يدوي الشرق/ كل عضو بمكشات يذكر نداه ومدينته ومتى اول مره عرف المراسله عن طريق للاسلكي

[فايع]

وعندي جهاز8000 و2200و85يدوي t90a

[صاحب نوماس]

مخاوي نشاما

والله مااذكر بالضبط بس اول ايام نزولة اذكرة كان يجي تهريب

كنا نستخدمة عند البل بس

الرياض

[وادي زحل]

السلام عليكم
والله ماكنت ادري عن شئ اسمه لاسلكي كان عندي سكانر ايام السيناو وفجأة سمعت مراسلات لدرجة كنت اظنهم استخبارات لاني اسمع كلمة اطلع المكتب وحدثني احد الزملاء ان هذي اجهزة هواه وبديت معاهم باليدوي عام ١٤١٨ بالمدينة المنورة

ولكن حصل شئ بالمدينة لم يحصل عند الغير وهذي نقطة مهمة
راسلنا وتعرفنا على رجال شرواكم وفي اخر سنة ١٤١٩ واحد من شبكة المدينة جمع اهل الاجهزة ودعاهم على وليمة عشاء وكان يقول الحضور لايتجاوز ثمان اشخاص او تسعة وعند حضور العشاء اندهشنا من الحضور وكان لايقل عن ٦٠ اشبه مايكون حفل زواج وكان في المنتزة البري ( البيضاء منطقة برية شمال المدينة) تعرفنا على بعض وكل واحد يعرف باسمه مع النداء وبعد اسبوع وزعت نشرات مطبوعة ووزعت على مشاهير الشبكة نسخة شاهدتها عند احد الاصدقاء موضوعة على زجاج سيارته الامامي اضف على ذلك ان الاسماء اعلنت على القناة العامة ولاكثر من مرة وبدأت المشاكل
وبداءت العنصرية والطعن في القبائل والحمدلله تزوجت بعدها وتركت الاجهزة ليس كرها فيها بل طريقة استخدامها في منطقتنا
النداء : عقاب
وتحياتي لبعيد المراميس والقداماء رعد وبرق واخو صيته وقلق وحامد الجامد وابن شلاح
كما انني اغبط كل واحد دخل الشبكة ممن لم يحضر العشاء ويراسل وليس الاشكال في التشهير او غيره بل ان المشكلة ماهي دوافع صاحب العشاء ومن هم الحضور اللذين لم نعرفهم عدة اسئلة تجعلك تبتعد عن اللاسلكي وتريح راسك

[يدوي الشرق]

بداية استخدام الجهاز والمراسلة كان علم 1421
عن طريق أحد الأصدقاء
وتوقفت قبل حوالي 3 سنوات لإنشغالي

النداء ( البجادي ) الرياض

شكرا لك اخي يدوي ..

مشكرور على مرورك

[يدوي الشرق]

موضوع شيق وجميل

انا كنت اعرف للجهاز من زمان سوائن مع اخواني
او مع اخوياي بس اشتريته عام 1424 عام الخير
اول جهاز اشتريته كان 2100 والى الان وهو معي
وشبه الجديد

ونداي / المراقبة الجوية

مشكووووور على مرورك

[الهاوي 9]

المهلي مايولي
معكم اخوكم الهاوي 9
النداء / قطر
المدينه / الرياض
معرفة الجهاز منذ مبطي
الاستخدام / 14 سنه

تقبلو مروري

[الحطيشي]

اخبارك والله ايام مرت ياحمو

[المهاجر انا]

ندي المهاجر اول مرة قبل تقريبا 8 سنوات ولا استعمله الا في البر قليل جدا في المدينة

[أبو الحارث 4]

السلام عليكم ورحمة الله وبركاته
حيا الله كلا باسمه ونكه
المراسلات من 8 سنوات آيكوم2100 وما زال عندي ولله الحمد في الكشتات والسفريات فقط للحاجة ومعرفة الرجال شرواكم ، أما إذا أقبلت على المدينة كرهت الجهاز لما أسمعه من ضعاف الإيمان وممن لايخافون من رب العباد، وهذا الغالب ، لكن هناك مكاتب طيبة وعلى رأسها أبو عبدالعزيز الشايب حفظه الله جنوب الرياض علوم طيبة وفوائد وتجارب146125 ، أبو الحارث الرياض

[أبو إرسال]

تحيه طيبه للجميع ..

اخوكم الصغير / ابو ارسال ..

الموقع الرياض ..

4 سنوات متواصله ..

معرفتي بالجهاز عام 1420 هـ ..
كان خالي معه جهاز وشريت جهاز وكان استخدامي 8 اشهر ذاك الوقت ..

[يدوي الشرق]

تحيه طيبه للجميع ..

اخوكم الصغير / ابو ارسال ..

الموقع الرياض ..

4 سنوات متواصله ..

معرفتي بالجهاز عام 1420 هـ ..

كان خالي معه جهاز وشريت جهاز وكان استخدامي 8 اشهر ذاك الوقت ..

مشكوووووووووووور على مرورك اخي

[MjNo0oN]

استخدامي للجهاز من عام 1425

النداء غير ثابت ((اغلب الالقاب نستخرجها من لوحة السياره المستخدم الجهاز فيها)) والغالب ا س د او 99
على حسب السياره الي اكون فيها قوتها ولوحتها

استخداماتي للمراسله = مكشات + صيد + خطوط سفر طويله في اكثر من سياره

[الزمان مغبرنا]

السلام عليكم ...

بدايه معرفتي في الايكوم 2100 عام 1422 هجري يعني لي الان تسع سنوات وانا اراسل متواصله والحمدللله واول مراسله لي في الرياض عند ولد عمي وكن ما اعرف وش اسمه بس اعرف انه جهاز مراسلات وبس ثم شرا ابوي له ايكوم 2100 وصدق يوم شراه طحت فيه طيحه قويه وصرت ليليا عليه صبح وليل بس في الاجازه اما وقت الدراسه ياخذه مني وكنت اراسلبه في البر اذا طلعنا لان الرياض بعد سنتين من استعمالي للايكوم خربت اخلاق الرياض وصار سب وملاعن وتركته وصرت ما اراسل الا في البر فقط لكن ما اقطعت عنه ...

وكان نداي : مسافر والى الان هذا نداي ومكتبي رقمه 144.150 بس برا الرياض يعني اذا اتجهت لشمال صوتلي وتلقاني موجود انشاء الله لكن خميس وجمعه فقط وغيرها يفتح الله لان الحين وقت مدارس وجامعات وانا ما اراسل الا الخميس والجمعه بس ...
واسف على الاطاله ...

[الزمان مغبرنا]

والله يعطيك العافيه يا يدوي الشرق على هذا الموضوع الزين ...

لان يمكن نلقى احد من اللي كانو يراسلون اول الله يذكرهم بالخير رجال شرواكم ...

لكن تصدق يا يدوي الشرق لين الحين ما لقيت احد من اللي كنت اراسلهم اول في هذا الموضوع او المنتدى ...

لكن اللي عرف نداي او قد سمعبه يرد علي مهب عشان شي بس ابي اسلم عليه واتذكر ايام زمان بس ...

وهلا بكم هلا والله

[راعي ذرف]

السلام عليكم ورحمة الله
النداء او الرمز كما يقولون راعي ذرف
استخدامي له تقريبا عام 1416 آيكوم 2000 وبعده كنود الان 8000
استخدام في الرحلة فقط للمجموعة

الف شكر للجميع