السلام عليكم....
ياشباب ...اخيراً ان شاء الله انحلت مشكلة الدينمو عندي......ومن كثر ماغيرت الدينمو ..تعبى المستودع عندي وباقلبه تشليح...
هههههههه
مالكم في الهرج الطويل......امس الدينمو قام يطلع اصوات غريبه وتوني يوم الخميس مغير البيرنجات حقته واصليه....بصراحه ارتفع الظغط عندي ....بقيت انفجر..
قمت الصباح....وقلت ياولد وشلك بدوخت الامريكان .....حول على الياباني .....وعقبها رحت للصراف ..ناوي اسحب فلوس واروح اشتري لي جيب لكزس.....
وا ذا بي ... طالع من الصراف ومعي 500 ريال وورقة الصراف هديه من الراجحي للـذكرى..
عقبها تذكرت جدي الله يرحمه وهو يقول قديمك نديمك لو جديدك اغناك....
واشغل كحيلان وعلى خوينا بتار ...ابوابراهيم بشارع الملك سعود...
وقلت ياولد فاتك الجيب اللكزس ...لايفوتك دينمو اللكزس.... تذكرت المثل اللي يقول (اذا فاتك اللحم لايفوتك المرق)...هههههههه
وبسم الله الهادي الرحمن ...نبداء ..
طبعاُ كلنا نعرف ان الدينمو الاصلي 105 امبير....وسعره بالسوق من 200 ريال الى 750 ريال والله العالم وش الاصلي من التجاري ...ولاعليه ضمان...
ماشاء الله تقول دجاج ساديا 1200
وشليت القديم ....وقلت للفني ....عطني مافي جعبتك من العلم ...بس بدون قرقر واجد...
قال عندنا نوعين :
فيه نوع يقال له ديلوكس وهو صيني ومعتمد من كندا ...وقيمته 580 ريال ويعطيك 140 امبير ..بس لازم تغير السير...
والنوع الثاني ياباني لجيب لكزس 2005 وقيمته !!!!!!! ويعطيك من 110-120 امبير ..بس نفس السير....
قلت له جيبه....قال طب وتخير ...
واتخير الطيب فيه ...تقول انقي جح...ويبدون الحبايب بالتركيب واترككم مع الصور ..
طبعاُ بداء تشييك الدينمو قبل التركيب عد طريق الدريل ....علشان نتاكد قبل التركيب...
تم البدء بالتركيب ...بس المسامير ماتركب ويبيلها فبركه بسيطه ...
وعقبها تم تركيب السير .....وشده ....
قولو ماشاء الله ...ههههههه
واشغل الموتر ونشيك الامبير الداخلي ويطلع 15.2 ونشيك الدينمو بالديجيتل ويطلع 15.2 ......بس اني لاحظت شغله ..مادري هي صحيحه والاخطاء ...اذا شغلت المكيف زاد الامبير واذا شغلت اللميات الخارجيه ....زاد الامبير ...والمفروض انه ينزل ...
للمعلوميه الفيش اللي يشبك بالدينمو العادي يجي سلك واحد ....بس دينمو الكزس يجي 3 اسلاك ...واحد ينشبك مع الانولر وواحد مع السلف والثالث دايركت...ممكن هذي تكون احد اشباب زيادت الامبير...
وفي النهايه
.....تم دفع المبلغ وقلبي يتقطع لانه مابقى معاي غير ورقة الراجحي..ههههههه..بس لعيون كحيلان يهون كل شي..
واااااااسف على الاطاله..