15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
اقول لكم يا جماعة .... ما لقيتو حل لصرفية البنزين في اللاند كروزرالقديم ( 93، 94 ) عندي واحد مهبلني وغيرت له كلبريتر ونفس الوضع.... ادني مشوار بخمسين او ستين ريال
وش السوات
اشب فيه .... لكنه دوا البر والتغاريز
شوفو لنا حل معه ..... اصلحو بينا
عضو لم يفعل تسجيله
اخوي بسباس انا مرت بي مثل هالمشكله وارتفاع التشويش او الصوت مع زياده السرعه دليل
على زياده الكهرباء الداخله للرادو وعدم ثباتها والورش واجد وصعب اقولك ورشه بالشمال وانت جنوب
ولا من عيوني
اخوي محافظ وطي اقولك شب فيه
من يقولك انه دوا التغاريز والله انه بالنفود قطعة وجه ولا تهمك اللزقه الي بجنوبه 4500 تراها زينه
وشخليت للمرهم حقي؟؟
بعد تصقية الحسابات اعطيكم مشكلتي العويصه الي مالها حل
السياره: بليزر موديل 81
العطل: كلتش الله يكافينا الشر اذا غيرته يحترق من اول مشوار بدون مبالغه والي يدمره هو انه يتعرض لحراره
بعد 4 سنين وانا اراقيبه واكشت للقصيم والصمان وكل محل لقيت واحد بالصدفه وانا باشري ربلات للاذرعه وكان مبين عليه
جنتل يعني كشخه وسمعني اهرج بالكلتشات وخسايري فيها قال غير برازيلي واذا ماعندك سلفتك الحين وفعلا طلع كلامه في محله
لانه مع ردائته هو انسب شي للجمس الدفع الرباعي
صدقوني ياهل الجموس معلومه تنشرى
مابي منكم شي الا تصلون وتدعولي
السلام عليكم
انا عندي سفاري موديل 1992 اذا لفيت الدركسون يسار يصير فيه صوت ونه كنه مافيه زيت مع العلم أنه فيه زيت
وش السوات لا هنتو
مكشاتي
السلام عليكم ورحمة الله وبركاته ,,,,,,,,
ياخوي 0(الحضري) اذا كان قير موترك توماتيك تاكد من لديتر القير الموجود داخل اللديتر انا صارت معي نفس المشكله بس موتري فورد اكس بلور
جزاك الله خير يا سلفر على النصيحة وما قصرت
وانت يا ابو عييدي بارك الله فيك والله لا يهينك على الرد واضح انك ما سجلت الا عشان الرد لانه أول موضوع لك
بالنسبة لكلامك لا انا قير الموتر عندي عادي وفيه واحد من الاخوان يقول الطبه والثاني يوافق اخونا سلفر ويقول الراس وعلى الله
في أمان الله وشاكر ومقدر لكم
مكشاتي نشيط
السيارة : باثفيندر
الموديل : 2000
المشكله :رجه طويله على شكل مرجحه في خلف السياره يعني بعد ما اتعدى الثامانين يتمرجح الموتر من الخلف حتى انه دايم الناس تخاف وتهدي يحسبون الموتر يبي يقلب .
عرضت الموتر على اكثر من فني واكثرهم يقولون تغيير مساعدات مع اني غير مقتنع فكيت المساعد بنفسي وفحصته طلع سليم !
وبعدها قالو ربلات مقصات دورتها ما هي متوفرة شريت مقصات كامله مع الربل برضه ما راحت
الحل النهائي طلع من المقصات العلويه غيرتها وزالت المشكله
الا بـــــــــذكر الـلــه تطمئن الـــــــــقلـــــــــــــــوب
لا اله الا الله
سبحان الله وبحمده سبحان الله العظيم
مكشاتي نشيط
الاخ بسباس
ما وضحت نوع سيارتك
بالنسبة لي
نوع السيارة Vxr98
العطل:
صوت ونة في الرادو ويزيد مع زيادة الدعسة
الفحص والحل:
دخلت الموتر للوكالة في الرياض وبعد فحص صار
السبب من البواجي !!! نعم البواجي من نوع خاص للاندكروزر وزالت المشكلة
المهتوي يقطع المستوي
السلام عليكم
انا عندي سفاري موديل 1992 اذا لفيت الدركسون يسار يصير فيه صوت ونه كنه مافيه زيت مع العلم أنه فيه زيت
وش السوات لا هنتو
عطوني وش خرابه لاهنتواااااااااااااااااااااااااااااااااااااااااااا اااااااا
مكشاتي متواصل
السلام عليكم
اول شي اخوي دندشــ بالنسبة للصوت شيك على السير الدركسون ولا على الدودة ولا على الليات اللي توصل من علبة الزيت الى الدودة يمكن تصير مسكرة من الوصخ مثل ما صار لواحد من الشباب
ثاني شي بالنسبة لموتري فهو باترول 2001
والمشكلة اللي واجهتني سهلة صعبةاي نعم لانة عندي قرقعة بالدقرنس الامامي اذا اكلت مطب
ويوم شيكت علية طلع الخراب من جلبة عمود التوازن للدفرنس الامامي ( الملتوي قدام الدفرنس )
قلت سهلة ورحت للوكالة وكلي ثقةاني راح احصلها بس فاجؤوني
قلت طيب عطني العامود كامل !!
قال ما عندي حق الموديل 2001 اذا تبي حق الشكل القديم وسعرة تقريبا 350 ريال بعد الخصم وانت رح رهمة عند الحداد او المخرطةقلت امعصي خلة على طقطقتة ابرك من يفلت عليك بكرة على ردمية ولا في مقطعة
فا وش رايكم وش الحل لمثل كذ واذا في احد بالرياض يتخصص رالربلات والرمان فاجزاكم الله خير دلوني علية
ولكم جزيـــــــــــــــــــــــــــل الشكر
مكشاتي متواصل
مشكور اخوي الشقردي الله يعطيك العافيه على اهتمامك .. سيارتي VXR الله اعلم انك طحت على العله لانه ناس قالو لي تهريب كهربا وربما يكون هذا التهريب من البواجي او اسلاكها ، سوف اجرب .
يالمرنقط... ممكن ترهم لها جلبة بدون ما تغير العمود... أي مخرطة ممكن ياخذ لك قياس قطر العمود ويسويلك جلبة شحط عليه وبدون خساير.. لكن دور مخرطة مضبوطة وريح بالك.. لكن غريب الوكالة ما عندهم قطعة مهمة زي ذي...
الشقردي وبسباس.. المشكلة ذي حصلت لي ( فكسار 93) .. بس ما اهتميت لها وراحت بعد ما غيرت بواجي ولا طرى على بالي انها رايحة الا بعد مدة
محافظ وطي.. تعديلات بسيطة.. ثلاجة وكاربريتر وعمود كام إيدلبروك.. بساتم كي بي نفخ... روس موسعة وبلوف ستنلستيل. مراوح كهرب .. القوة.. 435 حصان.. صرفية البنزين.. مثل صرفية 454 تقريباً أو أعلى بشي بسيط لا يذكر.. بس مكبر التانكي
السلام عليكم ورحمة الله وبركاته
مساكم الله بالخير جميعا
وتواصلا مع الموضوع والاعطال هذه تجربه شخصيه
المشكله
انتهاء وتمزق او تأكل جلد الدوده او علبة الدركسون (علبة التروس ) التى تمسكها على الكمر الاماني او بأختصار جلد كراسي هذه العلبه مما يسبب فضاوه بحركة الدركسون وتكون بسيطه جداً ولكن المشكله انها تخرب الصوفه للدركسون بسبب عدم ثباتها وتبداء قضية التهريب للدوده
نوع السياره
السياره لاند كروز 2001
سبب العطل
كثر المطامر وخاصه الارض الحجريه والحجره والحره وسيارات هالايام تنك قص ولزق
الاصلاح
لايوجد قطع لها بالوكاله ولم يصنعها اليابنييين !!!!!!!! لازم تشتري العلبه كامله عشان الكراسي اربع جلد مع مساميرها شيء يقهر بجد
الحل المثالي ترهيم جلد لها 300 ريال عند محلات وزن الاذرعه والدركسون وطبعا يقولون لك 6 شهور وتخرب مره ثانيه ؟؟؟؟؟؟؟؟؟؟؟؟
ملاحظه انا هاليام تعرفون صيف لا روحه ولا جيه وكل يوم وانا انبش بالسياره الله يجيب البراد وينك يا سهيل
وسلامتكم جميعا ً
الرحال2003
ما شاقني والله حسن التواصيف=== ريمٍ بعيدٍ مزبنه ما يصادِ
لكن يكلفني من الشوق تكليف=== شمة ذعاذيع الهوى بالبوادي
ولا اظن باسْلى لو تزود التعانيف=== حب الخلا بالقلب قصرٍ مشادي
مكشاتي متقدم
يالرحال
والله اني حبيتك في الله
موب اليوم من تاريخ تسجيلي
الله يوفقك ويرزقك ويعافيك
هل تعلم انك بهذا الموضوع استفدنا منه اشياء لاتتوقعها
عموما جزاك الله خير
انا عندي مشكله ولقيت الجواب عقب ما طاح الفاس بالراس
غيرت راس المكينه وبعدها بفتره صار الموتر ينقص زيته
يعني يبيله شنبر
السياره كرسيدا96
الان ابسالكم وش افضل ورشه في الرياض للكرسيدا
وعندي مشكله ثانيه
وهي ان الموتر اذا تعديت 120 تجي رجه
ورحت للعضيب وترصيص ارضي 50 ريال
ولازالت الرجه
هل هي من الكفرات
المشكله الثالثه
اذا لفيت اسمع صوت طنه طقه خفيفه طبعا والسياره تمشي مع ملف من الكفر الايمن فقط
طبعا اذا لفيت وهي واقفه مايطلع صوت
واذا ركب احد معي مايطلع صوت
مكشاتي متقدم
المشكله بجس 454 دفرنس واحد موديل 92 الحراره هي المشله سيخة الاديتر وغيرت الخراطيش وركبت اصلي وغيرة بلف الحراره وبدون فااايده والحراره ديم من ثلالث ارباع الى الاتش ؟؟؟؟؟؟؟؟؟؟؟؟
عندك عدة احتمالات أخوي سداح..
1) احتمال حساس الحرارة مفوت أو ما يعطي قراءة صح.. هل السيارة فعلاً ساخنة.. ( تفور - صوت طبخ في الراديتر - حارة جداً )؟؟
2) روس المكينة يبغى لها مسح.. احتمال وارد لكنه ضئيل..
3) طرمبة الماء ما تضخ.. احتمال وارد.. غير الطرمبة..
4) تماتيك أو كلتش المروحة ما يلقط.. شيك على المروحة..
مؤقتاً .. فك بلف الحرارة حتى تخفض الحرارة قدر الامكان حتى تعرف المشكلة..
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
