من يعرف جهاز تيمر للتحكم في توقيت التشغيل والأيقاف للأجهزة؟

[ارتست]

اخوي مطلوبك شفته عند محل في بريدة يبيع اجهزة اكترونية دقيقة
ان شاء الله امر عليه بعد العصر وافيدك

بيض الله وجهك ماتقصر
على فكرة لقيت جهاز صغير وارخص وبعرضة بعد قليل كود تلاقية عندهم بهد

[ارتست]

اذكره موجود عند ساكو قديما .... رح لساكو ان شاء الله تحصل الي في بالك ... وفيه اشكال منه ومديلات كثيره . ( الفكره تدور على فيش كهرب يشبك على فيش الكهرب الي بالجدار ونفس الفيش هذا فيه مؤقت لتوصيل الكهرب .... اسمع يالغالي شكلي عقدة الموضوع شف الصورة توضحلك الفكره

طبعا فيه منه موديل بسيط وفيه مديل مطور (له مميزات ..شاشه الكترونية وو..) .. من ضمن اهم المميزات في المتطور انه يحدد ايام الاسبوع السبع ثم تعطيع اوقات الي يشتغل فيه وكل يوم تحط النظام الي يعجبك) .. وهكذا .. العادي جدا هو انك تحط وقت الي يشتغل فيه من الوقت الفلاني الى الوقت الفلاني كل يوم وبس .

وسعره رخيص عموماً ...

مثال على النوع العادي : http://www.ebay.co.uk/itm/UK-3-Pin-2...item2c5f4e4111 البائع في هذا الرابط يوصل لسعودية ... كلن عموما انا متأكد اني شافيه عندنا خصوصا عند ساكو قديماً ..

المديلات المتطوره مثال : http://www.ebay.co.uk/itm/2-X-7-Day-...item2c652e3e2c البائع يوصل للسعودية .


وله اشكال وانواع ... وفيه مديلات تصحل للعجازين : يجي معها ريموت تشغله وتطفيه

اهم شي انك عرفت هذا المنتج ... وأن شاء الله تحصله بالسوق

صادق أخوي وتسلم ع المعلومة
بس أزيدك معلومة ليش مايصلح هالجهاز لنا
هالنوع من الاجهزة أقل فترة تشغيل 15 ويطفي 15 دقيقة وهذا كثير.
لان الرذاذ عادة نبيه يشتغل ويطفي بالدقايق. على سبيل المثال يشتغل 3 دقايق ويطفي 4 دقايق.
ومشكور على المشاركة

[ارتست]

أخواني لقيت المنتج المناسب بسعرة وبساطته

حقيقة أنا كتبت وجهزت الموضوع كامل لكن بغلطة سكرت المتصفح وراح كل اللي قلته

على كل, اللي بهالمنتدى يستاهل اني أكتب عشر مرات

لقيت أكثر من جهاز في ebay
ميزتها عبارة عن جهاز يشبة اللي بساكو، لكن اللي بساكو لفته الوحدة مدتها يوم وماتقدر تجزء التشغيل والاقفال بالدقائق، يعني أقل شي ربع ساعة يشتغل وربع ساعة يوقف،غير كذا الكلبسات حقته تقدر تسوي منها 24 مرة إقفال و24 مره تشغيل هذا إذا كان عد الكلبسات كافي.

لكن اللي لقيته يشبة له لكن ميزت هالجهاز يلف مرة كل 40 دقيقة ثم يعيد من جديد يلف
وفيه 48 كلبس وكل كلبس عبارة عن 50 ثانية وقوف أو تشغيل
فإذا تبي جهازك يشتغل 3 دقايق تقريبا ويوقف 3 دقايق تقريبا؟؟ أجل إكبس 3 كلبسات وخلهم تحت ثم أترك ال3 اللي بعدها ثم إكبس 3 اللي بعدها لين تخلص لفة الجهاز
كذا راح يشتغل الجهاز كل اليوم 3 دقايق يقفل و 3 دقايق يشتغل
ولو تبي تعدل الوقت عدل في عدد الكلبسات (يعني على مزاجك)

الموقع ebay
اسم الجهاز
Repeat Cycle Timer 40min Hydroponic Aeroponic EZcloner

رابط الجهاز
http://www.ebay.com/itm/Repeat-Cycle...item43a6cb9252

سعره حول 17$+5 شحن داخل أمريكا= 23 $=حول ال 90 ريال سعودي + شحن السعودية=؟

الجهاز الثاني
Repeat Cycle Timer 50 Sec. Intervals Aero/Hydroponics

رابط الجهاز
http://www.ebay.com/itm/Repeat-Cycle...item33680bd6e5

وسعرة يزيد ممكن 30 ريال


في الختام تمنيت إن أحد الأخوان بالمنتدى يطلب كمية منه للسعودية ويترزق منها يعني بسعر مقبول، منها الشباب يدعون له (لان هالجهاز حقيقة أتعبني شخصيا) وراح أطلبه لي لاني متواجد هناك(USA) لكن جهاز الرذاذ بالديرة فما راح أقدر أجربة في الوقت الحالي لين أرجع (نجد ياعزي لحالي)؛(
ونفسي أطلب كمية للإخوان بس تعرفون التجارة لاهلها والله يرزقنا من يجيبها ويبيعها بقناعة ولا بجيبها أنا وأبيعها عناد عناد في اللي بيجيبها ويبيعها غالي <<< من الحين يهدد
ولو يتكرم أحد ينزل صورها أكون له شاكر.

(دعواتي لي ولكم بالتوفيق) هذا كل مطلبي

[ارتست]

للإستزادة
نوع أخر إدخل عليه وراح تلاقي عنده أكثر من نوع وبأسعار جداً مناسبة
النوع اللي أنا حاط رابطة خارجي يعني تحطة برا البيت لو بغيت
وفيه شي داخلي يعني ماعليه غطاء لكن أهل مكشات مايعيقهم شي

الاسم
Repeat Cycle Timer 40 Min Hydroponics

الرابط
http://www.ebay.com/itm/Repeat-Cycle...05%26rk%3D1%26

ولو تبي أنواع ثانية يبيعها نفس الشخص إنزل تحت الصفحة وبتلقاها

بالتوفيق

[حكيم100]

اخي الكريم موجود اسمة رين بيرد ( طائر الماء)
يصلح للحداثق ويفتح اربع مسارات
ويركب معة مثل الصممات ( لازم فني متخصص يركبة ) وتحصلة
عند اللي بييعون ادوات الري وهذي صورة له



اتمنى انني قد افدت بشي

لو تكرمت صديق لي لديه مثل هذا الجهاز وأحتاج لو تكرمت تفيدني أين أجد من يعمل له صيانة في القصيم ولك فائق الشكر
أرجو الرد على الايميل aaa5095@gmail.com

[فياض الخير]

انا مشترية من محلات الأدوات الكهربائية وشفته في ساكو

هو مجرد فيش كهرباء وفيه ساعه ضبط وسعرة رخيص بحدود 25 ريال

اكتب في قوقل electricity timer plug

وتفرج

[مازن ريان]

السلام عليكم ورحمة الله وبركاته

انا شريت جهاز تايمر المؤقت من الطائف بسعر 130 ريال
واستخدمته للمبات الدرج والابواب والفوانيس الخارجيه وممتاز
وراح انزل عنه شرح في هذا المنتدى
لاني وجدته في عدة محلات لكن مافيه احد علمني طريقة التوقيت الا شخص واحد صاحب محل حتى الكهربايين

[راكد القناصه]

موفق خير ويفيدونك هل الخبره

[tmt2003]

السﻻم عليكم التايمر موجود
وسعره 170 ريال
تواصل معي 0569649304
عشان ارسل لك صوره الجهاز

[حنين الطير]

شوف ممكن هذا يصلح لك

http://www.amazon.com/gp/product/B00...?ie=UTF8&psc=1

[مازن ريان]

خذ هذا الجهاز مجرب وممتاز وقيمته 130 ريال

[iisys]

الاخوه اللي يقولون موجود عند محلات الكهرباء في الغرابي
انا شخصيا مريت على المحلات واحد واحد وغير موجود فقط الموجود الصغير اللي يطفي ويشغل اللمبة فقط

ارجو من الاخوان ذكر اسم المحل اللي عنده التايمر اللي يصلح للغطاس

تحياتي للجميع

[ali-aljeraisy]

اخواني

انا محصل مثل هالنوع بالروضه



سعره حول ٣٠٠ ريال او ٢٨٠ ماتذكر

فيه مجموعة محلات

الرياض - حي الروضه - شارع خالد بن الوليد وانت جاي من خريص ودخلت شارع خالد بن الوليد ومكتب العمل على يمينك امش ٢٠٠ متر تقريبا والتفت يسار بتشوف مجموعه محلات لري

[شنطة عده]

ارخص انواع التايمر في حدود 30 ريال

اقل زمن 10 دقائق ينفع لشغلات كثيره .....شخصياً استخدمه للمكيف الصحراوي في المطبخ

[qathmy]

ي اخي هذا الجهاز تحصله في ساكو قسم الاجهزه الكهربائيه طبعا انا اشتريته من ايكيا لاكن لقيته في ساكوا