السلام عليكم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
جرب الباترول
استغفر الله.........
ابعد عن سيارات التايوتا الان كلها بلاوي واعطال ... الامريكي افضل منها بمراحل السبب : انه سيارات تايوتا كان كل شي فيها عادي لكن من عام 2008 قاموا يتحولون إلى السيارات التي تعتمد على التقنيه التكنلوجيه مما سبب لهم مشاكل مثل تعليق دواس البنزين وغيرها من المشاكل الكهربائيه الاخرى ... لكن الامريكي من قديم وهم في التكنلوجيا ... واستفادوا من الكابرس موديل 1995 حيث انه كان كله كهرباء ... وتحول الجمس من عام 1999 على التقنيه الحديثه حتى وصلوا الان الى موديل 2012 وسيارتهم ما فيها اي مشاكل وبرضه لا تنسى فرق السعر عن التايوتا .. اما الاسطوره القديمه التي سيارات تايوتا مثل الشيك راحت انت لو تحسب هي نفسها انت شاري سيارت تايوتا جيب مثلا يوصل معاك اقل شي وكاله 175 الف ... بعد ثلاث سنوات تبيعه بي 100 الف ..... طيب تاهو ال تي 140 الف تبيه بعد ثلاث سنوات 80 الف اقل شي ... احسب الفرق بين السياراتين ... ولا تنسى انه الامريكي اقل صرفيه من التايوتا بحوالي 15% من ناحية البر الامريكي يمشي ما يمشية التايوتا بل يتفوق عليه ..
السياره واسعه وهذا كل الي اعرفه عنها وانت ما شاء الله عائلتك الله يطرح فيهم البركه
تبي لهم شي يتوسعون فيه الا اذا مشاويركم جميع
ماهي دايم
فخذ الباترول الشكل الجديد
قوه وشكل لا يعلى عليه
ما شاء الله
اما اذا مشاويرك مع العائله كثيره فخذ السكويا اوسع لهم واريح
الغريب يا اخوان
ان موديل السكويا 2012 الفئة الثانية اللي يجي دبل بدون فتحة
قيمتة بموقع الوكالة 148600
ولما تجي للوكالة يقول الموقع خرطي وقيمتة 152 الف
وش السالفة ما ادري
سكويا ذي بقره مو سيارة،
انصحك بالجمس.
والله وانا اخوك انصحك بـ2010 تراه قوي وماشا الله موتر عائلي ولاعليه خلاف
فعلا السكويا هذي بقره مهيب سياره
خذ لك جمس والا تاهو مواتر تبيض الوجه ولايهون الاكسبديشن ولد عمهم
ان كانك تبي تاخذ سكويا
الله يعينك على البنزين
ياكل اكل ماتصوره
اخوي شراء واحد وكاله واللحين يدور سياره صغير يبي يلبق السكويا بالبيت بسبت البنزين
ضيق الشنطه يعتبر عيب شرعي لعائلة كبيره لأنك في السفر سوف تجبر على الغاء المرتبة الثالة بخلاف الجمس الطويل
آه يا السكويا ما عرفوا لك
كل ماورد على لسان الاخوه الاكارم عن السيكويا وعن مدى قوته واختباره ومقارناته مع باقي السيارات وهو ماجعلني اتكلم عن شي انا املكه وهو السكويا ... اولا
الموتر عندي واضرب عليه الصمان + والبراري + ورمال الشواطي مطعم بالدبل = راحه قوه متانه
هذا من ناحيه
ولكن الاهم انه متماسك في الرقله والمطبات
وانصح الجميع بامتلاكه
ﻻيهمك اليوكن والجمس والاكسبدشن يخونك بﻻ مقدمات .. السكويا كمل معاي سنتين والله يعلم اني راعي جور بالديره والبر ماخليت مكان ماجيته وخاصة النفود ، ومشكلته الوحيده معي للذمه المساعد كسر معي مرتين بالنفود بسبب السيوف واعتقد كل السيارات تجد هالمشكله ، غير هالشي ماشفت والله اي مﻻحظه .. اما الشكل شي راجع لك ولكن غير الشكل اراهن لا جي اكس وﻻ جمس يتحمل او يمشي ممشاه على كبر حجمه ..
والله يكتب لك الخير
الذين يشاهدون الموضوع الآن: 1 (0 من الأعضاء و 1 زائر)