15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 6 من 6

الموضوع: ديوان الشاعر / شعااال

  1. ديوان الشاعر / شعااال


    بسم الله الرحمن الرحيم

    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))
    الشاعر / شعااال - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    ننتضرها من الشاعر

    """""""""""""""""
    """""""""

  2. مشاركة: ديوان الشاعر / شعااال

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    *******
    يا منتدى مكشات يا عظم شانك (=) إنت بفؤادي دايم الدوم موجود .
    حاولت أنسى لحظتينٍ حنانك (=) وحاولت أنا باذلٍ كل مجهود .
    وحاولت اقلل بالمحبه مزانك (=) ولقيت انه في خفوقي بدا يزود .
    حتى خفوقي قال ماله ومالك (=) وليه ما يبعد ومن غير مطرود .
    إمصاحبك بالليل وحتى بنهارك (=) وش فايدة ما بذلته من جهود .
    وقلت له الله مأكثر خبالك (=) الحب ما هو حب نمبر على الكود .
    الله يا قلبي قليل احتمالك (=) ما تعرف أن الحب فاقد ومفقود .
    وقال لي كيفك و هذا اختيارك (=) لا ترد لي لا صرت خاسر ومبعود .
    تفرَّج علي ياقلب وأنت بمكانك (=) وبعدين تعرف ليه أنا مشدود .
    الاوله للبر فالي وفالك (=) حبٍ قديمٍ وأنــا تــو مولود .
    حبٍ بقلبي والذي أنزل تبارك (=) ظربه قويٍ كما ظرب بارود .
    والثانية عرفي رجال المعارك (=) العلم غانم والردى غير موجود .
    لا جيتهم كلبوهم عوانك (=) وكلهم واقفينٍ لك سنود .
    أهنيك يامكشات بصفوة رجالك (=) وأهني كل غايب وموجود .
    واسالك ياربي تعالى جلالك (=) انك تجنب صحبتي كل منقود .
    والثالثه علم بجميع المدارك (=) بالشعر ولا بالصقاره تبي فود ؟
    ولو كان في غير هذا مجالك (=) كل ما تبي فالمنتدى موجود .
    بحرٍ غزير ... في جميع المسالك (=) والعلم وافر والبـحر مــورود .
    صحيح قبل أنسى ودي أبارك (=) لكل من يقراء كليمات محمود .
    بالعيد الاضحى جعل نفسي فدالك (=) عساك عايد على العيد والجود .
    وأرجو السموحه ونفسك تمالك (=) عن الخطا و الخطاء مردود .
    وصلاة ربي عد مالي ومالك (=) على النبي وعداد ما هبة النود .

  3. مشاركة: ديوان الشاعر / شعااال

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ((مجاراه))

    لقصيدة الشاعر / منيع

    التالية
    متى الصبـح يتنفـس غـراب الليـل خانقنـي=رحـل سلـوان نفسـي واجــدب افـراحـي
    اهيم بكوكـب فـارغ مابـه شخـص رافقنـي=اشـوف اجسـام نــاس شـبـة الاشبـاحـي
    تعب فكري تعب جسمي صدمني الوقت وارهقني=وانامقوي على جـده ولااقـوى منـه بمزاحـي
    حقيقـة واقعـي مؤلـم وحبـل الهـم شانقنـي=واناواحسرتي مالي سوى شـد علـى الراحـي
    يغيـظ النفـس واقعهـاولا هويـوم عاتقـنـي=يجددبالمسا لوعـه وفـي صبحـه بالاتراحـي
    وذي دوامـة المبلـي فيهـا الويـل عاشقـنـي=وبي مغرم وبي مهتام حـزن طـال واجتاحـي
    نسـى كـل البشـر غيـري وعيـا لايفارقنـي=خلقي لجلي ودنااجلـي وطفـى ضومصباحـي
    ************
    ******

    صدقني ليس اي قصيده اسعى للرد عليها تفاعلي مع قصيدتك كبير جدا

    والدليل أمامك......والله يقويك

    [poet font="Tahoma,5,orange,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
    قصيـدك حلو وأعجبني"="وشعـرك حـيل بـواحـي
    أريـدك يابعـدعـمري "="تناسى بعض الاتراحـي
    وأبشـرالحـياه حلوه "="وفيهاالوفـي صـاحـي
    يـدوّرمن يـبي خـدمه "="يقدمها بشوق سراحـي
    لربيع الارض والخضره "="وروضٍ عطرهـا فـاحـي
    تمـنيت الـشعر لحظه "="تمنيته وأنا صـاحـي
    يجـي فالحـلم وأرده "="يجيني بصـوت فضـاحي
    يخلي دمعـتي فـرحـه "="ويشاركني هـوأفراحي
    تنفس صبحـناالليلـه "="تنفس صـدق مو مزاحي
    ومنيع اليوم مطربني "="وشـعـره حـيل بواحي
    *=*
    وياخوك أركـد ترى الدنيا"="تـغـص بكـلمة جـراحـي
    ترى الدنيا تحب الغـدر"="وتـرى أخـوك نصـاحـي
    ولكن أناويـاك والـدنيا"="إذانمت انت أنا صاحي [/poet]

  4. مشاركة: ديوان الشاعر / شعااال

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ريف النشامى مع التحيه

    كل ما د خلـتلي موضوع ابي اعتمد ردي=فاجأتني قصيده لريف النشامى تلالي
    من كثرها عديتها وأغلط وارجع أعدي=مبسوط انا من كثر ما غلط اول وتالي
    في كل مره نذوق الحرف حلـو امتعدي =كن القوافي تجيه ... ولا بغاها يأشر تعالي
    صدقني احـب اقـرأ قصيد تـك وحدي =حتى تكون حروفها... ملـكي وليَّـه لـحـالـي
    من كثر ما اقراها تقول ارجوك هدي =بعثرتني واتعبتني ... ولا عـاد تـقعـد قـبالـي
    أرجـوك يالـنشـمي كان القصيده تردي= قــله تـرى شعَّااااااااال ... مـعـجـب شمـالـي

    *******

    أخي شعاااال

    أستلم يابعد حيي .............والله لايهينك
    يا صاحبي شعااااااااال هاك المردي=هاك البيوت ألي على كل منوالي
    باسمك ورسمك وصفتي ما تردي = تستآهل التقدير ياطيب الفالي
    وحنا ترانا دونكم مانعدي =العود لامن شذ عن شجرته بالي
    وإن كان به توفيق لازم يردي = بعد الإلهْ.. لـــموروثنا الغالي
    والكل منا لي خويّه مسدي=وليا أجتمعنا نرفع البيت بالعالي
    والقلب والله يجماعه يودي=جميعكم.. أوّل.. ولا فيكم التالي
    واخص فيكم خص ذيبن مسدي=شعااااال ياشعااال شهمن ورجالي
    كل القصايد كلها مانعدي=لأجلك رهنته كلها وأحكمت الاقفالي
    وأشكرك يالغالي على ماتبدي=من شآني الترحيب في زين الأمثالي
    والشعر ياشعااااال ماهو تقدي = الشعرياشعااال هاجوس ألأحوالي
    لاهاض من قلبك ترى مايصدي=لانه شعورن صافين فوق الأجوالي
    وكل القوافي تجتمع مايندي= منها عن المحبوب لو وزن مثقالي
    كله طرب.. كله تنادي تحدي= للهم والهاجوس ياقف بمنزالي
    ياكيف لا والقصد عندي وردي=للي لفاني بالقوافي بمدها لي
    في خيمة الموروث جانا يفدي=شعااال ياشعاااال ياليث الأدغالي
    ياطير حرن ضارين بالمهدي=قصيدتي فيكم حروفه تروّالي
    لاكن قليل الهرج خير المردي= ماقل دل وبه غنا عن كثيرات الأقوالي

  5. مشاركة: ديوان الشاعر / شعااال

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    أحبااااائي هذي قصيده بالمقناص

    عسى الله يعيده علينا وعليكم بخير انشاء الله

    غاية ما اتمناه ان تكون على الهقوه وعساها تعجبكم
    يا زينـهـا ياحـــمـود وأنـقـله عـــني = حـب الـــولـع والــصــيد نــطــرد وراهــا
    شــيٍ يــروح طــيــار و شــيٍ يـدنـي = هــذ ا طـــرب نـفــسـي وهــذا هـــواهــا
    ولــو هي عليل النفس ماني متهني = طــرد الــولـــع والـــصــيــد هـــذا دواهــا
    تــذكٌـر حمــود يـوم الليـالي ضـو نـي = وكــان البــدر ياحــمــود ياضــي سماهــا ؟
    فــي مــهمــهٍ فيـــها الحباري جرَنٌي =وفـيهــا الـقــطـا وحـتى الجو يني وطاهــا
    يــوم الحباري بأرضـنا هــذي سلنـي =ونبــت الـخـزامــى حـصلــت بــه مــناهــا
    وفــيها تمــايـل كــل غـصن أمتهـنـي= يـشـرب بـدون حسـاب مـن عـذب مـاهــا
    الـعـشـب واجــد والـعــشاير تحــنـي =مســتفــلــيه بــالــخــير مــحــدٍٍ نـهـاهــا
    الــبارح أجـــوال الـــحباري ســـرَنــي =وتــلاعـــنا هــذي حـــروه قـــويه نـــراهــا
    شمـّل حـمود وخــذ ا الــراي مـنــي =وبـــأرضــنا كـــل نــبتـه بحــسنه تــبـاهــا
    بـشــّر حـمــود وجــانـي سريعٍ يهني =جـــرّه جــديــده تــو تـــاطـــى ثــراهـــا
    الــخــرب مـن بطــنه وجــيـعٍ يــونـــي = ولا الــدجــاجــه مـــا وصـــل منــتـهـاهــا
    وطبيـت تلــعتهـا وهي تمشي بتوني = سـاعــه تـحـبـري وسـاعــةٍ تنــظر وراهــا
    ثـــمٍ ركــب شــعّـــال ملـيـون جـنــي =شــاف غــبـرتـــها وراح خــيّــب مــنــاهــا
    وجــانـي رفـيــقـي طــايــرٍ ومـتهنــي = يــقــول أحرمــــت الــدجــاجــه عشـاهــا
    مـــن الــفــرح ولا الـحـبـاري عـمنـــي = قــلت انــتــظر ياحـمـود فيه خربٍ معاهــا
    نبــيه طـايــر هــي حـــلاتــه وظـنــي = طــيري يــحــب انـــه يـحــلــق وراهــا
    حـــوّل عــليـــه حـمــود طــربٍ يـغنـي = و طيــرّه و الــطيــر شـــرقٍ خــذاهـــا
    الــخـــرب طـــايــر وعـــداده يـــرِّنــــي = يبـي النــجوم هناااااااك يسبــح قـفـاهـــا
    مــجـنــون بــطـياره ولاهــــو مـتـونـــي =ولا هــو بـعـــيد الــطـــير كــانــه بـغــاهــا
    مــجــنــون والــــطــــير مـنـــّه أجـنــي = مـــن حبــهــا قـــام يــغــــرف وراهــا
    ثــم أنـحــدر يـاحــمـود والـلـه كـــنـــي = شــايف نجوم الشهب بــأســرع مداهـــا
    وأنـا بـــذكــر الله بــس أكــبـّر وأهـلــي= تــبــارك الــرحــمـــن بــأعــلـــى عُـلاهـــا
    تبــون نـكٌــمـــل حــديــث التــمـــنــي = ولا كــفــى .، والــطـير مــا كـنه بــغاهـــا ؟
    وش حــلـــوهـا بـالله لــو قــلـت إنـــي = كــنــت بــمنـامــي يــوم طــيـري غزاهـــا
    كـنـت أمـتغطي بطــرد البـــرد عــنــي =رفــعــت راســي بـــس فرشه وغــطاهــا

  6. مشاركة: ديوان الشاعر / شعااال

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •