صـور مـقـنـاص ظـبـاء مـتـنــوعة لـعـدة مـقـانـيـص أهـداء لـهـذة الـخـيـمـة

[عوق الخريش]

بسم الله الرحمن الرحيم ,,,
أخوااني أعضاء خيمة الصيد البري ,,,
السلام عليكم ورحمة الله وبركااتة :
أهدي لكم بعض من صور مقانيصي الظباء فى رحلات متعددة ,,,

خمس ظباء من النوع الادمي والريم

عنود حصلناها فى شعيب حمض وهي قايدة الجميله !

العنود ومعهاا تيس تم صيده بعد العنود

عنوديين فى شعيب يبعد عن الغردقه 60 كيلو دااخل الصحراء القاحله

هذه صورة له سالفه عجيبه على جميع هواة الصيد كنا قانصيين حباري وطلع الطير وهديته المهم رااح الطير تقريباّ
3كيلو يوم راج ثم راج يوم شفنا تحته 4 ظباء بس ورانا الظباء الله يعطيه العاافيه المهم تفازعنا وجابهم الله بعد شق
ألانفس وهذا خرب معهم بعد صادة الطير

هذه الصورة بعد أذنكم هديه للأخ العزيز والمشرف الغاالي : صقر 20 ولاهو قصور بباقي ألاعضااء

بعض من مخزونااات ألارشيف طبعاّ هذا نسميه ألادمي

هذه الصورة لها سالفه كنا قانصين فى أحد الدول المجاورة حبااري معني طيورنا وندور الحباري المهم مالكم فى
الطويله يوم جا مساء 3 يوم وحناا ماعيناا صيد لاأرنب ولاحباري وندور المعشاء المغرب قال وااحد من أخويانا
تراى مامعني لحم خلص ولافيه عرب قريبين لازم نروح حول القراء أو الهجر المهم أتفقنا قلنا نعشي طيورنا ونصلي
المغرب ونسري وحنا سيارتين المهم سرينا والارض حروة ارنب وظبي يوم مشينا تقريباّ 15 كيلو وحنا موجهيين
وبنفس الوقت نقنص ألارانب لعلا وعسي نصيد حق العشاء يوم صاح الجهااز حق أخويانا السيارة الثانيه الظبي
الظبي يارياجيل قدامي المهم فزعنا يمه يمين يسار فوق تحت لين وصلنا أوخينا قالو نبغاء نمسكة حي قنا ياولد عصفور
بيدك ولاعشرة باالشجرة عطة الناار لوهو قدام خشم الجيب ههههه المهم جابه الله ودورنا لنا مكان للمراح وجاب ذبيحة عن200 ذبيحة هههه

صورة أخرا لتيس بعد الرمي نزلنا لتحليله والفرحة بين الهواوين

أهدااء الى أعضااء خيمة الصيد البري

*

أتمنااء هذه المقتطفااات أعجبتكم ,,,

*

أنتظروبااقي الصور فى هذا الوضوع عن قريب ,,

*

شاكر ومقدر ...للجميع ,,

*

أخوكم

*

( عوق الخريش )

[تركي العتيق]

الله يرجك ياعوق الخريش خلصنا من صور الحباري وخيمة الصقور وجيت هنا هههههه مقناص اومقانيص السعادة صايد وفايد يابومشهور ويعطيك العافيه على الصور الروعه
تقبل مروري

[فوق هام السحب]

تسلم الايادي كفوووو
صور خياليه وموضوع متكامل

[ابوبندر خالد]

مشالله عز الله اكمول

[ابو الذهب511]

يعطيك العافيه ع الصور ياكحيلان وتسلم يمينك

[مدهوش]

السلام عليكم ورحمه الله وبركاته
يعطيك العافيه ياعوق اظباء على الصور عزالله انك خرشتنا باخرالليل
وعلى كلام تركي خلصت من خيمة الصقور وجيت هناء هههه عساك على القوه كل سنه
وقصه ظبي الليل صراحه عجيبه لابعد حد وهذا طرات الصيد ياذيبان وعلومك كلها طيبه
تقبل مروري

[الوايلي100]

بيض الله وجهك على الصور الطيبه وصايد وفايد

[عبادي القناص]

ماشاء الله تبارك الله صايد وفايد اخوي عوق الخريش
الله يوفقك وتصيد اكثر واكثر
حفظك الله

[ابو الذهب511]

يعطيك العافيه اخوي والف عافيه عليكم وصور جميله صراحهـ

[ذراع الذيب]

السلام عليكم ورحمة الله وبركاته ,,
صبحك الله بالخير يابومشهور,,

ماشالله تبارك الله هديه جزله من رجال جزل تسلم ولايسلم,,
ردي العزايم وصايد وفايد يالنمر وياجعل الردي مايشوف موضوعك,,
الطيب تحياتي لك,,

[الهاون]

مشاء الله تبارك الله صيد جزل من رجال كفو
الله يعطيك العافيه

[بحيران]

السلام عليكم عوق الخريش اولا تسلم يمينك على هالصيد وجعلها دوم للشحم مضاريبها

[راعي غضبان]

السلام عليكم ورحمه الله وبركاته

يعطيك العافيه ياعوق اظباء على الصور عزالله انك خرشتنا باخرالليل
وعلى كلام تركي خلصت من خيمة الصقور وجيت هناء هههه عساك على القوه كل سنه
وقصه ظبي الليل صراحه عجيبه لابعد حد وهذا طرات الصيد ياذيبان وعلومك كلها طيبه

تقبل مروري

عزالله صدقت اخوي مدهوش عوق الظباء في ليل وفي نهار الله يستر عليه وعزالله مافيه حيله والله انه حناش وفي كل شي تلاقاه سابققك عليه والله انه رجل يتعب ويستاهل ابومشهور واقول كفوا انا اقول هو لابغاء شي لازم يوصله حتى الغردقه وصلها وماشاءالله عليه والله يرزقه الصيد والفيد والف شكر لك اخوي ابو مشهور دائما مبدع ومشكورررررررررررررر

[الصقار06]

مساكم الله با الخير جميع وتسلم علي ها الصور الأكثر من رائعه ويعل مداخيله العافيه ما قصرت

[shaheen70]

ماشاء الله عليك عزالله صيد ووناسة وتعب
تستاهل هالزين ضبا وحباري ومقناص مايحلم فيه القنوص
جعلك على القوة وبيض الله وجهك علمك غانم ياأبن الأجواد ورحلة موفقة وطير أكثر توفق يجعله دوم اللهم آآآآآمين
جعلها بالعافية عليك يالغالي
أخوك shaheen70