أي معلومة عن جيب لكزس Rx330

[طمطماية]

يا شباب اللي عنده أي معلومة عن جيب لكزس RX330

قوته

تماسكه

صرف بانزين


أو أي شي ثاني لا يبخل علينا

[الوشاح]

اخوي طمطماية

الجيب هذا حلو كسياره تستخدم بالديره وكشتات خفيفه بس

ولا يصلح لمطامر البران والصيد والكشتات البعيده

والدبل فيه نضام دفع رباعي مستمر يعني مافيه قير دبل ولا H4 دبل ثقيل

عموما إذا عندك اي استفسار انا حاضر......

[Bader-M]

وعليكم السلام ورحمة الله وبركاته
..........

هذه بعض الصور و المعلومات البسيطه



........



........


.....


........
المحرك

ذو ست اسطونات على شكل 7
24 صمام
ويولد قوة تصل الى 230 حصان عند 5600 دوره في الدقيقه
و عزم يصل 242 عند 3600 دوره في الدقيقه

ناقل حركه ذو خمس سرعات

وهذه صفحه يتكلم عنها بصوره مفصله جدا
وهي من الموقع الرئيسي لشركتها

http://lexus.com/models/rx/performance.html#engine

[عاشق الكروزر]

في الصرفية ممتاز وخفيف وعزم قوي وفي الخط ابداع
مافيه دبل ثقيل وهو عموما رباعي مستمر بس في البر
ماينبغى بريال يعني جيب شوارع بس

[ماجد الشمري]

اخوي طمطمايه ...
الجيب هذا سلمك الله سحب امامي اساسا ويشبك الخلفي عند الحاجه ويصبح رباعي والمحرك من افضل محركات تويوتا بسعة 3.3 لترات بجير 5 سرعات اوتو وبانسيابية اكثر من رائعة بالنسبة للجيوب تقدر بـ 35. Dc ويتميز باستهلاك ممتاز 20 / 25 ميل للجالون وهذا الرقم انجاز بالنسبة للجيوب ونظام الدفع الرباعي فيه لا يناسب البر فإذا كنت نادر تدخل البر فتوكل وخذه خصوصا ان السيارة جودة المواد الداخلية فيها روعة والفل كامل منها يجي بديسترونيك ( نظام تثبيت السرعة بالليزر ) وفيه جميع انظمة الرساوة الحديثة ونظام Vsc للتحكم بالثبات ويقوم في حالات السرعة العالية في اللفات الخطرة بمنع التسارع فوق حد معينة من السرعة حفاظا على ثبات السيارة بشكل ثابت ...
الانوار الامامية متكيفة وتتحرك بزاوية 15 درجة ارتفاعا ونزولا ومع اللالتفاف يمين ويسار تتحرك كذلك ونظام تعليق السيارة هوائي ( اظن في الفل فقط او لايأتي عند ابو جميل ) قابل لتغير ارتفاع السيارة ل 4 وضعيات ...
مقاس كفر السيارة جيد نوعا ما ولكن لا ادري لماذا تتدعي المجلات الانجليزية تدعي ان صوتها نوعا ما عالي ومقاسها 235 / 55 / 18 ...
السيارة جيدة بل ممتازة ولكن عيبها ان الوكيل كان يجيبها قبل سنتين وقيمتها 138 الف ريال والان وصلت للفل 170 الف ريال .. صراحة اشوفها مبالغة جدا ...
خصوصا ان السيارة اساسا سحب امامي بينما المنافسات كلها دفع خلفي مثل الاف اكس 35 من انفينيتي و الاكس 3...
اذا كنت تريد سيارة مقاربة لطريقة الاداء في العمل وسعرها ارخص ومريحة بشكل كبير فانصحك بالهوندا ام ار في ...
وسعره بحدود ال 100 الف وكسور ... وعلى فكرة الار اكس 330 موديل 2005 شفته بالوكالة ركبوا عليه تخشيبة اي كلام مثل اللي يركبونها بالكوامري ... من الداخل صراحة صار مشوه .. لكن مايزال جيب ممتاز ولك الخيار ...




اخوكم ماجد الشمري

[الطعس الذهبي]

الجيب ممتاز أنا ضد كل من قال ان مابه دبل فيه دفل بس ان أتوماتيك يفتح اوتماتيك تبعن هو للفخامة يجي نوعين منة بالفخامة نوع يجي بشاشة ونو بدون شاشة طبغن الفرق حدود العشرين الصراحة انه مريح ودعستة ثقيلة و سعرة بمية وخمسين النص والكامل زود عشرين بهل الحدود فيه مرتبتين ومن حيث القوة فهو صحيح انه مافية بور زي الانتكروزر لاكن هو اصلن الجيب جيب رياضي ويجي نوع لكزس Rx330 بس مب جيب النوع الي يجي فيه شاشة الشاشة يصير فيها Gbrs Dvd تلفزيون الصراحة ازين مابه ان الباب الي ورى ينفتح ويتسكر توماتيك

[البيـــــرق]

السلام عليكم ورحمة الله وبركاته
(خير الكلام ماقل ودل)
ان كانك راعي بر ماينفع ابد
تراه حق شوارع ومايحمل البران

[طمطماية]

عريفجان ساحوق

طاير بالعجة

عاشق الكروزر

ماجد الشمري

الطعس الذهبي

البيرق


أشكركم على ردودكم .... وزي ماقلتوا السيارة مي حقت بر ... شي أكيد ... أصلا لو أيش ما دخلت فيها للبر ... لكن السيارة فخمه جدا ً ومواصفاتها حلوه مرررررررره .. اللي سمعته انهم طرحو RX400h يعمل بواسطة الكهرب والبانزين ...

بحيث يقوم بتخزين الطاقة الناتجه من دوران الكفرات وفي حاله وقوف السيارة أو عدم الحاجة إلى قوة كبيره من الماكينة يقوم بفصل البانزين واستخدام الطاقة المخزنة


فيه أحد من الأعضاء يقدر يفيدنا بشكل أكبر حول هذي العملية

حيث أنها تقنية جديده ...

[ماجد الشمري]

اخوي طمطمايه ...
اللي تتكلم عنه هو الهايبرد .. وهو محرك 3.3 مع محرك كهربائي ... السيارة نزلت الان في امريكا وسعرها شوي غالي ... والمحرك الكهربائي ينتج عزم عالي جدا ويقلل الاستهلاك بشكل كبير حتى انه وصل الى 25 / 35 ميل للجالون لكن يعيبة ان في حالة تشغيل المكيف يزداد الاستهلاك كثير ...





اخوكم ماجد الشمري

[انا ناصر]

اذا انت راعي بر مايصلح لك

[اسيزو 4x4]

أذا أنت راعي بران ماينفع وهذا خلاصة الكلام يالغالي

[salehhd]

أذا أنت راعي بران ماينفع وهذا خلاصة الكلام يالغالي