اللغز الثاني والثلاثون...............الحل:عشبة رجل الغراب...حله:الناريز

**المجًفل** · 14/07/2002, 04:59 AM

صح لسانك اخوي صالح وهذا اللغز الثاني والثلاثون :

انشدك عن بنتاً تـنـيـسـبـت لرجـال ----- تـنـيـسـبـتـله لوهي قصيره يمينه

عافت جميع القوم شجعان وابطال ---- اللـي مخـــالبهم تصيد السمـيـنـه

ترا ألـبـنـيه شوفها ينعـش الحـال ---- والا أبـوها شـوفــتـكـله حزيـنــــه

وسلامتكم.

**صالح2** · 14/07/2002, 11:47 AM

تسلم اخوي المجفل وعندي رمعة للغزك وش رايك بالقهوة وابوها البن ؟

**((( الحر)))** · 14/07/2002, 02:53 PM

اسعد الله اوقاتكم
وشكراً ياخوي المجفل على هاللغز
والحقيقه انا عندي رمعة لعلها تصير من المراميع الصايبه
اضنها(((((((( الـــد لــــــه)))))))))))

**المجًفل** · 14/07/2002, 04:57 PM

مساكم الله بالخير

اخوي صالح مالك لوى

اخوي الحر مالك لوى حاولوا مره اخرى

**الناريز** · 15/07/2002, 12:05 AM

تسلم والله يالمجفل على هاللغز الحلو .
وبعدين اشتقنالك ياخي ولا تقاطع خلك مواصل معنا .
وشــــــــرايك ( بعشبة رجل الغراب ) .

ياعزوتي يهل الشمال // انتم ربوع صويحبي
انتم عمامه والخوال // وانا غريب واجنبي

مع فائق تحياتي وتقديري لك .

.

**المجًفل** · 15/07/2002, 12:40 AM

ياهلا وغلا بأخوي الناريز
والله ياطويل العمر ماقاطعت الا لظروف تخبر هالعروس ابلشتنا من ديره بديره وتوي جاي من حائل وتخبر المسافه

بالنسبه للغز مالها غير اهلها صح لسانك يالذيب هي عشبة رجل الغراب

والمعذره تراي ابي اغرب لديار البراد لي 17 يوم عاد مدري هو وصل عندهم الانترنت اراسلكم من هناك واللي له وصاه يالربع لايستحي اما رساله والا هديه لحد تراي مستعد نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**السمح** · 15/07/2002, 01:06 AM

والله اللغز الحلو والصعب في نفس الوقت .. وعز الله إنك يالناريز غصت على المعنى لين جبته ومن شفت رمعتك وأنا عارف إنه صحيح .. تسلم واللغز الثالث والثلاثون عندك ..

==========

أخي المجفل ماقصرت يالغالي وتروح وترد لنا بالسلامة .. ونبي نفقدك لعلك ما تطول علينا ..

تسلمون ..

**الناريز** · 15/07/2002, 12:16 PM

صح بدنك يالمجفل .
وتروح وتجي بالسلامه إنشاءالله وبعدين ترااعندهم انترنت والله ياهو انترنت بعد تصدق مايفصل ابد نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

ويعطييك العافيه يالسمح وتسلم والله وابشروا بالغز .

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: اللغز الثاني والثلاثون...............الحل:عشبة رجل الغراب...حله:الناريز

أدوات الموضوع

عرض

اللغز الثاني والثلاثون...............الحل:عشبة رجل الغراب...حله:الناريز

معلومات الموضوع

الأعضاء الذين يشاهدون هذا الموضوع

ضوابط المشاركة