فزعتكم ... لاصحاب اليوكون.

[سنافي وبس]

ابي نصيحتكم ياهلي ... ودي اغير كفرات اليوكون الشكل الجديد . ومحتار بين البرجستون قالو انها مع الزمن تقسى ؟ وبغيت اخذ هنكوك قالو يطلع صوت في الممشى .... عموما

ما أفضل كفرات لليوكون علما ان مقاس الجنط 16 ... وما ا سمح لمالكي اليوكون من عدم الرد ( مزحة ) بانتظار نصائحكم ......................../ محبكم سنافي وبس

[ابو نوره]

غير المشلان لاتدور
وابعد عن البرجستون تراه ماينفع

[سنافي وبس]

اشكرك على سرعة المشاركة . وسؤالي هل انت مجربهن

[ابو نوره]

معليش على التاخر البرجستون على اليوكن ماينفع انا مجربه
وبعدين لين وبناشره كثيره
لكن عقب المشيلان ارتحت وتحس انك تسوق وانت مرتاح
وترى هذا رايي والله يوفقك

[سنافي وبس]

اشكرك على اهتمامك .... سؤالي الاخير وش المقاس اللي انت مركبه . هل هو 275×70×16 ام ماذا ؟ تحياتي العامرة

[ابو نوره]

265\70 تقريباً الواحد ب500 ريال
وتراه ميشلان فرنسي

[الـ ع ـارض]

بالفعل ميشلان الفرنسي افضل شي لليوكون لاستخدامه داخل المدينة وفي الخطوط الطويله

ان كان موديل موترك 2000-2002 يكون مقاس الكفر المثالي هو 265/75/16
من موديل 2003 - 2005 يكون المقاس المثالي 275/70/16
بعض موديلات 2004 و 2005 نزلت جنط 17 وهذي لها مقاس ثاني

اما ان كان استخدامك للسيارة في البر وقليل اسخدامها بالمدينه والخطوط الطويله فعليك بالشاهين بس مشكلته انه ما يعيش لاكثر من سنة لان الازفلت ياكله بسرعه ....

[القماري]

الميشلان أفضل ، حاليا في سيارتي اليوكن إطارات (بريدجستون) وصار لهم معي 6 شهور تقريبا ولم ألحظ أي مشكلة (علما بأن السيارة غير رباعية الدفع ) يعني طريق بس.
أشتريتهم بناء على توصية البائع بسبب (أنهم مديل جديد عكس الميشلان)

[سنافي وبس]

اشكر كل من شارك وادلى بتجربته ... لكن سوالي الاخير هل المشلان لها صوت في الخط والا لا ؟ وبعدين كيف الكفر مع اللفات ؟
وهل يوجد مقاس 275×65×16 ؟
سامحوني تعبتكم لكن في النهاية نخرج بمعلومات وافية لليوكون

واكرر شكري لرابطة مالكي اليوكون في منتدي مكشات .... ( م م ن 088 )

[البيـــــرق]

عير الميشلان لاتدور وخاصة لليوكون
مريحة ولينطة وتتحمل الشمس والخطوط
بس ب400 ريال والله تستاهل

[سنافي وبس]

شكرا ... وفقك الله .... تحياتي