\\
والصراحه هاذا الموضوع يعتبر نكبه في عالم السلق
\\
اول شي الفوار طريقتك خطاء بخطاء اسمحلي
انا ما اقول لك تنازل اذا لك حق بتاخذه
واذا مالك حق الله يعينك
انت الان في موقف لا تنحسد عليه
\\
اخي هدي اعصابك
وانا ابتدخل بالموضوع
وابيك تتساعد معي
اول شي ابي منك صور السلوقي من ايامه جرو حتا ضاع منك
اي صوره تقدر تجيبها نزلها
عشان احنا نقدر نحكم هذي نقطه
انت الان مدعي والخالدي مدعا عليه
المتهم بريئ حتا تثبت ادانته
والشرع لا يقبل لا بالصوره ولا التسجيل
\\
اخوي الخالدي تجاهلك للموضوع ليس حلا والهروب ليس حلا
اذا تقبل بي لحل هاذا الموضوع فانا كفيل بحله
ورقمي 0504400053
ولمعلوميه اذا ما انشاف السلوقي على الطبيعه ما راح تنحل السالفه
وزاده كلام مالها داعي
اخوي الخالدي انا ما اعرفك وبسلامتك
لاكن اعرف من الجوف اخ عزيز لي اسمه راجي السرحاني وهو اذا تبي يقابلك هناك راح يجيك
وللمعلوميه الاخراى السالفه حلتها سهله وبسيطه بس هدو اعصابكم

تدخل سليم من ابو نايف

عسى نشوف حل للمشكله

والله يقويك يابو نايف

[شعلا111ن]

أعوذ بالله ياخي هدوا اللعب ياشباب فعلا كلامكم كأن الأخ الخالدي

متعدي على مكان الأخ الفوار وسارق السلوقي وأنتم ماعندكم أي

أثبات غير الصور ياخي فيه سلق نسخه 100% من بعض يشهد

الله علي أني لا أعرف الخالدي ولا ادافع عنه بس من باب المنطق

فيه أحد يسرق سلوقي وينزل صوره بالمنتدى ويقول أبي رأيكم بالسلوقي

كبروا عقولكم شوي وألتمسوا العذر لأخوكم الخالدي يمكن الأتصال

منقطع عنه هاليومين لكن أنا كلي ثقه بالأخ الخالدي أنه يبي يرد ويبي يتجاوب

مع الأخوان ,, والرجاء من بعض الأخوان عدم التجريح ببعض الألفاظ ..

أسف على الأطاله ..