مشكلة حرارة الفورد بالصور ... من يجدل لي الحل واكون له من الشاكرين

[صافي العتيبي]

اخوي انا موتري فورد 97 كانت الحراره نفس موترك بدون مكيف
وامس غيرت الراديتر والحراره ماتتعدى الربع مع اني شايل البلف مره
مركب راديتر مكسيكي ب 390 ريال من عنيزه والحين مشاء الله

[أبوعبدالرحمن الأسعدي]

كان الله في عونك وكم وكم عانيت مع سيارات فورد من الصغيره الى الكبيره ولكن منّ الله علي وهداني الى أن ابتعد عن أي سيارة تحمل شعار فورد إلى الأبد وحتى يرث الله الأرض ومن عليها ...

[عاشق ام صتمة]

السلام عليكم ورحمة الله وبركاته
مساكم\صبحكم
الله بالخير
انا معي قراند ماركيز99 وصارت معي مشكلة الحراره المهم رحت لورشه عندنا بالمدينه
قالي الباكستاني حط على P علما بان>مروحة الاديتر<كانت شغاله وبعدين فصل سلك المروحه اللي مشترك بالمكينه واشتغلت المروحة قالي المشكلة من >مروحة الاديتر< ورحت غيرتها بـ550ريال اصليه والحمد لله ما اشتكيت منها الكلام ذا قبل شهر~
تقبل مروري

[ملك الفكتوريا]

يا عالم يا بشر كل واحد يشتكي من الفورد لدرجة أني طلعت للسيارة أتأكد هي فورد إلا غيرها



الحرارة ما ترتفع إلا وفيه مشكلة متى ما أنحلت المشكلة سلكت السيارة طبيعي





أولا من وصفك السيارة بالليل ربع وترتفع بالنهار مليون بالمية شايل البلف وهذا طبيعي كيف تبغى السيارة تبرد


البلف مهمته اذا طلعت المويه من المكينه للرديتر يقفل عشان تبرد وبعدين يفتح وتدخل المويه

لكن اذا البلف مشيول تطلع المويه حاره وترجع حارة وبكذا ترتفع الحرارة


والبلف مهم جدا وترى حرارة الفورد بالمنتصف للأداء الافضل


وترى المروحة مضبوطه عندك لان المروحة لو مو شغالة ترتفع عليك الحرارة حتى بالليل


وترى مكاين الامريكي حديد وفيه شغل وعلية احتراق في 8 سلندرات مو خلاطه



لذلك خذ في بالك


اذا ارتفعت الحرارة اسأل نفسك متى غير موية الرديتر وسيخت وغيرت البلف

ظلموك يالفورد

[s-a15]

غير حساس الحراره وتدعيلي قيمته اربعين

[ماون ماركز]

يا أخي عادي .. هذه حرارة الفورد

الغير عادي .. كلامك تقول كان هنا .. على C

هذا هو الخطر على السيارة ..

معاي 2010 على النص حرارته

وكان معاي 89 وحرارته على النص

ولا أرتاح لين أشوف حرارته على النص .. أعرف أن السيارة تعمل بشكل طبيعي

[باسل نجد]

حياك الله
و جزاك الله خير
شف ياطويل العمر
مع احد الربع فورد م99 استخدام امريكي
الموتر ماشي حول 160الف نظيف بالحيل
اخبر انبير الحرارة بموتره باخر الشتاء اللي فات
مثل هالصورة
شاهد السهم و النقطة الحمراء

لذلك اتصور الان ان موتره مثل موترك
و انا ارى ان السبب
ان البلف رقمه كبير لانه استخدام امريكي
بدليل الشفر و الجمس الامريكي حق الصالات الحرارة على النص
يعني لازم تركب بلف سعودي و تشوف الفرق
لازم يكون الرقم اقل
او ان الاديتر الامريكي اديتره رصه وحده
بينما السعودي اديتر رصتين ربما
و من وجهة نظري ان الحرارة طبيعة بموترك
طبعا لو كانت الخراطيش تحجر تنتفخ تصير قاسية
فلابد تشيك على الغطاء او هناك خلل ما بالراس

مثال على البلف
الشيروكي السعودي رقم البلف 195 فهرنهايت = 89 درجة مئوية تقريبا

الحل
يحطون له بلف كابرس ب20ريال رقمه 160فهرنهايت
يفتح على حرارة 72 مئوية يصير مثل النيسان
89 يفتح البلف
هذا صورة انبير الجمس و الشفر الامريكي م2004 و طالع
الحرارة على 210
و به مرواح كهرب شد بلد بدل مروحة السير
اذا تعدت الحرارة 210 اشتغلت المرواح
لكن تحت 210 تطفى المرواح
درجة 201 تعادل = 99 درجة مئوية درجة غليان

تحويل درجة حرارة, فهرنهايت

تصوري
بلف رقمه كبير مثل حرارة الجمس في الصورة اعلاه
او ان الاديتر يختلف عن السعودي بمعنى ان الامريكي رصه وحده
او ان مروحة الكهرب دورته ضعيفة
مثل مروحة المكيف حقت الشيروكي
تجي سعودي تعادل مروحتين من مرواح السوبارو
بينما مروحة المكيف الامريكي للشيروكي دورته ضعيفة جدا
و اقل من السوبارو
لان الدينمو القلب حقه صغير جدا

دام الحرارة ثابتة على كلامك
فانا ارى ان امورك تمام
و البلف شغال مضبوط
لانه لو كان هناك خلل لارتفعت الحرارة الى الاتش
و ايضا تولع لمبة افحص المحرك

السلام عليكم
أولا أشكر أخوي صاحب الرد واعتذر لاقتباس كلامه
ثانيا أخوي صاحب الموضوع كلام الأخ سوبر هو الصحيح في اعتقادي مع بعض الفروق البسيطة وأنا أتكلم من واقع تجربة ومعي فورد موديل 2000 صار له معي 7 سنوات
حرارة الفورد اللي انت ذكرت في بداية موضوعك واشرت لها بسهم وقلت سابقا هذه غير سليمة وليست حرارة الفورد الطبيعية
الحرارة الطبيعية هي اللي ذكرها الاخ سوبر
المهم في الموضوع : هو أن الحرارة إذا ثبتت على النصف فهي طبيعية أهم شي ثبت ولاتقوم تلعب مرة طالعة ومرة نازلة طبعا بوجود البلف - لأنك لوشلت البلف بتصير تطلع وتنزل وماهي في صالح السيارة .
نصيحتي إذا أنت متأكد أن راس المكينة سليم سو اللي باقول لك عليه وإن شاء الله راح تدعيلي . أهم شي ماتدعي عليههههههههه
أولا : تغير البلف أصلي وقلت أصلي مو تقليد لأن التقليد عواقبه وخيمه أكرر أصلي
ثانيا : تأكد أن المروحة سليمة - طبعا أنت عارف كيف تكون سليمة يعني السرعتين تشتغل السرعة الأولى إذا كان الموتر بارد والسرعة الثانية إذا شغلت المكيف واحتر الموتر - انصحك بكهربائي جيد ضع مليون خط تحت كلمة جيد

إذا سويت الحاجتين ذي مثل ما قال أخوي لك في رده شف الخرطوش اللي فوق هل هو قاسي يعني مايضغط هوا لأنه لو ضغط هوا تكون المشكلة في راس المكينة وهنا لازم تسوي خرط لراس المكينة وتدبل الوجيه

إذا كان الخرطوش لين يعني موقاسي مرة يصير تمام

ولو انك غيرت أديتر من البداية مع البلف يكون افضل قيمته يمكن 260 برازيلي أو استرلي لأني قد غيرته والله ما اذكر صناعته لكنه جيد ويقوم بالمهمة

[التمسساح]

بصراحه انا استغرب من الي يقول ان سيارات الفورد تشتكي من الحراره انا كان معاي فورد 94 وبعده 97 وبعده 99وبعده شريت 2004 فكتوريا وبعده شريت 2002 ماركيز وبعده شريت 2006 والله ان كل الفوردات الي شريتهم مافي يوم اشتكيت من الحراره لا مع المكيف او بدون مكيف مع العلم اني اسرع مع الخط والمكيف شغال وفي عز الصيف ولا ترتفع عن النص ابدا يعني لاحد يقنعني ان الفورد فيه مشاكل حراره اكيد الي يقول ان الفورد ترتفع حرارته ان سيارته فيها مشكله واي سياره فيها مشكله في دائرة التبريد اكيد راح ترتفع حرارتها

[مركز حراره]

تاكد من المروحه الكهرب الي قدام المروحه الرئسيه تشتغل مع المكيف او التماتيك طعيف

[باسل نجد]

تاكد من المروحه الكهرب الي قدام المروحه الرئسيه تشتغل مع المكيف او التماتيك طعيف

أخوي الفورد مافي الفورد إلا مروحة وحدة فقط وهي الرئيسية طبعا كهرب مروحة ثانية مافيه ،، ولكن تشتغل سرعتين
سرعة بطيئة اذا كان الموتر بار والأخرى سريعة إذا احتر الموتر

للتوضيح فقط ، ولاني باعرف منك وانا اخوك