يا جماعة السكويا سيارة لا يعلى عليها
من الداخل أوسع من اليوكن وما في مقارنة في الوسع الداخلي .. إذا كرسي السايق راجع للآخر الشخص إلي جالس وراه رجال يقدر يحط رجل على رجل وهو مرتاح
هادية حاطينها على الصامت حتى على السرعات العالية ..
سواقتها خفيفة كأنك تسوق كامري ..
لفتها أصغر من لفة اليوكن ..
قطع غيارها رخيصة ومتوفرة ..
إن بغيتها للبر ترى تصف مع اللاندكروز فأي مكان في البر .. وعن تجربة .
وللعلم شاصيها أطول من شاصي اليوكن الإكس إل ...
باختصار إن بغيتها عائلية للمسافات الطويلة .. وإن بغيتها لدخول البر .. ترى هي لك عون .
هذا كله من واقع استخدام السكويا واليوكن وفي السفر أنا وإخواني سكويا ونيسان فيتيك ولاندكروز ودينالي ويوكن إكس إل