افضــــل سياره للاستعمــــــال

[المخـــاوي]

السلام عليكم ورحمة الله وبركاته
بعد التحيه للاخوان اريد ان اشتري سياره بس اني احترت ماهي السياره التي ان اشتريها فقلت مالي الى الله ثم اخواني في منتدى مكشات ومواصفات السياره الي ابي اخذها يجب ان يكون بها الاتي :
1ـ ذات الدفع الرباعي يعني تدخل البر وفيها دبل وقويه .
2ـ قليلة الخراب وهذا اهم شي .
3ـ صرفيتها في البنزين قليله .
4ـ تحتفظ بسعرها يعني ما يطيح سعرها مره .
وش رايكم وش اشتري شاكراً ومقدراً اخواني جميعاً مشاركتكم .

[الضاحي]

اخوي المخاوي

يا هلا بك ويا مسهلا

عندك اللاند كروزر سواء Gxr او Vxr وما تندم ان شاء الله لأنها السيارة الوحيدة اللي تنطبق عليها كل طلباتك .

تحياتي

[ماجد الشمري]

والله وانا اخوك المواصفات هذي مستحيلة ...
كلها تلاقيها بسيارات كثير الا مسكة السعر ... وانا انصحك اذا نويت التويوتا خذ لك برادو الجديد 4 لتر لأن صرفيته ممتازة وسعره معقول ويمسك سعره ....





اخوك ماجد الشمري

[اسيزو 4x4]

الباترول

أو أسيزو لأني مجربة وممتاز وأسألني تراي ما خليت موتر إلا وهسترتبة كلش مجرب من تيوتا الى شيروكي

[ظلال الشمس]

تراك ما حددت السعر لأنه هو اللي يحكمك في المشترى

[المخـــاوي]

بعد التحيه للاخوان جميعاً
اخوي ماجد الشمري بالنسبه للبرادو اربع سرندل يقولون مهوب قوي في النفود
اخوي اسيزو بالنسبه للباترول يصرف ايذا ً ما يمسك سعره
اخوي ظلال الشمس بالنسبه للسعر المشكله اني الى الان ما حددة السعر
شاكراً لكم المشاركه لكي يستفيد الجميع انشاء الله .