عندي تريل بليزر و تعبت من الوكاله ومن كل الكراجات ((انقذوووني))

**غثني البليزر** · 15/08/2011, 03:30 PM

السلام عليكم

ياجماعه عنطي تريل بليزر 2005 و صارلي اسبوعين اعاني من مشكله وهي

ماشي في امان الله السياره تطفي فجأه وانا بالخط او امشي بسرعه بطيئة واحيانا بعد ما تطفي اشغلها اريع الى خمس مرات وماتشتغل الا بطلعت الروح

مع العلم اني مصفي السياره
و مبدل طرمبة البنزين
وفحصت السيارة كمبيوتر
وانا قبل 5 شهور قمة بإلغاء دبة التلوث وعند الفحص يطلعلي ان السنسر دبة التلوث مو شغال

وبالوكاله في هندي قالي ان طبة التلوث حتى لو لغيتها بعد 5 شهور او سنه راح تأثر على اداء السياره

فياجماعة الخير والله ابتلشت كل الكويت تعرف سيارتي من كثر ماتوقف فيني فجأه بالخط السريع

ارجو الإفادة×

**GMC4Ever** · 15/08/2011, 05:35 PM

حياك الله أخي الكريم

وإن شاء الله تلقى حل لمشكلة سيارتك...

أخوي أولاً، لا هنت أبيك تجرب السيارة وتمشي عليها والمكيف طافي بدون تشغيل. شوف هالمشكلة مستمرة ولا لأ؟

ثانياً، هل سيارتك خليجية أم استيراد أمريكي؟

ثالثا، السؤال اللي يطرح نفسه وأنا أخوك، هل المشكلة ظهرت بعد تصفية المكينة أو قبلها؟ لأن كلامك بخصوص التصفية ما كان واضح قبل أو بعد المشكلة...

بشكل عام هالمشكلة ممكن يكون سببها أكثر من شئ ولابد من أننا نتأكد منها كلها.

1. تأكد من البطارية والدينمو إن ما فيهم مشاكل.
2. تأكد من البواجي وأسلاكها وأنها مركبة صح.
3. تأكد من أن الثروتل نظيف ويستحسن تنظفه اذا كان متسخ (أيضاً فلتر الهواء تأكد إنه نظيف) ولا يمنع تضيف منظف نظام الوقود (البخاخات والمواصير) مع البنزين.
4. تأكد من سلامة حساس عامود الكرنك وحساس الكام شافت. هالحساسين الإثنين معروفين أنهم من مسببات توقف السيارة بشكل مفاجئ.

وأخيراً افصل البطارية لأكثر من نص ساعة (الأفضل من 45 دقيقة وفوق) وبعدين اشبكها وشغل السيارة وسوقها لمدة نصف ساعة على الأقل.

وشوف وش يصير معك وعلمنا لا هنت ضروري.

وبالتوفيق إن شاء الله تعالى،،،،

**غثني البليزر** · 16/08/2011, 03:46 AM

تسلم ايدك عالرد وبيض الله وجهك

اول شي انا صفيتها قبل شهر والمشكله طلعت لي بعد اسبوعين من التصفيه
السياره وارد الكويت وماخذها من الوكاله
والسياره مشيت فيها بمكيف وبدون مكيف نفس المشكله

وفحصت كهربة السياره من الدينمو لحد الفيوزات كلهم سليمين ومافيهن شي
فحصت سنسر الكرنك وسنسر الكام وسليمين ومافيهم اي مشاكله سواء فحص يدوي او فحص كمبيوتر ونفس الشي بالنسبه للكويلات والبواجي سليمين بالكمبيوتر

والدعسه نظفتها مرتين بعد المشكله ونفس الشي

اليوم المشكله تضاعفت بزياده طفت السياره وقعدت اكثر من 30 دقيقه احاول اشغل فيها ومع كل محاوله كان في ريحة كربون قويه تطلع من السياره وزياده على ذلك اذا اشتغلت يرتفع الار بي ام ومجرد انه ينزل عن 1 تطفي السياره وتهتز المكينه بقوه قبل لا تطفي

وبعد المحاولات المتتاليه اشتغلت ومشت بشكل سليم ولكن بعض الاحيان لما اخفف عند مطب او دوار او اشاره تطفي فجأه واشغلها واكمل وايضا احيانا اسمع صوت ((ولف )) اول ما اعيد تشغيلها

**GMC4Ever** · 16/08/2011, 04:22 AM

^^^

يمكن تكون بالفعل بحاجة لإعادة برمجة لان فيه مجموعة من سيارات تريل بليزر 2005 نزل لها تحديث بسبب نفس المشكلة اللي بسيارتك... اذا اعطيتني رقم الشاصي بشيك لك إن شاء الله تعالى

وياليت تجرب تفصل البطارية لمدة 35-45 دقيقة وبعدين تشبكها وتسوق الموتر لمدة 20-30 دقيقة وتعلمنا بالنتيجة.

وأتمنى الإخوان يفيدونا بخبراتهم

**ابومازن2** · 16/08/2011, 04:29 AM

اعتقد وانا خوك
ان الي ركبلك الكويلات ما ركبها صح والبطريقة الصحيحة ( تأكد منها )
وبعدها سويلها اعادة برمجة من جديد

تحياتي لك

**غثني البليزر** · 17/08/2011, 02:15 AM

تسلمون على الردود والتواصل

ان شاء الله باجر بجرب مثل ما قلت اخوي

وبشيك على الكويلات بعد

**مروووق** · 17/08/2011, 12:35 PM

انا احس انها مشكله بنزين
يا صفايه البنزين متسخه ولا توصل البنزين للثروتل ، او طرمبه البنزين فيها مشكله . ماتدفع البنزين بشكل سليم
علشان كذا تطفي السياره بشكل مفاجيء بدون مقدمات وماله شغل المكيف او بدون المكيف
واذا كان البخاخ مليان بنزين ، طبيعي لما تشتغل السيارة يرتفع الار بي ام ، لان البخاخ مليان بنزين ويحترق كله ، وتطلع لك ريحه كربون او احتراق بنزين غير سليم

نصيحتي ، شيك طرمبه البنزين وفلاتر البنزين ، وشيك ان الثروتل (البخاخ) سليم وبعد التصفيه ركبوه مظبوط وان الحساس حق الثروتل مشبوك .. يمكن الفني نسى لايشبك الحساس حق الثروتل

بالتوفيق

**غثني البليزر** · 19/08/2011, 04:07 PM

بيض الله وجيهكم على الردود

المشكله انحلت والسبب كان من عدة اشياء

اول سبب كان واحد من سناسر المكينه كهربته ضعيفه بسبب الوايرات الواصله بالكمبيوتر فماكان يبين بالفحص انه ضعيف لان الجهاز ماكشفه الا بعد ما فحصنا السياره بالشارع تمشي بين الضعف
المشكله الثانيه كمبيوتر السياره يوجد فيه اخطاء كثيره بسبب الغاء دبة التلوث وكلتش المروحه فكان يحناج فلاشنق وتنظيف الكمبيوتر من الاخطاء
سبب رائحة الكربون هو سنسر الاوكسجين بعد ازالة دبة التلوث صار خلل بالمعلومات المرسله من السنسر الى الكمبيوتر فكان الاكسجين زياده يؤدي الى زيادة البنزين وبالتاليه رائحة الكربون تكون قويه وبالتالي تم اعادة برمجة السنسر على اساس الوضع الجديد للسياره بالغاء سنسر المكينه وكلتش المروحه

**fhd261050** · 19/08/2011, 04:39 PM

المشاركة الأصلية كتبت بواسطة غثني البليزر

بيض الله وجيهكم على الردود

المشكله انحلت والسبب كان من عدة اشياء

اول سبب كان واحد من سناسر المكينه كهربته ضعيفه بسبب الوايرات الواصله بالكمبيوتر فماكان يبين بالفحص انه ضعيف لان الجهاز ماكشفه الا بعد ما فحصنا السياره بالشارع تمشي بين الضعف
المشكله الثانيه كمبيوتر السياره يوجد فيه اخطاء كثيره بسبب الغاء دبة التلوث وكلتش المروحه فكان يحناج فلاشنق وتنظيف الكمبيوتر من الاخطاء
سبب رائحة الكربون هو سنسر الاوكسجين بعد ازالة دبة التلوث صار خلل بالمعلومات المرسله من السنسر الى الكمبيوتر فكان الاكسجين زياده يؤدي الى زيادة البنزين وبالتاليه رائحة الكربون تكون قويه وبالتالي تم اعادة برمجة السنسر على اساس الوضع الجديد للسياره بالغاء سنسر المكينه وكلتش المروحه

الحمد لله يوم انحلة المشكلة ......
ياليت ياخوي تخبرنا وين سويته... في ورشة والا الوكالة ؟؟ وكم التكلفة . حتى نستفيد من تجربتك .... ولاتنسى .. الكثير غيرك ممكن يمرون بنفس المشكلة وتكون انت ممن سهل عليهم الوصول الى حل المشكلة.....

ومالك الا الاجر والدعاء ....... بالتوفيق

**GMC4Ever** · 19/08/2011, 04:50 PM

المشاركة الأصلية كتبت بواسطة غثني البليزر

بيض الله وجيهكم على الردود

المشكله انحلت والسبب كان من عدة اشياء

اول سبب كان واحد من سناسر المكينه كهربته ضعيفه بسبب الوايرات الواصله بالكمبيوتر فماكان يبين بالفحص انه ضعيف لان الجهاز ماكشفه الا بعد ما فحصنا السياره بالشارع تمشي بين الضعف
المشكله الثانيه كمبيوتر السياره يوجد فيه اخطاء كثيره بسبب الغاء دبة التلوث وكلتش المروحه فكان يحناج فلاشنق وتنظيف الكمبيوتر من الاخطاء
سبب رائحة الكربون هو سنسر الاوكسجين بعد ازالة دبة التلوث صار خلل بالمعلومات المرسله من السنسر الى الكمبيوتر فكان الاكسجين زياده يؤدي الى زيادة البنزين وبالتاليه رائحة الكربون تكون قويه وبالتالي تم اعادة برمجة السنسر على اساس الوضع الجديد للسياره بالغاء سنسر المكينه وكلتش المروحه

وجهك أبيض وأنا أخوك،

ولا هنت على ايضاح سبب المشكلة والحمد لله على حلها وموفق بإذن الله تعالى نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**ابو شكاع** · 23/01/2012, 12:34 PM

الحمد لله على انتهاء مشكلتك
شوف كيف لما شلت اجزاء من السيارة شد بلد بهذلت بك
خلوا مواتركم كما هي من المصنع حتى لو غثتكم بالحرارة وغيرها
ممكن الحرارة تحل بمراوح مثلا والاهم التأكد من انها حلول لا تضر السيارة
صارت سيارات هالوقت ذكية
حساسات تتعامل مع كمبيوترات واي تعديل تحوس كلش
يالله الحين غير معرفك من غثني البليزر ل اسعدني البليزر
موفق ياخوك

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: عندي تريل بليزر و تعبت من الوكاله ومن كل الكراجات ((انقذوووني))

أدوات الموضوع

عرض

عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

رد: عندي تريل بليزر و تعبت من الوكاله ومن كل الكراجات ((انقذوووني))

معلومات الموضوع

الأعضاء الذين يشاهدون هذا الموضوع

ضوابط المشاركة